Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

² Do' katu idi awang ratnan Allah Taman tau idi ratnan Tuhan tau Yésus Keristus temurun kuan muyuh.

³ Ui ngubur Allahku anid kareb ui ngerawé nemuyuh.

⁴ Anid kua' ui sembayang kuan muyuh, ui sembayang dengan mawang niat,

⁵ ngaceku ratnan rurum muyuh bang kekamen mada' Bala luk Do' ineh rat aco luk pun-pun macing nekini.

⁶ Ui kali' do'-do': Allah luk nengimun kekamen luk do' ini arang muyuh miak mangeh ineh pad macing aco Yésus Keristus ineh.

⁷ Ui megéi' ngerawé nemuyuh, idi petulu ui inan terawé luk kudeng ineh ratnan muyuh. Ngaceku amung muyuh ngalap babpat pad-pad denganku, do' kareb ui kiling idi teh kareb ui mepuit, pad ui miak ngeletep idi ngasa' Bala luk Do' ineh.

⁸ Allah kali' ratnan ui sikal papu' nemuyuh dengan éi' Yésus Keristus.

⁹ Ini sembayangku, pad awa muyuh amé'-amé' mula' dengan ileh luk matu idi teh ileh ngiti,

¹⁰ pad muyuh miak mili' luk meluun do', pelé muyuh miak mangun meligan idi na mesala' kareb Aco Yésus Keristus.

¹¹ Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

¹² Idi ui sikal maré kali' kuan muyuh, O kinanak-kinanakku, idi amung-amung luk pangeh nangun kuanku, pangeh mangun ku dalan mada' Bala luk Do'.

¹³ Pad pangeh ginala' kuan lun pebunu' bang ruma' lun ngimet bawang, idi lun baken pana', ratnan ui kiling ngaceku ui demulun Keristus.

¹⁴ Idi mula' kinanak-kinanak teh meluun rapet inan Tuhan ngaceku ratnan ui pangeh kiling, idi amé'-amé' mekuu' mada' bala Allah dengan na matot.

¹⁵ Matu, sebuang lemulun mada' Keristus ineh ngaceku ratnan temaruh idi kedaluh, idi inan teh dengan niat luk do'.

¹⁶ Idi ideh nganau' kudeng ineh ngaceku ratnan awa, ngaceku kali' idi ui ini litep Allah ku matar Bala Luk Do' ineh.

¹⁷ Lun baken ineh mada' Keristus ngaceku sikal pa luun, baken dengan niat luk matu. Ideh pian nganau' susa' kuanku luk kiling ini.

¹⁸ Na mekudeh! Ui mawang niat ku ineh — kudeng Keristus badén teh, kian dengan matu idi siayu pana'. Ui megéi' mawang niat.

¹⁹ Ngaceku ui kali' ui miak puatin ngaceku sembayang muyuh idi pedengan ratnan Roh Yésus Keristus.

²⁰ Ui geregan idi merapet dengan matu-matu, pad ui na melaya' bang kekamenku. Iamo' do' ui megéi' mekuu', meluun teh bang kareb ini, pad ui pelaba kél ngerayeh Keristus bang bururku, do' dengan ulun kian até lek.

²¹ Ngaceku kuanku, kudeng mulun, ieh ineh Keristus, idi kudeng maté, ieh ineh peruan.

²² Iamo' kudeng dengan ulunku ui ngeruat meluun ula' bua' ratnan kekamenku, idi na ui kali' sapeh luk pian pilinku.

²³ Niatku perapid ratnan luk dueh ini. Ui pian amé' idi tudo dengan Keristus, ngaceku luk kudeng ineh luk meluun do'.

²⁴ Iamo' kuan muyuh ui inan ulek mulun.

²⁵ Ui merapet ratnan ini. Ineh punneh ui kali' ui miak mulun teh idi tudo dengan muyuh, pad muyuh metaduk idi mawang niat bang anu.

²⁶ Ngaceku ineh kareb ui idi dengan muyuh teh, meluun teh muyuh mawang niat ratnan ini bang Keristus Yésus.

²⁷ Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

²⁸ Aleg matot nan bunu' muyuh. Do' muyuh mekuu', pad ngegala' kuandeh ratnan muyuh metueh, idi ideh melaya'. Ngaceku Allah luk maré nemuyuh metueh.

²⁹ Ngaceku Allah pangeh nemaré kareb kuan muyuh pad ngakem kuan Keristus ineh, baken dengan manu Neneh mo', iamo' dengan ngalap medereh pana' ngaceku Ieh.

³⁰ Nekini muyuh miak pebunu' pad-pad denganku bang bunu'ku ineh, luk pangeh sinier muyuh atun, idi luk mangun kuanku nekini pana', mepad teh kudeng luk pindenger muyuh.

Filipi

Video Filipi 1

Ikuti Kami:

KONTAK | PARTISIPASI | DONASI