Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Hun bani si Paulus, ai ma apostel, sedo humbani jolma atap marhitei sada jolma, tapi marhitei Jesus Kristus anjaha marhitei Naibata Bapa do, na dob papuhohon-Si humbani na matei,
2 rap pakon sanina in haganup, na mangkasomani ahu, hubani kuria-kuria na i nagori Galatia.
3 Idop ni uhur ma bani nasiam ampa damei humbani Naibata Bapa pakon humbani Tuhanta Jesus Kristus,
4 na dob mamberehon diri-Ni halani dousanta, laho paluahkon hita humbani dunia sisonari, na jahat on, mangihutkon uhur ni Naibata Bapanta.
5 Bani ma hasangapon ronsi sadokah ni dokahni. Amen.
6 Longang do uhurhu, halani sonin podasni nasiam marbalik hun Bani, na dob mandilo nasiam marhitei idop ni uhur ni Kristus, laho mangihutkon Ambilan Na Madear na legan,
7 ai seng adong na legan. Tapi adong do halak na manggeori uhur nasiam, anjaha na sihol paubahkon Ambilan Na Madear ni Kristus.
8 Tapi porini hanami, atap malekat na hun nagori atas pe, mangambilankon Ambilan Na Madear bani nasiam, legan humbani na dob niambilankonnami, hona papa ma ia.
9 Songon na dob ihatahon hanami hinan, sonari pe sonai do huhatahon, “Anggo adong na mangambilankon Ambilan Na Madear bani nasiam, legan humbani na dob jinalo nasiam, hona papa ma ia.
10 Rosuh-rosuh ni jolma do na hupindahi ijai, atap rosuh ni Naibata do? Na mantin bani pinggol ni jolma do na hupindahi? Ambit sonai, seng sintong ahu juakjuak ni Kristus.”
11 Ai hupatugah ma bani nasiam sanina, ia Ambilan Na Madear na huambilankon in, sedo na humbani jolma in.
12 Ai seng hujalo atap huguruhon in humbani jolma, tapi marhitei pangungkabon ni Jesus Kristus do.
13 Ai domma ibogei nasiam parlahouhu sanggah ibagas hajahudion ope ahu, sonaha parahni parburungku bani kuria ni Naibata, laho parsedahon ai.
14 Surungan do ahu humbani buei hasomanku magodang mangkorjahon hajahudion, ai na tarlobih do pongkut ni uhurhu mangkaporluhon aturan-aturan na humbani ompungnami.
15 Tapi ipapulig Naibata do ahu humbani parnaibataan nari, anjaha idilo do ahu halani idop ni uhur-Ni,
16 anjaha marosuh do Ia patalarhon Anak-Ni in bangku, ase huambilankon Ia bani halak sipajuh begu-begu. Seng lobei marguru ahu ijia bani daging ampa daroh,
17 anjaha seng tangkog ahu hu Jerusalem marayak apostel, na dob parlobei hun bangku; tapi hu tanoh Arab do ahu laho. Dob ai use mulak ma ahu hu Damaskus.
18 Dob salpu tolu tahun, tangkog ma ahu hu Jerusalem, laho marayak si Kepas, anjaha tondok ma ahu bani sapuluh lima ari dokahni.
19 Tapi seng adong huidah apostel na legan sobali si Jakobus, sanina ni Tuhan in.
20 Ia na husurat on bani nasiam, i lobei ni Naibata do on, paboa sedo na marladung ahu.
21 Dob ai laho do ahu hu nagori Siria ampa Silisia.
22 Tapi seng itanda kuria ni Kristus na i nagori Judea anggo bohingku.
23 Pitah na tarbogei do bani sidea, “Na marburu hita ijia, ia do sonari mangambilankon haporsayaon, na pinarsedani ijia.”
24 Jadi ipasangap sidea ma Naibata halani ahu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA