Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Timaqne tiang tao ngeraos kadu macem-macem base malaẽkat, laguq lamun tiang ndẽq bedowẽ kasih, make napi saq tiang raosang nike cume jari maraq suaren gong beléq ongkatne doang.

² Timaq tiang bedowẽ paice jari benubuat dait tiang nenaoq selapuq rahasie dait bedowẽ selapuq penenaoq, dait timaq tiang bedowẽ iman saq sempurne sehingge tiang bau miaq gunung ngalih, laguq lamun tiang ndẽq bedowẽ kasih, make tiang ndẽq bedowẽ arti napi-napi!

³ Maraq nike ẽndah seandẽne selapuq dowẽn tiang, tiang sedekahang tipaq dengan miskin, dait tiang serahang diriq tiang jari tetunuq, laguq lamun tiang ndẽq bedowẽ kasih, make selapuqne nike ndẽq araq manpaatne umaq tiang.

⁴ Kasih nike sabar, kasih nike murah atẽ, ie ndẽq talon atẽ. Ie ndẽq girang sesumbar, dait ndẽqne sombong.

⁵ Ie ndẽq angkuh, ndẽqne kasar, ie ndẽq maksaq dengan lain harus turut kemẽlẽqne mẽsaq, ndẽq becat sili, dait ndẽq dendem.

⁶ Ie ndẽqne seneng lẽq hal saq ndẽq adil, laguq ie cume seneng lẽq hal saq kenaq.

⁷ Ie tahen menderite dalem selapuq hal, percaye lẽq selapuq hal, beharep lẽq selapuq hal, dait tekun lẽq dalem selapuq hal.

⁸ Kasih nike ndẽqne gen uwah araq tutuqne, nubuat gen tutuq. Base saq ajaip gen tutuq, penenaoq gen musnah.

⁹ Sẽngaq penenaoqte dait nubuatte ndẽqne sempurne.

¹⁰ Laguq lamun saq sempurne sampun dateng, make saq ndẽq sempurne nike gen musnah.

¹¹ Sewaktu tiang masih kodẽq, tiang ngeraos maraq kanak kodẽq, tiang bedowẽ perasaan maraq kanak kodẽq dait pikiran tiang ẽndah maraq kanak kodẽq. Laguq mangkin tiang sampun dẽwase, kelakuan tiang saq maraq kanak kodẽq sampun tiang tetẽh.

¹² Napi saq ite serioq mangkin niki maraq lingon saq saru lẽq dalem kesene. Laguq ẽraq ite gen serioq langsung secare jelas. Mangkin tiang ndẽqman nenaoq selapuqne, laguq ẽraq tiang gen nenaoq selapuqne, maraq Allah wikan selapuqne mengenai diriq tiang.

¹³ Jari, ketelu hal niki saq tetep araq: Iman, pengharepan, dait kasih. Saq paling belẽq lẽq antare ketelune nike kasih.

1 Korintus

Video 1 Korintus 13

Ikuti Kami:

KONTAK | PARTISIPASI | DONASI