Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ "Mambeng těngadẹ̌ hengetang-Ku ini: I sain sumuẹ̌ su těndạ u domba kụ lumempangu pagarẹ̌ kụ bal᷊inewe wọu tukadẹ̌, kaiso kawe mẹ̌bawị bọu ral᷊enge wal᷊ine e ute kai tahatako ringangu tahapěhampasẹ̌.

² Arawe i sain sụsuẹ̌ bọu tukadẹ̌ e, ute kai i sie měndal᷊ukadẹ̌ domba e.

³ Měndal᷊ukadẹ̌ domba e mạnope tukadẹ̌ baug'i sie, mase domba e rụdaringihẹ̌ tingihe su tempon i sie měkẹ̌kui si sire su arenge sěmbaụ-sěmbaụ dingangu měngěngahạ i sire apạsěbang sol᷊ong likude.

⁴ Sarạeng manga domba e seng nasẹ̌bang měngangahạ e rumal᷊eng su horone kụ manga domba e mạhuntol᷊e si sie batụu i sire makạkiral᷊a tingihe.

⁵ I sire tawe mapulu tumol᷊e taumata wal᷊ine, tabeạu katewe mahuntal᷊ang bọu anun tau ene batụu tawe makakiral᷊a tingihe."

⁶ Mawu Yesus nẹ̌běken papinintu ene, kai i sire tawe makaěnna apa wue tẹ̌timonaěng'E.

⁷ Tangu Mawu Yesus něhengetang saụ sěnsul᷊e, "Mamben těngadẹ̌ hengetang-Ku ini: Kai Iạ e tukadẹ̌ baugu domba.

⁸ Kěbị apan duměnta měngal᷊imona Siạ e kai tahatako ringangu tahapěhampasẹ̌, kai manga domba e tawe měmpẹ̌daringihẹ̌ tingih'i sire.

⁹ Iạ e kai tukadẹ̌. I sain sumuẹ̌ bọu anu-Ku e masal᷊amatẹ̌; i sie masuẹ̌ masẹ̌bang dingangu makaěbạ pẹ̌bawiahe.

¹⁰ Tahatako e kětạeng duměnta mẹ̌tako, měmate ringangu měnggolang. Arawe Iạ e riměnta mědeạu taumata makahombang pẹ̌bawiahẹ̌ -- kụ pẹ̌bawiahẹ e mědẹ̌dal᷊embo.

¹¹ Iạ e měndal᷊ukadẹ̌ mapia. Měndal᷊ukadẹ̌ mapia e kai mạnarakangu watangenge waugu manga dombane.

¹² Taumata nisewaěnge kụ bal᷊inewe měndal᷊ukadẹ̌ dingangu wal᷊inewe taghuangu manga domba ene, sarung mahuntal᷊ang kụ měněntangu manga domba e kereu i sie makasilo piạ dal᷊ugẹ̌ diměnta. Tangu manga domba e sarung těmboěng dingangu sal᷊iawuhangu ral᷊ugẹ̌.

¹³ Taumatan sewa e kai tumal᷊ang, u i sie něhal᷊ẹ̌ e kai ual᷊ingu nisewaěng. I sie tawẹ agise mẹ̌pandung manga domba e.

¹⁴ Iạ e měndal᷊ukadẹ̌ mapia. Kerẹewe i Amang kawe masingkạu Iạ, dingangu Iạ masingkạ i Amang, kerene lai Iạ masingkạ u manga domba-Ku, ringangu i sire mal᷊aing masingkạ u Iạ. Iạ něnarakangu niawa-Ku waug'i sire.

¹⁵ (10:14)

¹⁶ Piạbe lai manga domba wal᷊ine mal᷊aing tataghuaneng-Ku, kai tawe nasowa su ghapaěngu domba ini. I sire lai hinong Takụ ahakeng kụ i sire sarung dumaringihẹ̌ tingihẹ̌-Ku. I sire kěbị sarung mariadi ghapaěng sěmbaụ kụ měndal᷊ukade sěngkatau.

¹⁷ I Amang kụkěndagu Iạ u Iạ něnarakangu niawa-Ku e mẹ̌deạu saụbe takụ ikatarimạ kapia.

¹⁸ Tawẹu sarang sěngkatau makapěngal᷊ạ bọu Iạ. Iạ e něnarakang kai ual᷊ingu kapulu-Ku hala. Iạ e kawasa měnarakang, dingangu kawasa lai mangul᷊e kapia. Kai ene hal᷊ẹ̌-Ku nitarimạ bọ'i Amang-Ku."

¹⁹ Ual᷊ingu Mawu Yesus něhengetang kerene, tangu taumatan Yahudi e nanětạe němpẹ̌darendehẹ̌.

²⁰ Lawọ bọ'i sire němpẹ̌bera u, "I Sie kai nisawelangu rohkẹ̌ dal᷊akị! I Sie kai pulu! Baugu apa i kamene rimaringihẹ̌ si Sie?"

²¹ Kai piạbe lai němpẹ̌bera u, "Taumata kụ nisawelangu rohkẹ̌ dal᷊akịsẹ̌ e tawe mẹ̌bisara kerene. Botonge setange mapẹ̌kěllan taumata wuta?"

²² Ene su Yerusalem taumata e kai kapẹ̌sal᷊imbange, Ěllon Pananusi Wal᷊em Mawu. Su tempo ene kai tempong banua maral᷊ěnding.

²³ Kutẹu Mawu Yesus mědẹ̌daral᷊engke su Gandariang Salomo su ral᷊ungu Wal᷊em Mawu,

²⁴ piạ e tau Yahudi e němpẹ̌děnta nẹ̌tal᷊ipurung su rẹ̌duh'u Mawu Yesus. I sire němpẹ̌bera si Sie, "Kạděngụe i kami e měngkate ipẹ̌bẹ̌bimbong? Paul᷊ịkọ pakal᷊ahẹ, mạengbe i Kau kahěnga-hěngang Datu Mananal᷊amatẹ̌."

²⁵ Mawu Yesus simimbang, "Seng bọu Takụ nipěhengetang si kamene, kaiso i kamene mang tawe mangimang. Kal᷊awọu munara Takụ kẹ̌koateng su areng'i Amang-Ku e měnẹ̌nodẹ u karal᷊ahẹ e mạanun Iạ.

²⁶ I kamene tawe mangimang batụu i kamene tawe nasowa su ghapaěng u manga domba-Ku.

²⁷ Manga domba-Ku e rụdaringihẹ̌ tingihẹ̌-Ku. Iạ masingkạben sire, ringangu i sire mạhuntol᷊e si Siạ.

²⁸ Iạ e mangonggọu pẹ̌bawiahẹ̌ kakalẹ̌ si sire kụ sarang karěngụe i sire tawe mawinasa. Kụ tawẹu sarang sěngkatau makapěhampasẹ̌ si sire wọu lima-Ku.

²⁹ I Amang-Ku e seng nanarakang i sire si Siạ, limembon patikụ e. Dingangu tawẹ u sarang sěngkatau makapěmul᷊aho si sire wọu limang Amang.

³⁰ Iạ dingangu i Amang kai sěmbaụ."

³¹ Mase tau Yahudi e nẹ̌saụewe němpangal᷊ạ batu e ipěngěntung Mawu Yesus.

³² Kai Mawu Yesus e něhengetang si sire, "I kamene seng nakasilo si Siạ nẹ̌koạ kal᷊awọu hal᷊ẹ̌ mapapia parentang Amang-Ku e si Siạ. Bọu kěbị hal᷊ẹ̌ tamai ene tangu kai sudẹ e nakawodaị si kamene mapulu mangěntung si Siạ?"

³³ Taumatang Yahudi e němpẹ̌simbang, "Bal᷊inewe ual᷊ingu munaran'U mapapia e i kami nakapěngěntungu watu si Kau, kaiso ual᷊ingu i Kau kawe něhinakang Duata. I Kau e sěngkatau taumata kụ mapulu mẹ̌těngkakoạ batangeng'U Duata."

³⁴ Mase Mawu Yesus simimbang, "Karạ kai mạbawohẹ su bukẹ̌ u torat'i kamene: Duata e něhengetang, 'I kamene kai mahang duata'?

³⁵ I kitẹ masingkạ u apan mạbawohẹ su Winohẹ Susi e mạpakẹ sarang karěngụe. Kụ kereu Mawu Ruata nẹ̌sěbạ u mahang 'duata' su taumata apan němpẹ̌narimạ u hengetang'E,

³⁶ unụe i kamene mẹ̌berawe si Siạ u Iạ kawe něhinakang Duata ual᷊ingu nẹ̌bera u Iạ Ahus'u Ruata? Sěmbal᷊iau Iạ kawe pinilen Amang kụ nirolohẹ̌ sarang dunia.

³⁷ Kereu Iạ tawe mẹ̌koạ munara kụ seng niator'i Amang e, ute kumbahangbe měmpangimang si Siạ.

³⁸ Kai tangu ual᷊ingu Iạ měkẹ̌koạ ene, ute kěngkahimang bue suapan Takụ kẹ̌koatenge, maningbe i kamene tawe mapulu měmpangimang si Siạ. Ual᷊ingu ene ute i kamene masingkạ dingangu makaěnna u i Amang e sěntiniạ mạsasěmbaụ dingang-Ku, kerene lai Iạ e sěntiniạ mạsasěmbaụ dingangi Amang."

³⁹ I sire mědẹ̌deạ lai ral᷊engu měmpěnamẹ Mawu Yesus, kutẹu i Sie nạung nakal᷊ěsọ bọu i sire.

⁴⁰ Mawu Yesus tangu nẹ̌sul᷊ẹ e sol᷊ong sěmbẹ̌kang Sal᷊ụ u Yordan, su tampạ i Yohanes nạung něnahani, mase nẹ̌tanạ sene.

⁴¹ Mal᷊awọ taumata mạhunděnta su anun Sie. I sire měmpẹ̌bẹ̌bera u, "I Yohanes tawe mẹ̌kakoạ manga hal᷊ẹ̌ makạdal᷊inaụ, kai kěbị apan ipẹ̌paul᷊ị e mạanun tau ini e mang kahěngang."

⁴² Mase mal᷊awọ taumata sene němpangimang su Mawu Yesus.

Yohanes

Video Yohanes 10

Ikuti Kami:

KONTAK | PARTISIPASI | DONASI