Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Indoiaikah daí ki Allah totokbií im motabi ko'i naton, sahingga inaku-Nyadon ing kita saḷaku ki adií-Nya mita. Bo totu'u kong kita na'a ing ki adiíbií mita i Allah. Tuamai dunia inta mora'at na'a diaí nonota'au ko'i naton, lantaran dunia diaí nonota'au ko'i Allah.
2 Utat mita inta kinotabiku! Tana'a makow kita ain nobalií ki adií i Allah, ta'e ka'ada'an naton kon singgai mo'iduduimai diaípa notarang.Tongaí kinota'auan naton kon aka ki Kristus mamangoi, kita na'a im mobalií naí Sia, sing kita im moko'ontong ko'i-Nia kom bonu ing ka'ada'an-Nya inta sabanarnya.
3 Komintan intau inta oyuíon harapan nana'a ko'i Kristus, musti totu'u mokopodarit kong kobobiag, modarit nongkon dosa mita naonda bo ki Kristus nodarit doman.
4 Intau inta nogaid kon dosa, noḷawangbií kon hukum i Allah; sin dosa tua in aidbií moḷawang kon hukum i Allah.
5 Bo kinota'auan bidon monimu kong ki Kristus tua namangoi sim motobus kon dosa mita intau, bo Sia tua diaíbií kodosa.
6 Komintan intau inta nobiag notobatuí takin i Kristus, diaíbií umuran mogaid kon dosa. Intau inta umuran mogaid kon dosa, diaíbií dodai onda moko'ontong ko'i Kristus andeka monota'au ko'i-Nia.
7 Adiíku mita, dika mo'ibog mo'ikow poyayingon i inekadon. Sin intau inta nogaid kon onu inta kino ibog i Allah, mosia tuata ing ki adií mita i Allah naí doman onda bo ki Kristus inta ki Adií i Allah.
8 Ta'e intau inta umuran mogaid kon dosa, mosia tua ki adií mita in Ibilis, sin Ibilis tua in nongkon pinomangkoianpabiímai umuran nogaid kon dosa. Tuabií im mangale inangoian i Adií Allah, Sia morimumud kon oaíidan mita in Ibilis.
9 Intau inta nobaliídon ki Adií i Allah, diaí bidon tantuí mogaid kon dosa, sin sipat i Allah oyuíondon ko'inia. Bo lantaran ki Allah tua ing ki Amaínya, daí sia in diaí bidon mota'au umuran mogaid kon dosa.
10 Na'abií in nokoyoposi kon sigad in adií mita i Allah bo adií mita in Ibilis. Ki ine in diaí mogaid kon onu inta kino ibog i Allah, andeka diaí motabi ko'i utatnya, sia tua de'emanbií ki adií i Allah.
11 Nongkon pinomangkoianmai habar tana'a ain pinota'au ko'i monimu: Kita musti mositabian tobatuí bo tobatuí.
12 Dona'aibií ing kita naí ki Kain, inta nobalií ki adií in Ibilis bo nolimodon ko'i utatnya tontanií. Nongonu sing ki Kain nolimodbií ko'i utatnya? Lantaranbií soaáḷ mita inta pinomianya nongo'itaḷaí, ta'e soaáḷ mita inta pinomia i ai-ainya in no'itutui.
13 Manangka intua, utatku mita, dikabií moherang aka mo'ikow kodoií in intau mita in dunia na'a.
14 Kinota'auandon naton kong kita iḷumuaidon nongkon kawasa im popatoi, bo nomampingdon kom bonu ing kawasa inta mokobiag, sin lantaran kita notabidon ko'i utat mita naton. Sing ki ine in diaí motabi ko'i utatnya, yo sia tua in tantuípa nobiag kom bonu ing kawasa im popatoi.
15 Intau inta mosaturu ko'i utatnya in intaubií moḷolimod, bo kinota'auanbií monimu kon intau moḷolimod diaíbií moko'ulií kong kobiagan mopia bo mononoi.
16 Na'a in daḷan baí kota'auan naton im motabi kon tumpaḷa intau: ki Kristus noposarakandon ing kobiagan-Nya sing kopontingan naton. Sin tuamai, kita doman musti moposarakan ing kobiagan naton kong kopontingan i utat mita naton!
17 Aka mo'ikow inta nobiagdon no'oyuíon bo noko'ontong kon utat inta nobiag nobogaí, ta'e doií motuḷung ko'i utatnya tatua, daí naondabií in sia mota'au moguman, 'Aku'oi motabi ko'i Allah?'
18 Adiíku mita! Dona'aibií ing kita motabi tongaí kom bibig ande tongaí kon singog, ta'e ponyatabií in tabi tatua kon oaíid naton.
19 Natua in caranya kita monota'au kong kita na'a no'ituot kong ki adií mita i Allah inta mobanar, bo gina naton mo'onowdon kon tayowon i Allah.
20 Kinota'auandon naton, kon aka kita bo potaḷaíandon ing gina naton, yo ki Allahbií im mopado-pandoi nongkon gina naton, bo kinota'auan-Nyabií im bayongan yagi-yagi.
21 Daí utatku mita inta kinotabiku, aka gina naton diaí mopotaḷaí ko'i naton, yo kita in diaíbií mo'ondok mayak kon tayowon i Allah.
22 Bo onu in igumon naton ko'i-Nia, tarima'anbií naton, sing kita umuran dinumudui kom parentah-Nya mita bo nogaid kon onu inta mokosanang kong gina-Nya.
23 Na'a im pinarentah-Nya ko'i naton: Kita musti mopirisaya ko'i Adií-Nya, tuata ing ki Yesus Kristus, bo kita im musti umuran mositabian, naí inta aim pinarentah i Kristus ko'i naton.
24 Bayongan intau inta motoindudui kom parentah mita i Allah, nobiag notobatuí takin i Allah, bo ki Allah notobatuí doman takin monia. Bo kinota'auan bidon naton kong ki Allah in nobiag bidon notobatuí
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA