Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ya'ami no ono omasi'õ khõ Lowalangi, bõrõ da'õ lõ tola lõ mi'oigõ dõdõmi wolo'õ tulada Lowalangi.
2 Mitõrõ lala wa'omasi andrõ, si mane fangomasi'õ Keriso ya'ita. No Itehegõ Ia salahida, si tobali ame'ela ba sumange samohua khõ Lowalangi.
3 Banua tana khõ Lowalangi ami. Bõrõ da'õ, ngawalõ wohorõ, ngawalõ gamuata si lõ sõkhi, ma zui fa'erõhõ, tenga sinangea so ba gotaluami. Bõi so niha sanguma'õ wa no mifalua zi manõ.
4 Tenga sinangeania khõmi wanõtõi fehede sogoro ita, ba ma fehede sanandrõsa ba wohorõhorõ, ba ma fehede si lõ enahõi. Si sõkhinia na mangandrõ saohagõlõ ami khõ Lowalangi.
5 Mihaogõ wanõngõni: niha sohorõhorõ, ma so'amuata si lõ sõkhi, ma fa'erõhõ (amuata si manõ da'õ faoma ira zamosumange adu), lõ tola tobali ia ono mbanua ba gamatõrõw̃a Keriso ba Lowalangi.
6 Bõi ya mufaelungu ami huohuo si lõ boto. Da'e zamobõrõ fõnu Lowalangi ba niha si lõ molo'õ khõ-Nia.
7 Bõrõ da'õ, bõi manõ fahuwu ami ba niha so'amuatagõ si manõ.
8 Noa sa ba zogõmigõmi so ami fõna. Iada'e no tobali ami banua Zo'aya, bõrõ da'õ no ba haga so ami. Andrõ bõrõ da'õ mitõrõ lala haga andrõ.
9 Moroi ba haga andrõ tumbu ngawalõ gamuata si sõkhi ba satulõ fõna Lowalangi.
10 Mi'oigõ dõdõmi wangalui somasi Zo'aya.
11 Bõi mifalua gamuata si lõ boto, nifalua niha sauri ba zogõmigõmi. Abõlõ sõkhi na mifaehagõ ba haga gamuata ba zogõmigõmi andrõ.
12 (Bõrõ me nilaura andrõ ba zi tobini, ba no saila ita wamatunõ.)
13 Fefu hadia ia nifa'ele'õ ba haga, ba oi oroma dania.
14 Ba fefu hadia ia zoroma, ba no muhaga. Da'õ mbõrõ wa law̃a'õ, "Faoso, he ya'ugõ si no mõrõ, ba fazaw̃a'õ moroi ba wa'amate! No humaga Keriso yaw̃amõ."
15 Bõrõ da'õ, mi'angenanõi sibai gamuatami. Bõi hulõ niha si bodo ami; ya si mane niha satuatua ami.
16 Mihaogõ wangoguna'õ inõtõ andrõ si so khõmi, bõrõ me no si lõ sõkhisõkhi ginõtõ da'e.
17 Bõi bodo ami, ba mifareso hadia zomasi Zo'aya.
18 Bõi mabu ami agu, bõrõ me ifakiko dania ami da'õ. Ya Eheha Lowalangi zangolohuni ya'ami.
19 Mi'oguna'õ wehede moroi ba zinunõ, moroi ba zinunõ fanuno khõ Zo'aya, ba ngawalõ wahuhuosa nifaluami. Mi'anunõ si fao fa'omuso dõdõ ba wanunonuno So'aya.
20 Ba gofu hadia ia, bõi mifamalõmalõ wangandrõ saohagõlõ khõ Lowalangi Ama, ba dõi Yesu Keriso, So'aya ya'ita.
21 Ba wamosumange Keriso, ena'õ faoma mifosumange nawõmi.
22 Fo'omo ira alawe, ya'i'o'õ li ndra matuania, hulõ na li Zo'aya.
23 Bõrõ me no hõgõ ndra alawe ndra matua andrõ, si mane Keriso gõi, no hõgõ mbanua Niha Keriso, ba Ya'ia samõsa gõi Razo Sangorifi ba mbanua Niha Keriso, si no boto-Nia.
24 Hulõ si mane folo'õ mbanua Niha Keriso li Keriso, si manõ gõi ndra alawe ba ngawalõ hadia ia fefu, lõ tola lõ la'o'õ li ndra matua.
25 Ya'ami ira matua, mi'omasi'õ ndra alawemi, si mane fangomasi'õ Keriso mbanua Niha Keriso, awõ wa no Itehegõ mboto-Nia salahi mbanua Niha Keriso andrõ.
26 Ifalua da'õ Keriso ba wangehaogõ banua Niha Keriso faoma famahaõ-Nia ba famayagõ idanõ, ena'õ Ibe'e ira khõ Lowalangi, tobali banua-Nia ni'amoni'õ.
27 Ba zi manõ, Ibali'õ molakhõmi ba ohauhau mbanua Niha Keriso andrõ tanõ fõna-Nia, si lõ sinegu ba fango'aya hadia ia.
28 Si manõ gõi ndra matua, lõ tola lõ i'omasi'õ wo'omonia ira alawe, hulõ mbotonia samõsa.
29 (Lõ irai so niha si lõ mangomasi'õ botonia. Hiza i, irorogõ ba ihaogõhaogõ, si mane fondrorogõ Keriso gõi banua-Nia.
30 Aboto ba dõdõda da'õ, me no ndrotondroto mboto Keriso ita.)
31 Ba Mbuku Ni'amoni'õ no musura, "Andrõ irõi namania awõ ninania ira matua, ba molemba dõdõnia khõ wo'omonia ira alawe, ba tobali ha sambua zi darua andrõ."
32 Abakha sibai geluaha wehede da'õ. Ba ufakhai da'õ ba gamakhaita Keriso ba mbanua-Nia.
33 Ba daroma li da'õ so gõi gamakhaitania ba khõmi: Ya mu'omasi'õ wo'omonia ira alawe dozi zamõsana, si mane fangomasi'õnia botonia samõsa, ba si manõ gõi wo'omo ira alawe ya mu'oigõ dõdõnia wamosumange fo'omania ira matua.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA