Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob adong tolu ari si Festus manjolom pamarentahan, tangkog ma ia hun huta Kesarea hu Jerusalem.
2 Jadi roh ma hu lobei ni sintua ni malim ampa kopala-kopala ni halak Jahudi mangaduhon si Paulus.
3 Ipindohon sidea ma hu bani, songon idop ni uhurni bani sidea manlawan si Paulus, ase isuruh ia hu Jerusalem, tapi domma iranggihon sidea hinan manggompangisi i tongah dalan, laho mambunuhsi.
4 Tapi nini si Festus ma mambalosi, “Na dob tartahan do si Paulus i Kesarea, ahu pe podas ma mulak hujai.”
5 Ai pe, rap tuad ma na sangap-sangap nasiam pakon ahu, anjaha anggo adong na salah bani halak ai, ase sidea ma mangaduhonsi.
6 Ase dob adong ia i tongah-tongah ni sidea ualuh ronsi sapuluh ari, tuad ma ia hu Kesarea; anjaha patarni ai hundul ma ia bani kursi paruhumanni, anjaha ihatahon ma boanon si Paulus hu lobeini.
7 Ase dob roh ia, iinggoti halak Jahudi, na roh hun Jerusalem ma ia, anjaha ipangkatahon sidea ma dompaksi pangaduan na borat, tapi seng tarbuktihon sidea.
8 Tapi nini si Paulus ma bani hata pangapition dirini, “Seng mardousa ahu dompak titah ni Jahudi, barang dompak Rumah Panumbahan barang dompak Kesar pe.”
9 Tapi laho mambuat uhur ni Jahudi, nini si Festus ma mambalosi si Paulus, “Ra do ho tangkog hu Jerusalem, ase ijai ho huuhumi pasal haganupan ai?”
10 Jadi nini si Paulus ma, “Na jongjong do ahu nuan i lobei ni paruhuman ni Kesar, anjaha ijon do ahu patut iuhumi. Hu bani halak Jahudi seng dong marsalah ahu, songon na torang ibotoh ham.
11 Ai pe, anggo adong huhorjahon na jahat, na patut mambahen marutang hosah ahu, seng manjua ahu matei; tapi anggo seng tongon na tinukaskon ni sidea ai bangku, ise pe lang boi na padas ahu bani sidea. Naik apel do ahu bani Kesar.”
12 Ia si Festus, dob manriah ia pakon hasomanni sapanriahan, nini ma mambalosi, “Mangindo apel do ho bani Kesar, ai pe bani Kesar ma ho laho!”
13 Dob salpu piga-piga ari roh ma Raja Agrippa pakon si Bernike hu Kesarea, laho mangkormat si Festus.
14 Sanggah na ijai sidea barang piga-piga ari, ipatugah si Festus ma bani raja ai pasal parkara ni si Paulus, nini ma, “Adong do ijon sada halak na tartutup, itadingkon si Feliks.
15 Sanggah na i Jerusalem ahu, mangadap do hu bangku sintua ni malim ampa kopala-kopala ni halak Jahudi, ipindo ase hona uhum ia.
16 Jadi ningku ma mambalosi sidea, ʻSeng adat ai bani halak Rom mangondoskon sada halak, anggo lang palobei mardumpar bohi nabahen na niaduhon ampa sipangadu, anjaha nabere panorang mangapiti dirini dompak pangaduan ai.ʼ
17 Halani ai dob tumpu sidea ijon, seng hupadokah-dokah be; patarni ai mintor hundul ma ahu bani paruhuman, anjaha huhatahon ma boanon dalahi ai.
18 Sanggah jongjong sipangadu ai, seng adong age sada salahni tarbuktihon sidea, songon niagan ni uhur hinan.
19 Tapi adong do parsalisihan ni sidea pasal ugama ni sidea pakon pasal sada halak, na margoran Jesus, na dob matei gabe mulak manggoluh, nini si Paulus.
20 Tapi sanggah na sosak ahu pasal parkara ai, husungkun ma, atap na marosuh do ia laho hu Jerusalem, ase ijai ia iuhumi pasal ai.
21 Tapi ipindo si Paulus do ramotkononkon ia, paimahon haputusan ni na marmulia in; jadi huhatahon ma jagaon ia, paima husuruh ia bani Kesar.”
22 Tapi nini si Agrippa ma hubani si Festus, “Sihol do bogeionku hata ni halak ai.” Jadi nini ma, “Anggo sonai, patar ma bogei ham ia!”
23 Jadi patarni ai, roh ma si Agrippa ampa si Bernike marhasangapon banggal, masuk ma sidea hu kamar paruhuman rap pakon panglima-panglima ampa na sangap-sangap i huta ai, anjaha ihatahon si Festus ma boanon si Paulus hujai.
24 Jadi ihatahon si Festus ma, “Ham Raja Agrippa ampa haganup na adong ijon rap pakon hanami, tonggor nasiam ma halak in! Halani ia do ase iparayak halak Jahudi ahu, i Jerusalem age ijon, anjaha sai idilo-dilohon, na so patut be manggoluh ia.
25 Tapi torang do hubotoh na so adong do salahni mambahen patut marutang hosah ia. Halani naik apel do ia bani Kesar huputuskon ma marsuruhsi hu bamu.
26 Tapi seng dong tarsuratkon ahu pasalsi bani tuanku; halani ai do ase huboan ia hu lobei nasiam, tapi tarlobih ma ai hu lobeimu, ale Raja Agrippa, ase adong sisuratkononku, dob napareksa ia.
27 Ai haru do huahap, suruhon na tartahan, lang napatugah hasalahanni.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA