Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utat mita inta nobalií tuang! Kopiabií im mopoaíid ko'i atamu mita, dikabií tomboga'an. Pokotoropdon, oyuíonbií in Tuangmu kon soroga.
2 Umuran mokoporajing im mosambayang bo umuran pobasadia, dika mokoliong mosukur ko'i Allah.
3 Sambayangai doman ing kami simbaí ogoian i Allah ing kasampatan mopia kom mopota'a-ta'au makow in habar soaáḷ inta no'ibuni ko'i Kristus. Inta lantaran soaáḷ tatuata daí tana'a makow aku'oi binonu kom ponjara.
4 Sambayangai in aku'oi simbaí mota'au in aku'oi moginsilang kosila-silangon kon onu inta no'ibuni tua.
5 Mokopobijaksanadon im mobiag moyotakin intau mita inta diaí mopirisaya, bo pakeídon kopira pomuḷoi oyuíon ing kasampatan.
6 Ramijidon simbaí onu in singogonmu tantuí mokosanang bo ko'ibog in intau. Bo musti kota'auan monimu naíonda im pototubag kon onu in libo-liboíon mita in intau.
7 Ki Tikhikus, ki utat naton inta kotabiku, mopota'au ko'i monimu im bayongan yagi-yagi soaáḷ aku'oi. Sia mosatia totok mogaid kon oaíidan i Tuhan moyotakin nami.
8 Sia pinotabaíku mamangoi ko'i monimu simbaí kota'auandon monimu ing ka'ada'an nami bo mo'onowdon ing gina monimu.
9 Ki Onesimus im moyotakin mangoi i Tikhikus; Sia tua in intau inta tumpaḷa mopirisaya naí kita, intau inta nongkon sigad monimu. Sia tua intau doman inta mosatia bo kinotabi doman nami. Taya dua i Tikhikus im mopota'au ko'i monimu kom bayongan yagi-yagi inta ain nobalií kon tampatku na'a.
10 Ki Aristarkhus inta noyotakinku kom bonu im ponjara nokipoyaput in salam ko'i monimu. Naí doman tua ing ki Markus inta pokuaídiíon i Barnabas. Soaáḷ ki Markus na'a, aindon pinongoyow ko'i monimu kon tarimadon in sia aka mamangoi ko'i monimu.
11 Salam doman i Yesus inta dinonoi ki Yustus. Kon singad in intau mita Yahudi inta ain nopirisaya ko'i Tuhan Yesus, yo taya toḷu na'a in nobaliídon yobayat topogaidanku inta mopoyaput in oaíidan nongkon i Allah. Mokotuḷung totok im mosia ko'inakoí.
12 Salam doman nongkon i Epapras. Sia na'a intau doman nongkon sigad monimu. Mosia na'a mogogaid doman kon oaíidan i Kristus inta umuran mosatia im mosambayang sing kopontingan monimu. Sia totok mopo'igum ko'i Allah simbaí mobaliídon moropot ing koyakinan monimu, bo totu-totu'udon moguyang im mo'ikow simbaí totu-totu'u domandon dumudui kon ibog i Allah.
13 Inontongkudon tontanií kon totokdon noramiji nogaid in sia sing kopontingan monimu bo kopontingan in intau mita inta kon Laodikia bo kon Hierapolis.
14 Ki dokter Lukas inta kinotabi naton, bo ki Demas nokipoyaput doman in salam ko'i monimu.
15 Poyaputpa in salam nami ko'i utat mita naton Keresten inta kon Laodikia bo ko'i Nimpa doman, bo kon jama'at inta mosambayangmai kom baḷoinya.
16 Naonda in surat tana'a baca'an ko'i monimu, yo ramiji doman baí surat tana'a baca'an doman kon jama'at inta kon Laodikia, naí doman tua, mo'ikow tontanií musti doman mobaca kon surat inta kinirim kon jama'at Laodikia.
17 Bo pota'audon ko'i Arkhipus in na'a, "Iḷapataidon kopira'an in oaíidan inta pinoki aid i Tuhan ko'inimu sim mobantung ko'i Tuhan."
18 Salam nongkon inakoí, ki Paulus. Aku'oibií tontanií in nomais kon salam tana'a. Dika koliongan kon aku'oi ing kom bonupa im ponjara! Igumon makow umuran barakatan i Tuhan im mo'ikow. Hormat nami, Ki Paulus
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA