Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 (12-18) Ba muzizio naga andrõ ba zinga nasi. (13-1) Aefa da'õ u'ila sageu gurifõ si mõi yaw̃a moroi ba nasi. Fulu rozi dandru ba fitu hõgõ. Ba ero sara dandrunia andrõ so sambua dakula, ba ero sambua hõgõnia andrõ no tesura sambua dõi fango'aya Lowalangi.
2 Ba urifõ ni'ilagu andrõ ba no hulõ harimo, ba ahenia hulõ gahe mberua, ba bawania hulõ mbawa zingo. Ba aefa da'õ ibe'e khõnia wa'abe'enia naga andrõ, ba dadaomania, ba fa'abõlõnia.
3 Ba sambua moroi ba gotalua zi fitu hõgõ andrõ hulõ no mesokho sabõlõbõlõ, ba no dõhõ zokho da'õ. Ba oi ahõlihõli dõdõ niha gulidanõ fefu solo'õ urifõ andrõ.
4 Ba mangalulu ira ba naga andrõ bõrõ me no ibe'e wa'abõlõnia ba gurifõ andrõ. Ba mangalulu gõi ira ba gurifõ andrõ. Lamane, "Lõ hadõi si fagõlõ ba gurifõ andre! Lõ hadõi si tola fasuwõ wolaw̃a ya'ia!"
5 Ba tetehegõ ba gurifõ andrõ wanguma'õ ngawalõ wayaw̃asa ba fango'aya Lowalangi. Batetehegõ khõnia wamatõrõ õfa wulu a rua waw̃a wa'ara.
6 Ibõrõgõ wango'aya Lowalangi, ba tõi Lowalangi. Si manõ gõi naha Lowalangi, ba fefu zi so ba zorugo gõi oi i'o'aya.
7 Ba tetehegõ gõi khõnia wolaw̃a banua Lowalangi awõ wangalani ya'ira. Ba tebe'e khõnia wamatõrõ fefu ngawalõ niwa, mado, li, ba soi.
8 Ba mangalulu dania ba gurifõ andrõ niha sauri fefu ba gulidanõ, baero niha si no musura tõi fõna wombõi ulidanõ, ba mbuku niha sauri khõ Nono Mbiribiri si no mutaba.
9 Bõrõ da'õ, na tola mifondrondrongo, ba mifondrondrongo duria andre:
10 "Niha sedõna lakuru, lõ tola lõ lakuru dania. Ba niha sedõna labunu faoma fõda, lõ tola lõ labunu faoma fõda dania. Da'õ mbõrõ wa sõkhi na so wanaha tõdõ ba fa lõ farõi ba mbanua Lowalangi andrõ."
11 Ba u'ila sageu gurifõ tanõ bõ'õ si mõi yaw̃a moroi ba danõ. Dua rozi dandrunia si mane tandru nono mbiribiri. Linia si mane li naga.
12 I'oguna'õ wa'abõlõ gurifõ si fõfõna andrõ ba zanehe urifõ andrõ. Ba ifatõrõ gulidanõ awõ zi so khõnia fefu ba wangalulu khõ gurifõ si fõfõna andrõ, si no dõhõ sokho.
13 Urifõ numero dua andre i'a'asogõ dandra sebua. Ba zanehe niha fefu ibe'e aekhu tou galitõ ba danõ moroi ba mbanua si yaw̃a.
14 Oi ilimo niha sauri fefu ba gulidanõ faoma ngawalõ dandra nifazõkhinia fõna gurifõ si fõfõna andrõ. Ba i'o'ou ira fefu ba wamazõkhi sambua nadu ba wamosumange urifõ sesokho andrõ ba mbawa wõda, ba si no auri.
15 Ba tetehegõ ba gurifõ numero dua andre wamonoso nadu andrõ, irege tola muhede awõ wa ibunu fefu niha si lõ omasi mangalulu khõnia.
16 Niha fefu, sebua awõ zide'ide, so ana'a ba si numana, sawuyu ba ma niha si no mu'efa'õ sawuyu, ifaso urifõ andrõ ba wanema tandra ba dangara kambõlõ ba ma ba gangangora.
17 Samõsa lõ hadõi si tola mowõli ma mamawa hadia ia, na lõ khõnia tandra andrõ, ya'ia dõi gurifõ andrõ, ba ma numero samaduhu'õ tõi andrõ.
18 Ba da'e moguna so wa'atuatua. Niha satuatua ba tola i'erai geluaha numero gurifõ andrõ, bõrõ me numero andrõ no tõi zi samõsa niha. Numeronia ya'ia da'õ 666.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA