Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Rat ni Yakub, demulun Allah idi demulun Tuhan Yésus Keristus: Tabi' kuan pulu' dueh pupu luk nepatad.
2 O kinanak-kinanakku, kareb muyuh mebpeh bang anid-anid tutun, do' mala amungneh ineh mangun ku awang mo';
3 ngaceku muyuh kali' tutun anu muyuh ineh ngacing inan ulai niat.
4 Idi do' ulai niat muyuh meriput, pad muyuh mangun meligan idi petap anu idi na masi' bang anun-anun pana'.
5 Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.
6 Iamo' do' ieh mutuh dengan anu, dengan na merapang, ngaceku lemulun luk merapang ineh mepad kudeng lipu' abpa' luk iten bui.
7 Lemulun luk kudeng ineh perapid niat, idi na merapet ku luk ruenneh. Ngaceku ineh ieh na miak merapet ngalap anun-anun luk ratnan Tuhan.
8 (1:7)
9 Do' kinanak luk masi' mawang niat kareb ieh uen Allah ngedita',
10 idi lun do' kareb ieh uen Allah ngebeneh, ngaceku lun do' mepad kudeng busak uduh luk mekarang.
11 Ngaceku mateh aco ineh masat dengan pelaba lau', idi ngekarang uduh ineh, idi busakneh pana' merurug, idi taga busakneh pana' metutu'. Kudeng ineh teh lun do' pana' mekarang kareb ieh uned nganau' kekamenneh.
12 Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.
13 Aleg seburur pebala kareb ieh mekaneh tutun, "Ui nekaneh tutun Allah," ngaceku Allah na tinutun ku luk dat idi Ieh sebuleng na nutun seburur pana' ku luk dat.
14 Iamo' lemulun mekaneh tutun kareb ieh rinuid idi tiban ratnan pian buruneh sebuleng.
15 Pangeh ineh pinian burur ineh ngeruat bua', idi ngacing sala' idi kareb sala' ineh iuk amé' rayeh, ieh ngacing até.
16 Aleg muyuh uen naluk, O kinanak-kinanak luk inanku mawa!
17 Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.
18 Idi maya' pianNeh sebuleng Ieh pangeh nemudut netau dengan balaNeh luk amtu, pad tau mangun ku bua'-bua' luk atun ratnan amung-amung luk pinudutNeh.
19 Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.
20 Useh lemulun na ngacing pian Allah luk matu.
21 Do' muyuh nala' amung-amung luk melutak idi luk dat luk mela ineh, idi ngalap dengan niat luk mebeneh bada' luk pangeh tinibu bang nemuyuh, luk melalud ngulun burur muyuh.
22 Iamo' do' muyuh mangun ku lun luk maya' bada' ineh, baken lemulun luk ninger mo' idi naluk bururdeh sebuleng.
23 Kudeng idé-idé luk ninger bada' ineh, iamo' na maya', ieh mepad kudeng selemulun luk nier kiungneh bang sayun.
24 Ieh nier bururneh idi petacu nalan, idi ieh mekelupan ratnan kudeng apeh ayuneh ineh.
25 Iamo' lemulun luk ngerawé ukum luk meriput luk muit lemulun, idi luk lutep ngerawé ineh, baken ninger mo' idi mekelupan, iamo' maya' ineh, lemulun ineh uen Allah ngeperuan bang amung-amung kekamenneh.
26 Kudeng idé-idé luk ngerawé anuneh mepicet, iamo' na ngimet dila'neh iamo' naluk niatneh sebuleng, idi baya' lemulun ineh mo'-mo'.
27 Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA