Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ma moi ge'ena gee 'o Yesus wotagi-tagi, de wimake 'o nyawa worau-rau kawosidoboanosi.

² 'O Yesus 'awi do-domoteke yosano 'o Yesusika, "'Aba Guru, 'ido'oa so 'o nyawa nu'una worau kawosidoboanosi? Poilia 'una ma sirete wosowono bolo 'awi 'esa de wi dea?"

³ 'O Yesus wosango, "'Una worau ge'ena ko to 'unawa 'awi sowono de ko wi balusuwa manga sowono, ma 'ena la 'isidumutu ma Jo'oungu ma Dutu 'awi kuasa 'imanarama 'unaka.

⁴ Ka 'o wangesi ge'ena salingou padiai gee woisulo-suloko 'awi manarama. Sababu nako 'iobirokau ge'ena komoiwau 'idadi yomanarama.

⁵ Kokia naga ma do'ingo ngoi 'o duniaka, ngoiou tokula-kula 'o darangi 'o nyawaka 'o duniaka."

⁶ 'O Yesus koge'ena wongoseka de wakibituku 'o tonaoka, de wosikaruahe 'awi kibiti ge'ena de 'o tonaka deika wosiesaka worau-rau gu'una 'awi akoka,

⁷ de kawongosekau 'unaka, "Tagi 'ani biono na'isoko 'o Siloam ma 'akere 'ilupa-lupanginoka." 'O Siloam ngone tanu "Wisulo-suloko". So 'o nyawa gu'una wotagi 'awi biono wa'isokoka de wolio 'ena womasimakekau.

⁸ 'Awi woa ma sidateke de 'o nyawa gee wimake-make 'ato 'una ge'ena 'o pipi womaga-ga'asoko ma 'orasi 'una kowomasimakewasi, yoodumu kayongosekau, "Ko nu'unawa? gee biasa wogogerie 'o pipi womaga-ga'asoko?"

⁹ Munuka yongose, "Ma goungu 'unau." Ma munukali yongose, "Kawimodi ma 'isoka 'una." Ma 'o nyawa gu'una ma sirete kawongosekau, "Ngoiou de!"

¹⁰ 'Ona kayongosekau 'unaka, "Kokia so ngona 'idadi nomasimake?"

¹¹ 'Una wosango, "'O nyawa gee 'awi ronga 'o Yesus gu'una 'o tonaka ma eta wapesaoka de wosiesaika 'ai akoka de kawongosekau, 'Tagi 'ani biono na'isoko 'o Siloam ma 'akere 'ilupa-lupangoka.' Ge'enaka de ngoi totagi so ta'isokoka 'ai biono, de tomasimakekau."

¹² De 'ona yosano, "Kiaka 'o nyawa gu'una?" 'Una wosango, "Sinako."

¹³ Gee 'o Yesus 'o tonaka de 'awi kibiti wosikaruahe ma ngale wosiesaka 'o nyawa worau-rau wi akoka la 'idadi womasimake, ma 'orasi ge'ena Pomaoma-omasa ma Wangeka. So 'o nyawa gee ko kangano wopilo-piloko gu'una wi'asa 'o Farisi ma nyawaka.

¹⁴ (9:13)

¹⁵ 'Ona mita yosano 'unaka kokia so 'una 'idadi womasimake. 'Una wosango, "'O tonaka de wi kibiti wosikaruaheka de wosiesaika 'ai akoka, ge'enaka de ta'isokoka de tomasimakekau."

¹⁶ 'O Farisioka yamuruo naga kayongosekau, "'O nyawa gee worau-rau wisi'ai-'aiki gu'una 'awi 'asali ko ma Jo'oungu ma Dutunowa, sababu 'una kowosikiamoiwa Pomaoma-omasa ma Wange." Ma 'o nyawa 'iregu kayongosekau, "Kokia 'idadi 'o nyawa gee yosowo-sowono yodiai 'o no-nako 'ihera-herangi 'isoka ne'ena?" Ge'enaka de 'onaka gee koyomakadaenuawau.

¹⁷ So ma rai 'o Farisioka go'ona yosanoli 'o nyawaka gee womasimake-makekau gu'una, "Kokia moteke ngona ma ngale 'una gee wonidiai nomasimakekau?" 'O nyawa gu'una wosango, "'Una 'o nabii moi."

¹⁸ Ma 'o Yahudioka manga balu-balusu go'ona, yooluku yongaku 'ato 'o nyawa gu'una ma gou-goungu worau kawosidoboanosi de ne'ena womasimakekau. Sababu ge'ena yaki'asoko to 'una 'awi balusu,

¹⁹ de yosano, "Ma goungu nu'una to ngini 'ania ngowaka, gee niongose 'ato worau kawosidoboanosi? Kokia so ne'ena 'una womasimakekau?"

²⁰ 'O nyawa gu'una 'awi 'esa de 'awi dea yosango, "Ma goungu nu'una to ngomi 'amia ngowaka; de ma goungu 'una worau kawosidoboanosi.

²¹ Ma kokia so ne'ena 'una womasimakekau, ngomi komiosidongoowa. De nago'ona widiai 'una 'idadi womasimake, ge'ena mita ngomi komiosidongoowa. Ka 'unakau niosano; 'una mita wobalusokau so ka 'una ma kaidadi wosidemo."

²² 'O nyawa gu'una 'awi 'esa de 'awi dea koge'ena yongose, ngano yakidomodongo 'o Yahudioka manga balu-balusika; sababu 'ona yomaka'aturokau 'ato 'o nyawa gee yongaku 'o Yesus ge'ena la ma Koana 'o Nyawa Wosilaha-laha gu'una, 'ona koidadiwau yowosanga 'o lo-lomu ma woaka ma ngale wisuba ma Jo'oungu ma Dutu.

²³ Ge'enau so 'o nyawa gu'una 'awi 'esa de 'awi dea yongose 'ato, "'Una wobalusokau; so ka 'unakau winisano."

²⁴ Ge'enaka de 'ona wi'asokoli 'o nyawa gee ko kangano worau-rau gu'una, de kayongosekau 'unaka, "Tagi nosasi 'ato dua nobicara ge'ena ma gou-goungu 'itiai. Ngomi mianako 'o nyawa gu'una wosowo-sowono."

²⁵ 'O nyawa gu'una wosango, "Wosowo-sowono bolo ko'uwa, ngoi kotanakowa. Ma 'o ngai moi tanako, ge'ena ma sira ngoi torau, ma ne'ena tomasimakekau."

²⁶ Ge'enaka de 'ona yongoseli 'unaka, "'Una 'okia wodiai ngonaka? Kokia wonidiai so nomasimake?"

²⁷ 'O nyawa gu'una wosango, "Tosijaritakau nginika, ma ngini koniosigisenuwa. 'Ido'oa so niomau niosigi'isenoli? Poilia ngini niomau niodadi to 'una 'awi do-domoteke mita?"

²⁸ Ge'enaka de 'ona widoana de mita kayongosekau, "Ngona to 'una 'awi do-domoteke, ma ngomi to Musa.

²⁹ Ngomi mianako ma Jo'oungu ma Dutu wobicarakau 'o Musaka, ma 'o nyawa gu'una ngomi komianakowa 'awi 'asali kiano."

³⁰ 'O nyawa gu'una wosango, "'Etei, toherangi ma sala ngini konianakowa 'awi 'asali kiano, 'ena 'una woidiai tomasimakekau.

³¹ Ngone panako ma Jo'oungu ma Dutu kowakisigisenuwa 'o nyawa yosowo-sowono, ma 'ena 'o nyawa gee wisuba-suba, de yamote-moteke 'awi mau.

³² Ka ma 'orasi 'o dunia 'idadi de 'isikaino, koma'iwasi po'isene naga yodiai 'o nyawa yorau kayosidoboanosi 'idadi yomasimake.

³³ Nako 'o nyawa gu'una ko ma Jo'oungu ma Dutunowa, 'una 'asa kowa'akunuwa 'o no-nako 'ihera-herangi wodiai 'isoka ge'ena."

³⁴ 'Ona yosango, "'Okia? Ngona 'o sowono ni'omanguku kanomasidoboanosi, ngona nomau nodotoko ngomino?" So 'ikurue ma 'orasi ge'ena 'una wisisupu 'o lo-lomu ma woaka de kowisidabiwau wowosanga 'o lo-lomu ma woaka.

³⁵ 'O Yesus wo'isene 'ato 'o nyawa gu'una kowisidabinowau 'o lo-lomu ma woano, de 'una winonu 'o nyawa gu'una de kawongosekau, "Ngona nongaku? 'o Nyawa ma Ngowakika?"

³⁶ 'O nyawa gu'una wosango, "Nagu'una ge'ena Jou? Bika noisidemono la ngoi towingaku 'unaka."

³⁷ 'O Yesus wosango, "Ngona wonimakekau. 'Una ge'ena ngoiou gee ma 'orasi ne'ena pomabi-bicara."

³⁸ 'O nyawa gu'una wongose, "Ngoi tongaku Jou," ge'enaka de wosuba 'o Yesus 'awi bionoka.

³⁹ 'O Yesus wongose, "Ngoi toboa 'o duniano ne'ena ma ngale tosidumutu 'o nyawa manga singina kokia; la 'o nyawa yorau-rau yomasimake de 'o nyawa yomasimake-make 'idadi yorau."

⁴⁰ 'O Farisioka yamuruo naga ge'enaka dau gee yo'isene 'o Yesus koge'ena wongose, de yosano 'unaka, "'Ani dumutu ngomi ne'ena miorau mita?"

⁴¹ 'O Yesus wosango, "Nako ngini niorau, ge'ena konisisowonuwa. Ma ngano ngini niongose 'ato, 'Ngomi mimasimake', ge'ena ma ngale ngini kaniosowonosi."

Yohanes

Video Yohanes 9

Ikuti Kami:

KONTAK | PARTISIPASI | DONASI