Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Boema au ita ata nusa so'da kahelek fe'ek esa, ana kona neme nusa so'da ka mai. Ko'a sa poti nan ma elus esa feo na langa na. Mata panan nahaa sama leo le'do a, ma ei na sama leo dii ha'i ka.

² Nai lima na hapu susulaana nanalunuanak esa, nanabukak. Ei kona na ana hetan nai tasi dale, ma ei kii na ana hetan nai ma'dak lain.

³ Boema nalo bou-bou napane'e hala na sama leo singa la nggasi. Ata nusa so'dak ndia nalo basa boema, manggulu kahitu kala lataa no hala matuaina.

⁴ Leondiak manggulu kahituk sila la kokolak basa boema, au nau sula kana, tehu au amanene hala ka neme nusa so'da ka mai nae, "Mafuni hata fo manggulu kahituk sila la lafa'da ka. Boso sula kana!"

⁵ Boema ata nusa so'dak fo au itan ana heta ei na nai tasi dale ma nai ma'dak lain ndia, ana so'uk lima kona na leo lalai neu.

⁶ Ana soo-supa ninik Manetualain fo maso'dak losa dodoo na, ma mana makadada'dik lalai a, daebafa ka, ma tasi no basa hata lala'en fo manai dale ka. Ata nusa so'dak ndia nae, "Fai na neukose ta nakadodoo kana so'on!"

⁷ Tehu metema ata nusa so'da kahitu puu pupuu na soona, neukose Manetualain nakalala'ok dale tutu'un nanabibila-babaa na, sama leo Ana tui-benga basan neu ata-ata nala, fo nde basa nabi la.

⁸ Basa boema, halak fo au amanene basan neme nusa so'da ka mai ndia, ana kokolak seluk no au nae, "Mu ho'i ma susula nanalunuk fo nanabukak manai ata nusa so'dak manaheta ei na nai tasi dale ma ma'dak lain ndia liman dale."

⁹ Boema au u leo ata nusa so'dak ndia u de, au oken fo ana fe susulaana nanalunuk ndia leo au mai. Boema nae, "Ho'i man fo mu'an leona. Nai o teim dale neukose ana da'di makahe'duk, tehu nai o bafam dale, makeek sama leo fai oe a."

¹⁰ Au ho'i a susulaana nanalunuk ndia neme lima na mai boema, au u'an. Nai au bafang dale, au ame'dan makeek sama leo fani oe a, tehu au ko'don basan boema, nai au teing dale makahe'duk.

¹¹ Basa boema ala paleta au lae, "Tui-benga la'iesa seluk Manetualain halan la'eneu leoina la, nusaina la, dede'a kala, ma mane-mane kala."

Wahyu

Video Wahyu 10

Ikuti Kami:

KONTAK | PARTISIPASI | DONASI