Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bagat buko néné iaté pagalaiat sangamberi sipinatoilat Jesus Kristus, sipuaaili ka gogoi sibabara. Aipoiliat sangamberinia néné Taikamanua ka tubut Kristus, bulé isegéaké nia ka tubudda sapagugulet Taikamanua pagalaiat sipuaaili ka gogoi sibabara. Aikoiniaké malaikania Kristus ka tubut Johannes, paguguletnia, bulé ipoiliat sangamberinia sipuaaili néné, ka tubunia.
2 Bailiu ka sia si Johannes, poiliatnangan sangamberi siitsónia néné. Oto néné te pangasegekatnia pagalaiat patonekat Taikamanua siron'akenen Jesus Kristus ka simuneng'akenennia.
3 Oto mauktuk te sia sipasibabatsaaké samba sipasiaarep katuareman siniblaakenen buko néné, samba sipasirereddet sangamberinia sitususurat ka bagania. Aipoí táan mauju ipuaili sangamberinia néné.
4 Ale kam Sasarainamai sikukuddu ka paamian sipitu néné ka Asia! Aku sipuoni si Johannes néné bulat aikukakaroni baga, bulé tupanguruat'aké ka tubumui panukanan samba pabujaiat sibara ka Taikamanua; iaté nia, tonemnangan lé aian nia, samba siturerere kababara, sambat simariu-riu kababara; samba leú et sibabara ka sipitu ketsat sikukuddu ka matat uddenan purimataat Taikamanua,
5 samba leú sibabara ka tubut Kristus sipasimumuneng simatopit. Nia lé bulat siboikí aisuruaké Taikamanua ka simamatei, samba nia leú et masikukup-kup'aké tai rimata ka polak néné. Bulat makaté bagat Jesus ka tubutta, samba kalulut kamamateinia, belaakénangan sita ka jotta,
6 samba bailiuakénangan leú et sita sara bangsa sikokoiakenen sarat imam, sipuukú galajet Taikamanua, Ukkuinia. Jesus Kristus te sipulubeunan samba sipulugege teret buru-burú. Amen!
7 Itsó kam, aian nia momoi aikukunemi nia tinobut! Raiitsó te nia sangamberi sirimanua. Beri sia sipasipupunu nia leú et, raiitsó nia. Mulului-lui te sia sangamberi taikapolak kalulunia. Oo, bulat momoi nia! Amen!
8 Aikua si Tuhan Taikamanua, "Aku té panandaatnia sambat leú et kalepakatnia, iaté nia bulat tonemnangan lé aian nia, siturerere kababara, sambat sibabara teret buru-burú, sambat Sipulugege."
9 Aku néné iaté sipuoni si Johannes, sarainamui sikeré besit tubu mangorik pangoringan siloketda sangamberi sipasiului Kristus. Maom bagatta mangorik siripot puoonitta paamian bakkatnia. Araribbaiaké aku ka nusa Patmos kalulut sesegéakéku patonekat Taikamanua, siron'akenen Jesus ka simuneng'akenennia.
10 Ka gogoi Tuhan, kuneminangan aku Ketsat Sipunenan, arepkungan leú et nga-nga simaron, kelé nga-ngan pipiau, ipanibo ka tei-teiku.
11 Kuanangan nga-nga néné ka tubukku, "Surat'aké sangamberinia siitsónu, lepá kaunungan nia buko néné ka paamian sipitu, iaté: Epesus, Smirna, Pergamus, Tiatira, Sardis, Piladelpia, sambat Laodikea."
12 Iageti pitsakkungan tei-teiku kuitsó kasonia sipaninibo ka tubukku. Oto itsókungan pitu ngambua reret kudduat alito sigalai sibara ka emas.
13 Ka tengan reret kudduat alito, ai sara sipuririó; ituitsó kéan lé mutubu sirimanua. Ai saraubánia simananta pat aili ka rerenia. Ka rurukatnia ai aipakei tabbot rurukat sigalai sibara ka emas.
14 Mabulau alainia kéan lé bulut biri-biri, bulat kéan lé bagat batta. Matania aimuju-juluu kéan lé api;
15 rerenia aimukikinam kéan lé baí tembaga silabó. Nga-ngania kéan lé nga-ngan oinan puruupugat sabeu.
16 Ka kabeinia sikattoet, ai pitu panyanyat, samba ka ngu-ngunia ai sara lanjau simalauru rua ngasilá nia. Matania matoro, kéan lé matat sulu sinágó.
17 Oto kelé akuitsó nia, purappokkungan ka matania, bulat kéan lé simamatei, aku. Tápoi lepá rapeakénangan kabeinia sikattoet ka tubukku, iageti kuanangan ka matakku, "Buí numalotó! Aku té néné panandaatnia samba leú et kalepakatnia.
18 Aku té néné sipuririmanua! Amateian aku, tápoi itsó peité, amurimanuangan aku teret buru-burú. Aku lé sipanei-nei kamateiat, samba taikabaga.
19 Oto kalulut néné, surat'aké sangamberinia siitsónu, iaté sangamberi sibabara kineneiget, samba aponia sipuaaili ka gogoi sibabara.
20 Néné te kelé keleatnia sipitu panyanyat siitsónu kai kattoetku, samba sibara ka sipitu reret alito sigalai sibara ka emas: Panyanyat sipitu iaté, samalaikat paamian sipitu, samba sipitu reret kudduat alito, iaté, paamian sipitu."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA