Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kudeng ui pebala dengan tuda'-tuda' buri' lemulun idi melaikat pana', iamo' ui na mawa, kali' rungen ui pangeh mangun kudeng aceh tawak luk muni, idi karing luk ngekéng.

² Kudeng ui inan baré mada' luk biré Allah, idi ui inan ileh idi kali' amung-amung luk inalum, idi kudeng ui inan anu luk meriput, pad ui miak mubuh pegkung pana', iamo' kudeng ui na mawa, kali' rungen ui pana' na ulek.

³ Kudeng ui maré binawehku nelun masi', idi maré bururku sabpen pana', iamo' kudeng ui na mawa, nateh ulekneh kuanku.

⁴ Awa ineh mulai niat idi méi'; awa ineh na temaruh; na ngedita' bururneh sebuleng, na mesido' niat.

⁵ Awa ineh na nganau' luk na petulu; na nakap luk kuan bururneh sebuleng; na megateh niat; na ngerawé sala' dulun.

⁶ Awa ineh na mawang niat ngaceku ratnan luk dat, iamo' mawang niat ngaceku ratnan luk matu.

⁷ Awa ineh tuman ratnan luk amung-amung, anuneh, rapetneh, idi ulai niatneh tuman macing ruked-ruked.

⁸ Awa ineh meruked peh; baré mada' luk biré Allah segageh mo', baré buri' luk ratnan Roh miak milep, idi ileh pana' miak ugka'.

⁹ Ngaceku ileh idi bada' luk biré Allah kuan tau na meriput.

¹⁰ Iamo' kareb luk meriput ineh macing, idi luk na meriput ineh miak metutu'.

¹¹ Kareb ui anak isuut, ui pebala, idi kali', idi ngerawé mepad kudeng anak isuut. Nekini ui pangeh rayeh, idi ui necan amung-amung kekamen anak isuut.

¹² Ngaceku nekini tau nier bang sayun dengan meseraber, iamo' kareb ineh kiung mepapu' dengan kiung. Idi nekini ilehku nateh meriput, iamo' kareb ineh ilehku mangun meriput mepad kudeng ileh Allah ratnan bururku pangeh meriput.

¹³ Idi inan anu, rapet, idi awa, luk teluh ini; iamo' ratnan luk teluh ini luk meluun rayeh, ieh ineh awa.

1 Korintus

Video 1 Korintus 13

Ikuti Kami:

KONTAK | PARTISIPASI | DONASI