Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Buk tana'a in nongonguman kon onu inta pino'ontong i Yesus Kristus soaáḷ mita inta mobalií. Pinota'au i Allah ko'i Kristus, simbaí pota'au i Kristus kon intau mita inta nogaid kon oaíidan i Allah in onu inta diaídon mo'onggot bo mobalií. Ki Kristus nopotabaídon im malaekat-Nya namangoi ko'i Yohanes, intau inta mogogaid kon oaíidan-Nya, sim mopota'au ko'inia kom bayongan soaáḷ inta mobalií tua.
2 Daí ki Yohanes nopota'au doman im bayongan inta ain inontongnya tatua; bo na'adon im pinogumannya soaáḷ koyow nongkon i Allah, bo inta inirigonan i Kristus Yesus pinongin kosaksiannya.
3 Totokdon mosanang intau inta mobaca bo inta mokidongog kon habar inta pinota'au i Allah muna bo inta aim pinais kom bonu im buk tana'a bo mosatia kon onu inta pinais kom bonunya. Sin diaídon mo'onggot bo tua komintan mobalií.
4 Utat mita inta kom pitu nojama'at kon daerah in Asia! Aku'oi ki Yohanes, mopo'igum makow simbaí mo'ikow ogoian i Allah im barakat bo kobiagan motompia -- tuata ing ki Inta oyuíon, bo inta koyongandon oyuíon, bo inta umuran oyuíon, bo nongkon roho pitu inta kon tayowonmai in tampat pomomarenta'an i Allah.
5 Bo nongkon i Yesus Kristus, saksi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kom bayongan raja kon dunia na'a. Ki Yesus motabi ko'i naton, tuamai Sia no'ibog minatoi sim momilat ko'i naton nongkon kawasa in dosa mita naton,
6 bo baliíon-Nya tobatuí bangusa imang mita ing kita, inta mogaid kon oaíidan i Allah, ki Amaí-Nya. Ki Yesus Kristus tuata inta momulia bo inta mongawasa modapot ing kopaḷutannya. Amin!
7 Indoiai, Sia mamangoi inoliungan ing goḷom! Bayongan intau moko'ontongbií ko'i-Nia, termasuk mosia inta nonakuḷ ko'i-Nia. Bayongan intau kon dunia na'a komintanbií mogamui lantaran Sia. Nopasti bidon intua! Amin!
8 "Aku'oibií na'a inta muna-munamai totok bo inta totok im pangabisan," tua in singog i Tuhan Allah, ki Inta oyuíon bo inta koyongandon oyuíon, inta umuran oyuíon bo Inta totok Mokawasa.
9 Aku'oi ki Yohanes, ki utatmu inta kinoaíntugan doman in roriga inta naí no'iantug kon intau mita inta mopirisaya ko'i Kristus. Mustibií mokoposabar monahang kon roriga ing kita saḷaku kapunya'an-Nya. Aku'oi iḷumbuí kom Pulau Patmos lantaran nopota'au ing koyow inta nongkon i Allah, inta inirigonan i Yesus pinongin onu inta ino'uman-Nya.
10 Kon Singgai i Tuhan, aku'oi kinawasa'an in Roho i Allah, bodongka aku'oi nokodongog kon singog moropot, naonda bo singog in terompet, nosingog kon tumikumai.
11 Singog tatua noguman, "Paisdon onu inontongmu, bo atodon im buk tatua kom pitu nojama'at. Jama'at mita kon Epesus, kon Smirna, kon Pergamus, kon Tiatira, kon Sardis, kom Piladelpia bo kon Laodikia."
12 Aku'oi nobobui naí tumi sim mo'indoi mongo ki ine inta noguman ko'inakoí tua. Bo inontongku pitu in si'oḷ pototuduan kon togaí inta pinomia nongkon buḷawan.
13 Kon yuaí-yuaík in sioḷ mita pototuduan kon togaí tatua, inontongku naonda bo intau. Sia nogi jubah moḷanggoí no'idapot in si'oḷ. Kon dodob-Nya oyuíon in olingoi in dodob inta pinomia nongkon buḷawan.
14 Bu'ok-Nya nobudoí naonda bo bubuḷ in domba, naí kobudoí doman ing kapot. Mata-Nya moyongki-yongkit naonda bo tuḷu;
15 si'oḷ-Nya moriang naonda bo tambaga inta sinubaí. Singog-Nya naonda bo gonugur in tubig moḷoben inta moḷabuí nongkon buḷud.
16 lima-Nya koḷanan nokadai kon tundi pitu, bo kom bibig-Nya iḷumuai in tobatuí pitow moḷanit inta doyowa im matanya. Pogot-Nya monindar naonda bo mata in singgai inta no'utudon.
17 Naonda aku'oi noko'ontong ko'i-Nia, aku'oi no'itungkud kon tayowon-Nya naonda bo intau minatoi. Ta'e lima-Nya koḷanan noyapu ko'inakoí bo poḷat noguman ko'inakoí, "Dika mo'ondok! Aku'oi na'a ing ki Inta Totok Muna-munamai bo ki Inta Pangabisan.
18 Aku'oi na'a in Sia inta nobiag tua! Aku'oi aim minatoi, ta'e indoiaikah, Aku'oi nobiagbií bo diaí bidon mato-matoi. Popatoi bo dunia in intau minatoi kom bonu bidon ing kawasa-Ku.
19 Sin tuamai, paisdon in soaáḷ mita inta inontongmu, tuata in soaáḷ mita inta oyuíon tana'a makow, bo soaáḷ mita inta mobalií kon singgai mo'iduduimai.
20 Na'abií in rahasia in tundi pitu inta inontongmu kon lima-Ku koḷanan, bo pitu in si'oḷ pototuduan kon togaí inta pinomia nongkon buḷawan tua: Tundi pitu tatua im malaekat mita in jama'at pitu doman tatua, bo pitu in si'oḷ pototuduan kon togaí tua in jama'at pitu tatua doman."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA