Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 (12-18) Jadi jongjong ma ia i topi ni laut ai. wj[Binatang na Mandarat hun Laut]wj* (13-1) Jadi huidah ma mandarat humbagas laut ai sada binatang, sapuluh do tandukni anjaha pitu uluni. Bani tandukni ai adong do sapuluh sortali anjaha goran-goran panrisaion do bani uluni ai.
2 Ia binatang na huidah ai songon begu do rupani, naheini songon nahei ni gipul anjaha babahni songon babah ni singa. Ibere naga ai ma gogohni bani, sonai age hotakni ampa kuasa banggal.
3 Huidah do sada humbani uluni ai ugahan, sihamateihononni namin; hape malum do ugahni sihamateihononkonni ai. Jadi longang ma ganup tanoh on mangidah binatang ai.
4 Isombah sidea ma naga ai, sibere kuasa bani binatang ai; binatang ai pe isombah sidea ma, nini, “Ise ma na doskon binatang in, anjaha ise ma na mangasup mangimbangsi?”
5 Ibere ma bani sada babah, na mangkatahon hata pangenjengon pakon panrisaion; ibere ma kuasa bani mandalankon ai ompat puluh dua bulan dokahni.
6 Ibuha ma babahni manrisai Naibata, manrisai goran-Ni pakon ianan-Ni pakon na marianan i nagori atas.
7 Ibere ma kuasa bani mammunsuhi halak na pansing pakon mantaluhon sidea; ibere do homa hubani kuasa manggomgomi sagala marga, suku, hata pakon bangsa.
8 Anjaha sombahon ni haganup pangisi ni tanoh on ma ia, sagala na so tarsurat goranni humbani mula ni dunia on bani buku hagoluhan ni Anak ni biribiri ai, na dob tarbunuh ai.
9 Sagala na marpinggol, itangihon ma!
10 Sagala sipanaban maningon tartaban do; sagala sipamunuh marhitei podang maningon matei do bunuhon ni podang. Ibagas ai sabar anjaha porsaya do halak na mapansing.
11 Dob ai huidah ma sada binatang na legan mandarat hun tanoh, dua do tandukni songon tanduk ni biribiri, anjaha songon parsahap ni naga ai do parsahapni.
12 Idalankon do sagala kuasa ni binatang na parlobei ai i lobeini. Isuruh do tanoh on pakon sagala na marianan ibagas manombah binatang na parlobei ai, simada ugah hamatean na dob malum ai.
13 Ibahen do tanda na banggal, pala ipaturun apuy hun langit hu tanoh i lobei ni jolma.
14 Ipakahou do sagala na marianan i tanoh in marhitei tanda halongangan, na ibere hubani sidalankononni ilobei ni binatang ai; ai ihatahon do bani sagala na mangiankon tanoh in, mambahen gana-gana bani binatang ai, na dob ugahan hinan ibahen podang, hape manggoluh do.
15 Ibere do kuasa bani mambere hosah bani gana-gana ni binatang ai, gabe boi marsahap gana-gana ni binatang ai, anjaha isuruh do na mambunuh sagala na so manombah gana-gana ni binatang ai.
16 Anjaha isuruh ma haganup, na etek ampa na magodang, na bayak ampa na musil, halak na mardeka pakon jabolon, mambahen tanda bani tanganni atap bani pardompakanni,
17 ase ulang boi atap ise mamboli atap manjual, anggo seng dong bani tanda ai, ai ma goran ni binatang ai atap bilangan ni goranni.
18 Ibagas on porlu hauhuron. Barang ise na maruhur, ietong ma bilangan ni binatang ai: Bilangan ni sada jolma do ai, anjaha onom ratus onom puluh onom do bilangan ai.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA