Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O anak-anak, maya' bala taman-tinan muyuh bang Tuhan, ngaceku ineh luk matu.
2 "Ngedita' taman idi tinanmu" (idi ineh ukum luk pun-pun dengan sebuleng pejani'),
3 "pad mangun ku luk do' kuan muyuh, idi muyuh mulun mio bang tana' ini."
4 O taman-tinan, aleg nganau' anak muyuh mét niat, iamo' ngasa' nedeh idi mada' nedeh dengan bada' luk petulu pa kiung Tuhan.
5 O demulun, do' muyuh maya' ukum lun luk kuan nemuyuh dengan matot idi megegker, idi dengan niat luk do' mepad kudeng muyuh maya' Keristus.
6 Aleg dengan siayu mepad kudeng sikal ngawang niat lemulun, iamo' mepad kudeng demulun Keristus luk maya' pian Allah dengan amung niatdeh.
7 Idi do' muyuh ngakem dengan niat luk geregan mepad kudeng kuan Tuhan idi baken kuan lemulun.
8 Ngerawé do'-do'! Anid-anid burur, do' demulun idi lun luk baken demulun, miak ngalap tabpar ratnan Tuhan, maya' kekamen luk do' luk ruenneh.
9 O lun luk kuan demulun ineh, do' muyuh nganau' kudeng ineh teh kuandeh, idi ugka' ratnan rangat buri' muyuh, idi ngerawé do'-do', Lun luk kuan nedeh idi luk kuan nemuyuh pana' idi déi' surga, idi Ieh na mili' ayu lemulun.
10 Idi kekipedneh, do' muyuh mangun metueh bang Tuhan idi dengan tueh laludNeh ineh.
11 Idi do' ngayung ku amung ayung Allah, pad muyuh tuman ratnan amung-amung saluk Iblis.
12 Ngaceku tau baken pekakem dengan lemulun, iamo' dengan amung-amung tueh, lalud, idi raca' luk ngimet luk medacem, idi amung-amung lalud ada' luk dat déi' arang gawa'.
13 Ngaceku ineh do' muyuh ngayung ku amung ayung Allah, pad muyuh tuman kareb aco luk dat, idi tuped meraben kareb muyuh pangeh nenganau' luk amung-amung.
14 Ngaceku ineh do' muyuh tuped meraben, idi awa' muyuh betin ratnan luk matu, idi ngayng ku kuyu' belawan luk matu,
15 idi kél muyuh mada' Bala luk Do' luk nguit pedo' mangun ku kasut muyuh.
16 Idi megéi ngayung ku utap, ieh ineh manu, idi dengan ineh miak muyuh ngilep amung-amung ileb apui luk ratnan Luk Dat ineh.
17 Idi do' muyuh ngalap tupi ulun, idi pelapet Roh, ieh ineh bala Allah.
18 Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.
19 Idi mutuh kuanku pad bala Allah barén negku kareb ui temina' mada', pelé ui mekuu' mada' luk inalum ratnan Bala luk Do' ineh.
20 Ngaceku Bala luk Do' ui mangun ku lun duken, sagan pana' ui kiling. Mutuh kuanku pad ui mekuu' mada' ratnan Bala luk Do', maya kudeng luk petulu belénku peh.
21 Tikikus, kinanak luk inan tau mawa idi luk lutep bang kekamen Tuhan, miak mada' nemuyuh ratnan ui, pad muyuh kali' kudeng apeh ulunku.
22 Ineh punneh ui ngecuk neneh amé' nemuyuh, pad mada' nemuyuh ratnan kudeng apeh ulun kai amung, pelé muyuh bukenneh.
23 Do' Allah Taman idi Tuhan Yésus Keristus maré awang idi awa dengan anu kuan amung-amung kinanak.
24 Idi do' katu Allah ngedengan amung-amung lemulun luk mawa inan Tuhan tau Yésus Keristus dengan awa luk na miak maté.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA