Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utatku mita, bayongan umat i Allah inta no'ibaya-bayak makow kon dunia! Aku'oi ki Yakobus, mogogaid kon oaíidon i Allah bo i Tuhan Yesus Kristus, mopoyaput in salam ko'i monimu.
2 Utatku mita! Aka mo'ikow bo moko'ulií kon soba'an morupa-rupamai, yo anggap intua tobatuí kopia'an.
3 Simbaí kota'auandon monimu, kon aka mo'ikow bo umuran mopirisaya ko'i Tuhan ko wakutu ing koaíntugan soba'an, yo tuata im mokopobalií ko'i monimu moropot.
4 ḷukadai simbaí umuran moropot ing ginamu tua modapot in totu-totu'udon mosompurna mo'ikow bo diaídon kodai-daitan im bayongan yagi-yagi.
5 Aka oyuíon ing kon sigad monimu diaípa totok mobijaksana, yo musti mopo'igum ko'i Allah, daí ogoianbií i Allah ing kabijaksana'an sia. Sin takinbií pia ing gina bo tabi ki Allah mobogoi kom pomuḷoi intau.
6 Tongaí intau inta mo'igum musti mopirisaya bo mokopotantuí kong gina. Sin intau inta diaí motantuí ing gina naonda bo bokoḷ kon dagat inta poyambaí magií-makow in tompot.
7 Intau natua diaíbií motantuí im pikirannya; sia diaí mota'au mogamaí kong kaputusan kon soaáḷ onukadon in inaidannya. Tuamai, dona'aidon in sia moharap makow kom moko'ulií kon onu bo onu nongkon i Allah.
8 (1:7)
9 Intau Keresten inta nobiag nobogaí, kosanangbií aka sia poḷantudon i Allah.
10 Bo intau Keresten inta no'oyuíon, kosanangbií aka sia po'ompaían i Allah. Sin intau inta no'oyuíon moyoyangbií naonda bo bungai im bonok.
11 Ko wakutu mata in singgai momukaí bo mopatuídon totok, yo moḷaḷow im bonok tatua sahingga im bungainya moḷabuídon bo diaí domandon mopira. Natua doman intau no'oyuíon, morimumud in sia ko wakutu in sia yogot mopobayak in totayakea.
12 Kosanangdon intau inta motabah wakutu ing kinoaíntugan soba'an. Sin aka sia bo mokotahangdon kon soba'an tatua, yo tarima'annyabií im bungainya. Bungainya tua ing kobiagan inta aim pinodandi i Allah kon intau inta motabi ko'i-Nia.
13 Bo aka tobatuí intau kinosoba'an, yo dikabií in sia mosingog nanaía, "Goda'an tana'a nongkon i Allahbií," sing ki Allah in diaíbií kogoda'an in inta mora'at, bo diaíbií doman Sia mosoba kon tobatuímai intau.
14 Ta'e intau mita tana'a ing kinogoda'anbií in ibognya tontanií inta mora'at.
15 Mo'iduduimai kon tua, aka ibog inta mora'at tatua bo duduian, daí mobaliídon in oaíid inta diaí mopia; bo aka aid diaí mopia tatua bo moguyangdon, daí popatoi im bungainya.
16 Utat mita inta kinotabiku, dika mo'ibog koaíkaḷan im mo'ikow!
17 Pomuḷoi in o'ogoi inta mopia bo hadiah inta mosompurna, namangoibií intua nongkon soroga, pinopoponag i Allah inta nomia kom bayongan inta nobayag kon ḷangit. Sia tua ing ki Allah inta diaí dodai onda mobaḷui bo diaíbií doman mokopopisií mogaid kon inta mosindip.
18 Ibog-Nyabií tontanií in nopobalií ko'i naton ki adií-Nya mita pinongin Pirman-Nya inta nobanar. Tua komintan pinomia-Nya simbaí kita moko'ulií kon tampat inta moponting kon sigad im bayongan mahaḷuk inta pinomia-Nya.
19 Utat mita inta kinotabiku, tarukira kopira in na'a, pomuḷoi intau musti limikat mokidongog, tongaí mokopoḷaḷoi im mosingog bo dona'ai doman baḷuí tumoruí.
20 Sin intau inta tumoruí, diaí mokopo'gaid kon inta mopia, inta mokosanang kong gina i Allah.
21 Tuamai ḷumbuídon tabiat inta nonajis bo mora'at. Ta'e koaáḷusdon ing gina motarima kom pirman inta pinomuḷa i Allah kom bonu ing ginamu, sim moḷoben kawasa im pirman tatua kom moposaḷamat ko'inimu.
22 Musti aidan monimu onu inta pinokiaíid i Allah, de'emanbií tongaí indongogan makow bo diaí aidan, sin aka diaí aidan yo tua mangalenya mo'ikow nonguboḷdon ko'i monimu tontanií.
23 Intau inta nokidongog kom pirman i Allah ta'e diaí dinumudui kon onu inta pinoguman i Allah tua, yo sia tua in notongkaibií in intau inta noliliímai kom pogotnya kon tayowon posilag.
24 Naonda ililiíannya makow kinopira, minayak in sia daí baḷuínyadon kinoliongan im batangannya tatua.
25 Hukum i Allah tua in nosompurna bo moḷoben ing kawasa-Nya moposaḷamat kon intau. Ta'e intau inta momirikisa bo monarukira kinopira poḷat nopoaíid doman, de'eman tongaí inindongogan makow bo liongon, yo intau natua barakatanbií i Allah im bayongan oaíidannya.
26 Aka oyuíon tobatuí intau inta monganggap kon sia tua motoḷutui mopobayak kom parentah in agama, ta'e sia diaí mokotahang in diaí mosingog kon intau, daí nonguboḷdon sia ko'inia tontanií, bo diaídon mangale ibadanya tatua.
27 Podudui ibog i Allah, ibadah inta mo'itutui im motuḷungbií kon adií mita inta uno-unondon bo ko'i monia inta dongkadon boba-bobay inta nobiag moyoyiga, poḷat doman moḷukad kon awak tontanií simbaí diaí poguya'aton in dunia na'a.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA