Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Hew̃a'ae tola fahuhuo ndra'odo ba li soya ngawalõ, ma zui ba li mala'ika na'i, ba na lõ u'omasi'õ niha bõ'õ, no hulõ garamba so li wehedegu.
2 Hew̃a'ae so khõgu wa'abõlõ ba wama'ema turia soroi Lowalangi, ba aboto ba dõdõgu ngawalõ zagabakha eluaha, ba u'ila hadia ia fefu, awõ wa faduhu sibai dõdõgu khõ Lowalangi irege tola ufawu'a hili, ba na lõ u'omasi'õ niha bõ'õ, ba no si lõ eluaha ndra'odo!
3 Hew̃a'ae fefu zi so khõgu ube'e buala ba niha si numana, ba hew̃a'ae utehegõ nitunu ndra'odo, ba na lõ u'omasi'õ niha bõ'õ, ba ma'ifu lõ guna da'õ fefu.
4 Niha sangomasi'õ niha bõ'õ ba no sebolo tõdõ ba si sõkhi tõdõ. Lõ falawu khõnia wa'olohu, lõ molau faya, ba lõ asilõyaw̃a.
5 Lõ fangosebua, lõ fa'ara'iõ, lõ ifaso niha wolo'õ nilau dõdõnia, lõ alio abao dõdõ, ba lõ itanõ ba dõdõnia zala zi fasala khõnia.
6 Niha sangomasi'õ niha bõ'õ, lõ omasi ia zi lõ atulõ, ha sindruhu zomasi ia.
7 Sanaha tõdõ ia ba ngawalõ hadia ia, ba faduhu dõdõnia ba wondrege zi sõkhi ba zi dozi niha; si lõ aetu fanõtõna niha sangomasi'õ andrõ he gofu hewisa zalua, ba sebolo tõdõ ia wombaloi ngawalõ zalua.
8 Lõ irai alua wa lõ moguna lafalua wangomasi'õ niha faoma fatambai. Ba ginõtõ andre so niha sonekhe wama'ema turia soroi Lowalangi, ba ibato manõ dania wama'ema turia andrõ. Iada'a so zonekhe fahuhuo ba ngawalõ li sahõlihõli dõdõ, ba ibato manõ dania fahuhuo ba li da'õ fefu. Iada'a so niha sangila ma'afefu, ba hiza hadia dania zi no la'ila andrõ la'olifuagõ.
9 Bõrõ me fa'atuatuada ba fa'abõlõda wama'ema turia soroi Lowalangi, ambõ mo'ahonoa nasa.
10 Ba ginõtõnia dania Ifo'ahonoa Lowalangi, ba si lõ mo'ahonoa taya.
11 Me iraono ndra'o, fahuhuodo hulõ ndraono, tõdõ ndraono dõdõgu ba era'era ndraono gera'eragu. Iada'e no satua ndra'odo; no utibo'õ gamuata wa'airaonogu.
12 Hadia ni'ilada iada'e hulõ lumõlumõ si ndrundrumõ ba zõrõmi. Ba hiza ta'ila samõsa dania zindruhunia. Iada'a lõ nasa u'ila hadia ia fefu, ba hiza u'ila ma'afefu dania si mane Lowalangi sangila ya'odo ma'afefu.
13 Ba hiza, gasagasa da'õ tõlu ngawalõ zi lõ tola lõ tafalua: mamati, manõtõna ba mangomasi'õ. Fondrege zebua moroi ba zi tõlu balõ andrõ ya'ia wangomasi'õ niha bõ'õ.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA