Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Akantha ojan e mosem nemor ban salju e mosem panas, pangalem ka oreng budhu reya ta’ pantes.
2 Marabut mano’ se ber-abberran e bang-abang, babaston ta’ kera bisa teba ka oreng se ta’ sala.
3 Hemar kodu ekaddhali’i, jaran kodu epeccot, bariya keya oreng budhu kodu epokol.
4 Oreng se nyaodi partanya’anna oreng budhu, padha budhuna ban se atanya.
5 Partanya’an se budhu kodu esaodi bi’ jawaban se budhu keya, sopaja se atanya apangrasa ja’ aba’na ta’ penter akantha pangrasana.
6 Ngotos oreng budhu manapa’ kabar, padha ban motel sokona dibi’ ban nyare calaka’.
7 Oreng budhu se aberri’ babala’an, padha ban oreng empon se ngangguy sokona.
8 Ngalem oreng se ta’ andhi’ pangataowan, padha ban oreng nale’e bato epaserret ka dhibal.
9 Akantha oreng mabu’ se makalowar dhuri dhari tanangnga, kantha jareya oreng budhu se aberri’ babala’an.
10 Sapa se malako oreng budhu otaba oreng ban-saromban tanto marogi oreng bannya’.
11 Akantha pate’ se abali entar ka otana, bariya keya oreng budhu se ngolange kabudhuwanna.
12 Oreng se ce’ budhuna gi’ lebbi becce’ etembang oreng se nganggep penter aba’na dibi’.
13 Oreng males ta’ endha’ kalowaran; oca’na, "E lowar badha macan, sengko’ tako’ eceppa’."
14 Akantha labang se apoter e engsella, bariya keya oreng se males lu’-gulu’an e katedhunganna.
15 Badha oreng se malessa tadha’ bandhinganna; ngompa’a nase’ balakka’ sengka.
16 Oreng males apangrasa aba’na lebbi penter etembang oreng kapetto se nyaot kalaban bendher.
17 Ro’-noro’ oreng se atokar se banne orosanna padha ban oreng mega’ pate’ alas kalaban nyandhak kopengnga.
18 Oreng se nepo, tape ngoca’, "Sengko’ pera’ agaja’," padha ban oreng gila se en-maenan gagaman se babaja.
19 (26:18)
20 Mon kaju la tadha’, apoyya mate; mon se bucor colo’na la tadha’, ta’ kera badha tokar pole.
21 Mon gi’ badha arengnga mardhana rabak, mon gi’ badha kajuna apoyya rabbang, bariya keya oreng se dujan atokar mapanas kabadha’an.
22 Petenna reya nyaman rassana; mon ekalodhu’ ekarassa kobassa.
23 Akantha polo’ se esempo bi’ salaka, bariya jareya oreng se manes cacana, tape juba’ atena.
24 Oreng se baji’ manes cacana, tape atena possa’ ban kasalenterran.
25 Maske oreng jareya manes cacana, ja’ parcaja; sabab atena ekobasae kabaji’an.
26 Maske oreng bisa notobi kabaji’anna, oreng kabbi bakal nangaleyana kajahadanna.
27 Sapa se ngale lobang kaangguy oreng laenna tanto tabalusok dibi’ ka dhalemmanna. Sapa se magulu’ bato nyecce’a oreng laenna tanto taence’ dibi’ bi’ bato jareya.
28 Co-ngoco oreng padha bai ban baji’ ka oreng jareya. Bibir manes madhateng calaka’.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA