Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Po'igumonku makow mo'ikow umuran motabi kon intau ibanea bo tantuí doman moramiji simbaí motarima kon totabi mita inta ogoi in Roho i Allah, torutama totabi mopota'au in roncana mita i Allah kon intau.
2 Intau inta mosingog mopomakeí im bahasa inta mokoherang, de'emanbií in sia moyosingog in intau, ta'e moyosingogbií i Allah. Sin diaíbií komangalean intau onu in siningognya tua. Lantaran Rohobií i Allah in nosingog bo noguman kon soaáḷ mita inta tongaí doman ki Allah in nonota'au.
3 Ta'e aka intau inta mopoyaput in habar nongkon i Allah, yo tua mopoyaputbií in habar kon intau; sim moginrigon kom pirisaya monia, mobogoi ing kakuatan bo mohibur ko'i monia.
4 Intau inta momakeí im bahasa inta mokoherang, tongaíbií moginrigon kom pirisayanya tontanií, ta'e intau inta mopoyaput in habar nongkon i Allah, motuḷung kon jama'at simbaí mobiag.
5 Mopiabií doman ing ginaku aka mo'ikow mota'au moposingog im bahasa inta mokoherang, ta'e mopia-piabií kom mota'au mopoyaput in habar nongkon i Allah. Sin intaubií inta mota'au mopoyaput in habar nongkon i Allah im moponti-ponting nongkon intau inta nonota'au kom bahasa inta mokoherang, kolikudbií in aka kota'auannya mangale im bahasa tatua,sahingga ing komangalean doman in jama'at intua bo modugang morigon im pirisaya monia.
6 Utatku mita, aka aku'oi mamangoi ko'i monimu bo momakeí im bahasa norupa-rupamai inta mokoherang kon intau, umpakah yo baraguna ko'i monimu intua? Topilikmai yo diaíbií im mangalenya! Noyoposibií in aka aku'oi mamangoi mopoyaput ing koyow nongkon i Allah ande moginsilang kon soaáḷ mita nongkon i Allah ande mopomangale ko'i monimu.
7 Sin naí bií onda bo alat mita im musik inta diaí moliai ta'e mota'aubií posingogon. Naonda bo bansií ande gambus, aka tongaí kinoiru-irupnya, bo kinokuti-kutinya yo kota'auanbií naíonda in lagu inta pinomanyanyinya tatua?
8 Andeka terompet inta diaí kodongogan motarang in singognya, yo ki inebií im mobasadia moparang?
9 Natuabií doman mo'ikow inta mosingog takin bahasa inta mokoherang.Aka mo'ikow bo mosingog takin bahasa inta diaí komangalean, yo diaíbií doman komangalean intau makusud in singogmu tatua. Daí singogmu mita tua in tongaíbií asaḷ bo dinongog.
10 Kon dunia na'a noaíntoí totok im bahasa, ta'e diaíbií in tobatuímai bahasa tatua diaí im mangalenya.
11 Ta'e aka diaí komangaleanku im bahasa inta siningog in intau ibanea, yo intau tatua inanggapkubií diaí nogoginta'auan, natua doman ing anggapannya ko'inakoí.
12 Natua doman im mo'ikow, kinota'auankubií kom mo'ikow im mo'ibogbií doman moramiji motayak kon totabi mita nongkon Roho i Allah. Tongaí mopia totok aka mo'ikow moramiji doman mopobaraguna in totabi mita tatua sim pobangon kon jama'at simbaí mobiag.
13 Tuamai, ki ine im mosingog kom bahasa inta mokoherang, yo musti doman in sia moramiji mopo'igum ko'i Allah simbaí mota'au doman mopomangale kon onu inta siningog tatua.
14 Sin aka aku'oi mosambayang bo momakeí im bahasa inta mokoherang, daí tongaíbií rohoku im mosambayang, ta'e pikiranku in diaíbií.
15 Daí onubií im musti aidanku? Tana'a in aidanku: Aka rohoku mosambayang yo aku'oi in dumudui doman mosambayang kom bonu im pikiranku. Aku'oi im momanyanyi takin rohoku ta'e aku'oi im mo'ibog doman momanyanyi takin pikiranku.
16 Sin aka tongaí rohonya im mosukur ko'i Allah, bo oyuíon in intau diaí nonota'au im bahasa pinakeímu tua, yo intau tatua diaíbií moguman, "Amin" wakutu in nokodongog kon sukurmu tatua, sin diaí kinota'auannya in siningogmu tua.
17 Sin umpakahbií mopia totok in sambayang pinosukurmu ko'i Tuhan, ta'e kon intau ibanea diaí im mangale in sambayangmu tatua.
18 Aku'oi mosukur ko'i Allah sin nonota'au im bahasa inta mokoherang no'iliu ko'i monimu komintan.
19 Ta'e aka wakutu in jama'at moyosipun mosumbah ko'i Tuhan, mosana-sanangbií ing ginaku mosingog kon lima notontagaí inta komangalean intau daripada moaíntoí in singog inta kom bonu im bahasa mokoherang ta'e diaí komangalean intau. Tuabií in totok ko'ibogku simbaí mota'au aku'oi motunduí kon intau.
20 Utatku mita! Dika naí pororai im mongoaídií. Aka kon soaáḷ mita inta mongoromuí, daí musti naí pororai im mongoaídií im mo'ikow. Ta'e aka kon soaáḷ pororai, yo poraibií naí intau inta nogurangdon.
21 Sing kom bonu im Buk Mosuci pinais nana'a, "Ki Tuhan nosingog, 'Pinongin intau mita ibanea inta bahasanya tolaeng, Aku'oi mosingog kon umat tana'a. Bo pongin bibig in intau mita inta mokokiaíngoi, Aku'oi mosingog kon umat-Ku; tongaí mosia doií mokidongog kon singog-Ku.'"
22 Manangka intua totabi inta mosingog kom bonu im bahasa inta mokoherang tua in tandabií kon intau inta diaí mopirisaya, de'emanbií kon intau inta mopirisaya. Yo totabi mopota'au in roncana i Allah kon intau in tandabií kon intau inta mopirisaya, de'emanbií kon intau inta diaí mopirisaya.
23 Tuamai aka kom bonu im poyosipunan kon jama'at, bo komintan jama'at mosingog takin bahasa inta norupa-rupamai bo inta mokoherang, bo oyuíon im mokokiaíngoi, ande intau mita inta de'eman Keresten, yo anggapon monia mo'ikow intaubií mita inta diaí mongoratak!
24 Ta'e aka mo'ikow komintan bo mopoyaput in habar nongkon i Allah bo no'iangoi in intau mita inta diaí mopirisaya ko'i Yesus ande oyuíon im mokokiaíngoi ibanea, yo onu inta pinoyaputmu tua, komintanbií moponyata in oaíidnya inta diaí mopia bo moposadar ko'inia.
25 Onu inta no'ibuni kom bonu ing ginanya komintanbií po'ontong, sahingga im mokopo'ompaí kon dodia in sia bo mo'ibog mosumbah ko'i Allah. Sia mobalií mopirisaya totok kong ki Allah in umuranbií kotaki-takin monimu.
26 Daí ule utat mita, onu mangale intua komintan? Aka mo'ikow moyosipun sim mosumbah ko'i Tuhan, oyuíon im momanyanyi, oyuíon im motunduí, oyuíon mopoyaput in habar nongkon i Allah, oyuíon im mosingog kom bonu im bahasa inta mokoherang bo oyuíon doman im moginsilang kon onu inta pinoguman in intau tatua. Ta'e tua komintan im mustibií aidan sim motunduí kom ponompia ko'i monia komintan.
27 Aka oyuíon im mosingog kom bonu im bahasa inta mokoherang, yo tongaídon doyowa ande toḷu im mopoyo-poyoḷuan. Bo musti oyuíon im moginsilang kon onu inta siningog monia tua.
28 Aka diaí im mota'au moginsilang kom mangalenya, yo intau mita inta mota'au mosingog kom bahasa inta mokoherang tua musti kibio-bioímai kom bonu im pinoyodungkuḷan tatua. Pomayakdon makow mosia mosingog kom bonu ing gina takin i Allah.
29 Aka oyuíon in habar nongkon i Allah im poyaput intau doyowa toḷu, yo musti poyaput, yo intau ibanea musti mokidongog bo raion kopia'an onu in pinoguman monia tua.
30 Ta'e aka koyogot mosingog bo oyuíon in no'iḷabotmai kon intau inta mopoyaput in habar i Allah kon tampat pinoyodungkuḷan tatua, yo intau inta koyogot mosingog tatua, musti mogogai.
31 Sin aka natua, yo mo'ikow komintan, mota'au moyo-moyoḷuan im mosingog sahingga in habar nongkon i Allah mota'au poyaput; bo komintan mota'au motarima kon totunduí tatua bo modugang im pirisaya.
32 Totabi nongkon roho inta mopoyaput in habar nongkon i Allah tua mota'aubií atoron i intau inta nopoyaput in habar tatua.
33 Sin doiíbií ing ki Allah kong kobobiag intau motomba'uk. Ko'ibog-Nya ing kobobiagbií inta motompia. Naí inta nobaliídon kom bayongan jama'at i Allah,
34 aka kom poyoyodungkuḷan natua, bobay in diaíbií mota'au mosingog. Mosia musti kibio-boiímai. Mosia in diaíbií mota'au mobalií itoi; naí inta kom bonu in hukum i Musa.
35 Aka mo'ibog im mosia monota'au kon yagi-yagi, yo mota'aubií im moliboí ko'i buḷoinya ta'e baing kom baḷoi. Sin totokbií im moko'oyak in tobatuí bobay mosingog kon tayowon intau moaíntoí.
36 Ande degaí nongkon imonimubií im pirman i Allah? Andeka tongaíbií mo'ikow im pinopota'auan im pirman mita tatua?
37 Aka rasa'anmai monimu bo oyuíonbií in totabi mopoyaput in habar nongkon i Allah, andeka inogoianbií i Allah in totabi kon soaáḷ mita ibanea, yo intau tatua im mustibií mosadar kon onu inta pinaisku tana'a, komintanbií parentah nongkon i Tuhan.
38 Ta'e aka oyuíon in doií motarima kon onu inta pinogumanku mita na'a, yo dona'aibií makow in sia tua.
39 Tuamai ule utatku mita, poramiji mopoyaput in habar nongkon i Allah, bo dika molarang kon intau inta mosingog kom bonu im bahasa inta mokoherang.
40 Tua komintan musti aidan kopia'an bo kotompiaían.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA