Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'Esa moi riaka dodoto 'o jamati 'iodumu 'o Galatia ma daeraaka. Ngoi 'o Paulus, ma Kristus 'awi su-suloko, de nanga 'esa moi gee yongaku-ngaku yoodumu gee naga de de ngoi, mioga'asoko tanu ma Jo'oungu ma Dutu to ngone nanga Dea de ma Jou Yesus Kristus nikula 'o co-catu de 'o sanangi nginika. Ngoi todadi 'o su-suloko ge'ena ko 'o nyawawa 'isingekomo bolo 'igorakie, ma 'ena ma Yesus Kristus de ma Jo'oungu ma Dutu to ngone nanga Dea gee wisimomikokau 'o Yesus 'o songenoka.

² (1:1)

³ (1:1)

⁴ 'O Yesus wosongene sababu womau salingou watuusu to ngone nanga so-sowono, la wonasisupu 'o 'orasi 'ito-torouoka ne'ena moteke nanga Dea ma Jo'oungu ma Dutu wi mau.

⁵ Powisiarene ma Jo'oungu ma Dutu kaisi'ado-'adonika! 'Amin. Koge'enau.

⁶ Tiniherangi ma sala 'Esa moi riaka dodoto! Ma Jo'oungu ma Dutu wini'asokokau ma ngekomo ma Kristus 'awi singina ma sure, ma ne'ena ngini ma dataiti winimadakau ma Jo'oungu ma Dutu, de niamoteke 'o habari gee 'o nyawa yongose 'ato 'o Habari ma Owa 'ena ko ma Jo'oungu ma Dutunowa.

⁷ Ge'ena ma gou-goungu ko 'o Habari ma Owawa, duga kayosikawecara sababu yomau yakapulutu ma Kristus 'awi Habari ma Owa.

⁸ 'O nyawa gee yositotara 'o do-dotoko gee 'imakaregu de 'o Habari ma Owa gee ngomi miositota-totara, ge'ena madaka la ma Jo'oungu ma Dutu wakikorosau. Ngaro ngomi bolo 'o mala'ekati 'o sorogaaku ma.

⁹ Ma sirasi miosidemokau, ma ne'ena ma moiosi tinisidemo: Nako moikani yosidotoko 'o do-dotoko ma somoa gee 'imakaregu de minisidoto-dotoika, ge'ena ma Jo'oungu ma Dutu wakikorosau!

¹⁰ 'Ato kone'ena tongose la bari 'o nyawa 'isiarene? 'Ai singinaka ka ma eta ma koi'iwa koge'ena. Ngoi tomau ka ma Jo'oungu ma Dutu woisiarene. Bolo ka 'o singina to'ese la 'o nyawa 'isanangi? Nako ka koge'enasi todiai, ngoi ko ma Kristus 'awi gilaonguwa.

¹¹ 'Esa moi riaka dodoto salingou nianako, 'o Habari ma Owa gee tositota-totara ge'ena ko 'o nyawakawa de yaino.

¹² Ko 'o nyawakawa to'isenino de ko 'o nyawawa 'isidotokino. Ma 'ena ma Yesus Kristusou ma sirete woisidemono.

¹³ Ma raiokau nio'isenokau 'ai 'ahu ma sirasi, gee ngoi ka 'o Yahudiosi manga 'agamaka. Ma 'orasi ge'ena ngoi takihalebiru ma sala 'o nyawa yongaku-ngaku ma Kristusika sababu tomau takisotumu.

¹⁴ Ma ngale miosidagi 'o Yahudi ma 'agama, ge'ena ngaro de 'ai manaiou yoku-kudai gee mimasida-da'asaka, ma ngoiosi 'ifoloika tosikuata 'amia edete de mia dotumu manga 'adati.

¹⁵ Duga sababu ma Jo'oungu ma Dutu 'awi singina ma sure, so woi'asokokau ma 'orasi ngoi ka 'o pokoro ma dodakasi ma ngale dua towileleani.

¹⁶ De ma Jo'oungu ma Dutu wosidumutu 'awi Ngowaka ngoino, la 'o Habari ma Owa ma ngale 'awi Ngowaka gu'una tosihabari ko 'o Yahudiwa ma nyawaka. Ma 'orasi ge'ena ngoi kotomaga'asokuwa 'o di-dibangi 'o nyawaka.

¹⁷ Mita kototagiwa 'o nyawa-nyawaka 'o Yerusalemuoka gee 'ona 'isira yodadi 'o su-suloko de de ngoi. Ma ngoi ka 'o Arab ma tonaika totagi, ge'enaka de tolioli 'o Damsyik ma kotano.

¹⁸ 'O taunu sa'ange 'asa de 'o Yerusalemude totagi la mimakanako de 'o Petrus. Ngoi tomanoa de de 'una ka 'o wange mogiooko de motoa.

¹⁹ Ma 'o su-suloko 'iregu-regu kotakimakewa, duga ka 'o Yakobus 'o Yesus ma dodoto.

²⁰ 'Okia naga talefo-lefo ne'ena ge'ena ma goungu. Ma Jo'oungu ma Dutu mita wanako kotoelukuwa.

²¹ Ge'enaka 'asa deika 'o Siria de 'o Kilikia ma daeraa tanga-ngaimoi.

²² Duga ma Yesus Kristus 'awi jamati 'o Yudeaka ge'ena koinakowasi.

²³ 'Asa kayoka'ise-'isene 'o nyawa yongose 'ato, "Ma sira 'o nyawa gu'una miha-halebiru ngomino, ma ne'ena 'unau wositotara ma ngale pongaku ma Kristusika gee gongoka womau waisanga."

²⁴ So 'ona ma Jo'oungu ma Dutu wisiarene sababu ngoi.

Galatia

Video Galatia 1

Ikuti Kami:

KONTAK | PARTISIPASI | DONASI