Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utatku mita jama'at i Allah inta kong Galatia. Aku'oi ki Paulus takin bayongan utat naton intau Kereten inta koyota-yotakinku, moharap makow simbaí ki Allah, ki Amaí naton bo ki Tuhan Yesus Kristus umuran makow mobogoi im barakat bo totabi ko'i monimu komintan. Aku'oi na'a nobalií rasul de'emanbií ibog in intau andeka intau in nopobalií ko'inakoí, ta'e ki Yesus Kristusbií bo ki Allah inta ki Amaí naton, inta nomiag doman bui ko'i-Nia nongkon sigad in intau minatoi.
2 (1:1)
3 (1:1)
4 Ki Kristus dinumudui kon ko'ibog i Allah, ki Amaí naton, sahingga Sia noposarahkan awak-Nya tontanií nobalií kurban potobus kon taḷaí mita naton, simbaí kita posaḷamaton nongkon ka'ada'an masai na'a inta diaídon mopia na'a.
5 Dinayo-dayowdon ki Allah nodapot ing koyoyangan dunia na'a! Amin.
6 Aku'oi im moherangbií totok ko'i monimu utat mita! Mo'ikow nion inoinií i Allah tongaíbií pinodoyon kon tabi i Yesus Kristus, ta'e nongonubií sim mo'ikow in nolikatbií totok nonolikud ko'i-Nia bo minayak nokidongog poḷat dinumudui kon habar inta kai monia in habar mopia doman, padahaḷ de'emanbií nongkon i Allah.
7 Sabanarnya diaíbií in Habar Mopia ibanea makow, tongaí oyuíon in intau namangoi mopotomba'uk im pirisaya monimu. Makusud monia tua im mopoyotaḷaí in "Habar Mopia" i Kristus.
8 Ta'e intau inta nopoyaput ing kai monia "habar mopia" inta noyoposi in Habar Mopia inta pinoyaput nami tua in igumonku makow baí hukumon i Allah in sia, kami kabií tontanií andeka malaekat nongkon soroga!
9 Naí inta aim pinoguman nami kolipod, bo tana'a komintanpa doman pogumanku: Aka oyuíon intau mamangoi mopoyaput in "habar mopia" ta'e noyoposi in Habar Mopia inta aindon pinoyaput nami ko'i monimu, yo igumonku makow in hukumon i Allah in sia tua!
10 Yo naíonda degaí in na'a: Motayak degaí in aku'oi kon inta mokosanang kong gina in intau andeka inta mokosanang kon gina i Allah? Andeka ontongon monimu degaí aku'oi im mokopopia kon intau, simbaí kosanang in intau? Aka natua in oaíidku, yo aku'oi na'a in de'emanbií bobantung i Kristus.
11 Mo'ikow ule utatku mita musti monota'au kon Habar Mopia inta pinoyaputku ko'i monimu tua in de'emanbií nongkon intau.
12 Sin tua in de'emanbií inogoi in intau ko'inakoí, bo de'emanbií doman intau in notunduí ko'inakoí, ta'e tua in no'uliíku sing ki Yesusbií tontanií in nobogoi ko'inakoí.
13 Kino-dongogan bidon monimu ing kobobiagku kolipod wakutu in aku'oi agamapa Yahudi. Wakutu intua diaíbií in tabiku momogutuí kon jama'at mita i Allah, totokbií in ramijionku putuíon im mosia.
14 Bo aka tongaí mopobayak im parentah agama Yahudi, yo no'iliubií in aku'oi kon intau mita in Yahudi inta topobiagku. Bo aku'oi totok doman moḷukad kon adat im mogoguyang nami.
15 Tongaí pinodoyonbií kon tabi i Allah, sahingga pinilií-Nya aku'oi ko wakutu ing kom bonupa in sian i inaíku. Inoinií-Nya in aku'oi sim mogaid kon oaíidan-Nya.
16 Pino'ontong-Nya ko'i nakoí ing ki Adií-Nya simbaí Habar Mopia soaáḷ ki Adií-Nya bayaíanku poyaputon kon intau mita inta de'eman Yahudi. Bo wakutu intua aku'oi diaíbií minayak ko'i ineka sin no'igum kon tonggina.
17 Naí doman tua, aku'oi in diaíbií minayak in Yerusalem bo notayak ko'i monia inta munadon nobalií rasul. Ta'e aku'oi im minayakbií im butaí Arap, bain nongkon tua aku'oi minayak bui in Damsyik.
18 Bo toḷu notaong no'iduduimai, aku'oi minayak in Yerusalem sim mokipodungkuḷ ko'i Petrus. Aku'oi nogutun takinnya mopuḷuh bolima nosinggai.
19 Tongaí aku'oi diaíbií noyodungkuḷ in rasul mita ibanea kolikudbií ing ki Yakobus ki utat i Tuhan Yesus.
20 Kon tayowon i Allah, pogumankudon ko'i monimu, kon onu im pinaisku ko'i monimu na'a in totu'ubií, de'emanbií tongaí uboḷ!
21 No'iduduimai kon tua aku'oi minaya-mayak makow in lipuí mita inta kon Siria bo Kilikia.
22 Ta'e wakutu intua jama'at mita inta kon Yudea, diaípabií nonota'au ko'inakoí, sin diaípa inontong monia.
23 Mosia tongaíbií nokodongog kong guman in intau, "Kon siabií tua inta kolipod nomogutuí ko'i monia, ta'e tana'a makow sia nopoyaput ing kaparcayaan inta kolipod ramijionnya totok inggamaían."
24 Daí mosia totokdon nodayow ko'i Allah sin aku'oi nopirisaya domandon kon tua.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA