Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O lun luk kuan demulun ineh, do' muyuh nganau' luk mesiri idi luk matu kuan demulun-demulun muyuh ngaceku kali' idi kuan muyuh pana' inan. Seburur luk kuan nemuyuh luk déi' surga.
2 Do' muyuh lutep sembayang, idi matar bang amung ineh dengan maré ubur.
3 Idi sembayang kuan kai teh, pad Tuhan miak ngukab aceh tanga' kuan kai mada' bala Tuhan, ieh ineh luk inalum ratnan Keristus. Ngaceku ineh punneh ui ini kiling teh.
4 Mutuh kuanku pad ui miak ngegala' amung-amung ineh mepad kudeng luk petulu.
5 Do' muyuh nalan dengan ileh pa kiung amung-amung lemulun luk na maya', idi makai anid-anid kareb.
6 Do' bala muyuh megéi' do' pedingeren, idi do' muyuh kali' kudeng apeh maré or luk do' kuan anid-anid lemulun.
7 Tikikus kinanak tau luk inan mawa ineh seburur demulun Tuhan luk lutep bang kekamenNeh, idi luk ngakem pad-pad denganku. Ieh miak maré kali' nemuyuh ratnan ui.
8 Ineh punneh ui nengecuk neneh amé', nemuyuh, pad ieh ngawang niat muyuh dengan bala ratnan ulun amung kai.
9 Onesimus maya' neneh. Ieh ineh kinanak luk lutep idi luk ineh mawa, idi luk pamung sebawang dengan muyuh. Idi didueh ineh miak maré kali' nemuyuh ratnan amung-amung luk pangeh mangun tungé'.
10 Tabi kuan muyuh rat ni Aristarkus, lun denganku luk pad-pad denganku bang tutup, idi rat ni Markus luk sepupu dengan Barnabas. (Idi rat neneh ineh muyuh pangeh nengalap ukum idi kudeng ieh macing nemuyuh do' ngalap neneh.)
11 Idi Yosua luk titen Yustus ineh pana' maré tabi'. Idi amungdeh ineh luk ngimet adat sunat, idi ideh mo' luk ngakem pad-pad denganku bang Imet Allah, idi ideh teh luk pangeh mangun ku ubuk kuanku.
12 Tabi' kuan muyuh rat ni Epapras luk pamung sebawang dengan muyuh, ieh ineh demulun Keristus Yésus. Ieh mekél sembayang kuan muyuh, pad muyuh lutep idi tuped meraben-bang Keristus dengan anu luk meriput, idi pad muyuk miak maya' amung-amung luk pian Allah.
13 Ui maré kali' ratnan lemulun ineh. Ieh pelaba erur ngaceku muyuh, idi ngaceku amung-amung lun Laudikia idi lun Hirapolis.
14 Tabi' kuan muyuh rat ni Lukas, lun ngubat luk inan mawa, idi tabi' rat ni Dimas pana'.
15 Tabi' kuan amung-amung kinanak luk déi' Laudikia, idi kuan Nimpa, idi kuan sidang luk déi' ruma'neh.
16 Kareb surat ini pangeh bica' muyuh, do' maca' ineh kuan sidang luk déi' Laudikia, idi muyuh maca' surat luk macing rat déi' Laudikia teh.
17 Idi maré kali' ni Arkipus, "Matar do'-do' ratnan kekamen luk pangeh ilapmu bang Tuhan pad miak ngeriput ineh."
18 Tabi' rat negku ini, Paulus. Ui ngayud surat ini ku ticu'ku sebuleng. Aleg kelupan negku luk kiling ini. Idi do' katu Allah temurun idi ngedengan nemuyuh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA