Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Halani Sion seng anjai sip Ahu, anjaha halani Jerusalem seng soh Ahu, paima poltak hapintoronni songon sondang ni mata ni ari, anjaha hatuahonni songon rigapan na gara.
2 Idahon ni bangsa sipajuh begu-begu ma hapintoronmu anjaha sagala raja-raja mangidah hamuliaonmu; anjaha goranon ma ho marhitei goran na baru, ai ma sitontuhonon ni pamangan ni Jahowa.
3 Gabe sortali hamuliaon do ho ibagas tangan ni Jahowa, anjaha sortali harajaon ibagas tangan ni Naibatamu.
4 Lang be goranon ho na tinadingkon, anjaha tanohmu seng be hatahonon na tarulang; tapi goranon ma ho na hinarosuhkonni uhur-Hu, anjaha tanohmu goranon na dob laho; ai marosuh do Jahowa mangidah ho, anjaha tanohmu marhalahoan do.
5 Ai songon garama mambuat anak boru, sonai do ho buaton ni Sipauli ho; songon malas ni uhur ni siparunjuk bani tunanganni, sonai do malas ni uhur ni Naibatamu mangidah ho.
6 Bani tembokmu, ale Jerusalem, domma Husuruh parjaga. Arian pakon borngin seng anjai sip sidea. Hanima, na padingatkon Sion bani Jahowa, ulang ma marnasoh!
7 Ulang sip hanima i lobei-Ni, paima itatap Jerusalem anjaha ibahen ai gabe puji-pujian i tanoh on.
8 Domma ibijahon Jahowa marhitei tangan-Ni siamun ampa marhitei tangan-Ni na gogoh in: Seng be bereon-Ku omeimu gabe panganon ni munsuhmu, anjaha seng be inumon ni halak na legan anggurmu, na dob hinangalutkonmu,
9 tapi na patumpu-tumpuhon, sidea ma na mangankon anjaha mamuji-muji Jahowa; anjaha na mambuat, sidea ma na manginum bani alaman-Ku na ma pansing in.
10 Luar ma, luar ma hanima hun horbangan in! Pasirsir dalan bani bangsa in! Palumbang, palumbang dalan in, padaoh batu-batu! Pajongjong ma mandera partanda bani bangsa-bangsa!
11 Tonggor ma, domma itingtingkon Jahowa das hu ujung ni tanoh on: Hatahon ma bani boru Sion, “Tonggor ma, roh do haluahonmu! Mangihut do bani upahni, anjaha i lobei-Ni do na sinari-Ni.”
12 Goranon do sidea: bangsa na pansing, Na pinaluah ni Jahowa. Anjaha ho goranon do na hinasiholan, huta na seng be sitadingkononkon.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA