Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kaula pas nengale settong malaekat laen se parjuga toron dhari sowarga. Malaekat ganeka katotoban ondhem, ban andhang ngobengnge serana. Raena nyonar akadi are, ban bettessa akadi cangga apoy.

² E astana badha gulunganna ketab kene’ se abukka’. Padana se kangan nedda’ ka tase’ ban se kacer nedda’ ka tenggangan.

³ Malaekat ganeka pas aera’ epakaja, sowarana akadi gaungnga can-macan. Saamponna malaekat ganeka aera’ pas esaodi bi’ galudhuk se papetto’, sowarana agarudhu’.

⁴ E bakto galudhuk se papetto’ ganeka buru amonye, bi’kaula sajjana ecathedda, nangeng kaula mereng sowara dhari sowarga se adhabu sapaneka, "Roseya’agi apa se ekoca’agi galudhuk se papetto’ jareya, ja’ cathet!"

⁵ Saamponna ganeka, malaekat se bi’ kaula etengale nedda’ ka tase’ ban nedda’ ka tenggangan ka’issa’ ngangka’ astana ka langnge’.

⁶ Malaekat ganeka asompa bit asmana Allah se odhi’ salanjangnga, se nyepta’agi langnge’, bume ban tase’ sarta sadajana essena. Malaekat ganeka adhabu, "Baktona ta’ epanyoroda pole!

⁷ Tape mon malaekat se kapeng petto nope tarompedda, Allah bakal alampa’agiya rancana roseyana, akantha se la eberta’agi ka di-abdina, iya areya para nabbi."

⁸ Saamponna ganeka, sowara se ekaedhing kaula dhari sowarga gella’, adhabu pole ka kaula. Dhabuna, "Kassa’ kala’ gulunganna ketab se abukka’ se badha e tanangnga malaekat se nedda’ ka tase’ ban ka tenggangan rowa."

⁹ Daddi kaula laju entar ka malaekat ganeka ban nyo’on sopaja gulungan kene’ gella’ eparengngagi ka kaula. Ca’na dhabuna, "Mara kala’, pas kakan. E dhalem tabu’na ba’na jareya bakal pae’a, tape e colo’na ba’na manes akantha maddu."

¹⁰ Kaula ngala’ gulungan kene’ gella’ dhari astana, pas eteddha. E colo’ rassana manes akadi maddu, tape saamponna ekalodhu’, e dhalem tabu’ laju pae’.

¹¹ Saamponna ganeka kaula eparenta’agi sapaneka, "Kabarragi pole pabalattra berta dhari Allah parkara sa-bangsa, ra-nagara, sa-basa ban to-rato."

Wahyu

Video Wahyu 10

Ikuti Kami:

KONTAK | PARTISIPASI | DONASI