Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ya'ami ira talifusõ banua Niha Keriso ba Galatia. Ya'odo, Faulo, ba fefu dalifusõ Niha Keriso si fao khõgu ba da'e, manõtõna ndra'aga khõ Lowalangi Amada ba So'aya ya'ita, Yesu Keriso zamahowu'õ ya'ami ba same'e khõmi fa'ohahau dõdõ. Tobali ndra'o sinenge, tenga bõrõ wa no latuyu ndra'o niha, ma nifa'ema niha, no moroi khõ Yesu Keriso ba Lowalangi Amada si no mangorifi Yesu moroi ba ngai zi mate.
2 (1:1)
3 (1:1)
4 Ba wolo'õ somasi Lowalangi Amada, no Itehegõ mboto-Nia Keriso tobali sumange nitaba ba horõda, ena'õ I'efa'õ ita ba nõsi gulidanõ andre, si lõ sõkhi.
5 Nisuno Lowalangi irugi zi lõ aetu! Yaduhu.
6 Ahõlihõli sibai dõdõgu wamaigi ya'ami ira talifusõ! No Ikaoni ami Lowalangi moroi ba wa'ebua dõdõ Keriso, ba hiza iada'e ba no alio sibai mi'erogõ Lowalangi ba mi'otahõgõ "duria somuso" dõdõ bõ'õ, moroi ba Duria Somuso Dõdõ si otarai Lowalangi.
7 Sindruhunia lõ hadõi "duria somuso dõdõ bõ'õ". Ni'ombakha'õ niha andrõ si mõi khõmi, ya'ia "turia somuso dõdõ" sanandrõsa khõ Keriso si no lafabalia'õ, irege abu dõdõmi.
8 Ba he na ya'aga, ba ma mala'ika moroi ba zorugo zangombakha khõmi "turia somuso dõdõ" bõ'õ andrõ, si tenga Turia Somuso Dõdõ ni'ombakha'õma khõmi, ba si gõna fangelifi Lowalangi zi manõ.
9 Si mane si no uw̃a'õ fõna, si manõ gõi ufuli uw̃a'õ iada'e: Na so niha sangombakha khõmi "turia somuso dõdõ bõ'õ" si lõ faudu ba Duria Somuso Dõdõ si no mitema andrõ moroi khõma, ba ya gõna ia fangelifi Lowalangi!
10 Hadia, da'õ nitõtõnagu ena'õ lafaduhu'õ ndra'o niha? Ma'ifu tenga! Ha da'õ nitõtõnagu, ya'ia ena'õ Ifaduhusi tõdõ ndra'o Lowalangi. Hadia, bawangai tõdõ niha ena'õ la'omasi'õ ndra'o ni'aluigu? Na si manõ mbuabuagu, ba no tenga enoni Keriso ndra'o.
11 Ya'aboto ba dõdõmi, ya'ami ira talifusõ, wa Turia Somuso Dõdõ andrõ ni'ombakha'õgu, ba tenga turia si otarai niha.
12 Tenga moroi ba niha utema duria andrõ, ba tenga gõi nifaha'õ niha ndra'odo. No Yesu Keriso samõsa, si otarai zorugo zangombakha Turia Somuso Dõdõ andrõ khõgu.
13 Noa sa mirongo gamuatagu fõna, me solo'õ huku agama niha Yahudi ndra'odo. Aboto ba dõdõmi hewisa wa'afaitogu ba wolohi banua Lowalangi, ba hewisa wa'abe'egu ba wamakiko.
14 Ba wolo'õ huku agama niha Yahudi andrõ, no ato utalu'i niwama si faziazia'a khõgu. No uforege wolo'õ ngawalõ hada ndra tuama.
15 Ba hiza, bõrõ wa'omasi Lowalangi no I'obini ndra'o me lõ na si tumbu ndra'o, ba Ikaonido enoni-Nia.
16 Ifa'ele'õ Nono-Nia andrõ khõgu Lowalangi, ena'õ uturiaigõ Duria Somuso Dõdõ sanandrõsa khõ Nono-Nia andrõ ba niha baero. Me luo da'õ lõ omasido wangandrõ menemene ba niha.
17 Lõ gõi si mõido ba Yeruzalema khõra si no ofõna sinenge moroi khõgu. Mõido ba danõ ndrawa Arabi, i'otarai da'õ mangawulido zui ba Ndramaseko.
18 Tõlu fakhe me no aefa Ikaoni ndra'o Lowalangi enoni-Nia, awena mõi ndra'odo ba Yeruzalema ba wamalukhaisi Fetero. Torõi ndra'o khõnia dua migu wa'ara.
19 Lõ si falukha ndra'o khõ ndra sinenge bõ'õ, ha Yakobo, talifusõ Zo'aya.
20 Sindruhu nisuragu andre. Lõ molau faya ndra'odo, anehe Lowalangi!
21 Aefa da'õ awena mõido ba mbanua Ziria misa, ba ba mbanua Gilikia.
22 Me inõtõ da'õ, ba lõ la'ilado nasa banua Niha Keriso moroi ba Yudea.
23 Ha larongo ba niha sanguma'õ, "Niha solohi ya'ita fõna, ba ituriaigõ iada'e wamati andrõ, nifakikonia fõna."
24 Ba lasuno Lowalangi bõrõ ndra'o.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA