Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Aleg iko ngayud seburur lun rayeh, iamo' do' ngubuk neneh mepad kudeng tamanmu; idi lun luk anak baruh mepad kudeng kinanak,
2 idi decur luk remerar mepad kudeng tinan, idi decur luk pun mebaruh mepad kudeng kinanak decur dengan abud-abud ligan.
3 Do' méi' inan decur tinula' luk tinula' matu.
4 Iamo' kudeng seburur decur tinula' inan anak, kian mupun lek, do' ideh sibada' pun-pun nganau' luk do' kuan uang tetek ruma'deh sebuleng, idi ngua' kuan taman-tinandeh, ngaceku ini luk petulu pa kiung Allah.
5 Idi decur luk tinula' matu idi luk ketecan sebuleng, do' ieh merapet inan Allah idi lutep bang sembayang idi putuhneh tebaco kedangan.
6 Iamo' decur tinula' luk nakap awang bang tana' ini mulun mepad kudeng maté.
7 Idi amung-amung ini do' iko mada', pad ideh na mesala'.
8 Iamo' kudeng idé lemulun luk na ngasa' pupuneh sebuleng meluun teh uang tetek ruma'neh, idi ieh pana' pangeh nengarung anu, idi ieh meluun dat ratnan lemulun luk na manu.
9 Aleg ngayud ngadan decur tinula' luk nateh nacing anem ngepulu' lak ulunneh. Idi do' luk pangeh nengalap sebuleng awan mo'.
10 Idi do' ieh buren ngaceku kekamen neh luk do', ngaceku ieh pangeh nengasa' anak-anakneh, idi nenganak lun sakai, idi nemaru' kukud lun manu, idi nengedengan lemulun luk mesusa', idi mekél bang amung-amung luk do'.
11 Iamo' aleg ngayud ngadan amung-amung decur tinula' luk mangud, ngaceku ideh pian ngaweh maya' pinian bururdeh idi necan Keristus,
12 idi ideh mesala' ngaceku ngelaba jani'deh Neneh luk pun-pun.
13 Idi ideh sibada' mangun mekupé', idi megéi' amé' ngeruma'; iamo' baken ideh mekupé mo', iamo' mangun ku luk ngatum buri' idi luk ngusag kekamen lun baken, idi pebala anun-anun luk na petulu beléndeh.
14 Ngaceku ineh pianku amung-amung decur tinula' luk mangud ineh ngaweh pad inan anak, idi ngasa' uang tetek ruma'deh, idi aleg ngukab dalan kuan bunu'-bunu' tau pad ideh miak ngedat netau.
15 Ngaceku inan tuda'-tuda' tinula' luk pangeh neraruh maya' Sétan.
16 Kudeng seburur decur luk manu inan decur tinula' bang tetek ruma'neh, do' ieh ngasa' nedeh, pad sidang na mesusa', pad sidang miak ngedengan amung-amung decur tinula' luk tudo sebuleng.
17 Lun rayeh-rayeh luk ngimet do'-do' ineh, mayu ngalap dueh kua' kinula' tabpar, meluun teh lemulun luk mekél nginul bala idi mada'.
18 Ngaceku kudeng ini bala Surat Allah, "Aleg iko ngabet tang sapi' luk uned rumik ineh," idi "Anid-anid lemulun lik ngakem kali' rungen ngalap tabparneh."
19 Aleg iko ninger adu' ratnan seburur lun rayeh, kudeng na bila dueh teluh burur lun nekali'.
20 Idi lemulun luk megéi' nganau' sala', do' iko mada' nedeh pa kiung amung-amung lemulun, pad lun baken miak matot.
21 Idi ui periteteng namu pa kiung Allah idi Yésus Keristus idi amung melaikat luk meligan, do' iko maya' bala ini dengan na mili' lemulun, idi dengan na ngerawé seburur meluun ratnan lun baken.
22 Aleg iko ngerareng ticu'mu denak-denak luun seburur pana', idi aleg perurum bang sala' lun baken. Matar bururmu dengan meligan.
23 Aleg iko ngirup abpa' mo', iamo' do' ngirup sesuut abpa' anggur, ngaceku ét ruukmu idi laya'mu luk géi'-géi' ineh.
24 Sala' sebuang lemulun megala' kareb nateh lun baken ngia' nedeh, iamo' sala' sebuang lemulun megala' muci.
25 Kudeng ineh teh kekamen luk do' ineh megala' tutu, idi luk na megala' pana' na miak pungen.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA