Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nopaḷut makow kon tua, aku'oi noko'ontong kom malaekat opat inta sinimindog kon siku in dunia opat. Mosia nomompon kon tompot inta nongkon siku opat in dunia na'a simbaí diaídon in tompot mogirup kon toba, kon dagat bo kong kayu mita.
2 Bo aku'oi noko'ontong kon tobatuí malaekat ibanea inta no'itukat nongkon dotaí im pomuka'an singgai. Sia nodia kom meterai nongkon i Allah inta nobiag. Noropot im pinogogoiniínya kom malaekat opat inta ain noko'ulií kong kawasa nongkon i Allah sim pomoguya'at kom butaí bo dagat.
3 Malaekat tatua noguman: "Dona'aipa momoguya'at kom butaí andeka kon dagat, ande pangkoi mita ing kayu aka diaípa im meterai nami im pogot mita i intau inta ain nogaid kon oaíidan mita i Allah naton."
4 Bo pinota'audon ko'inakoí kom mogatut bo opat nopuḷuh bo opat noribu ing kobayong intau inta imeteraian im meterai nongkon i Allah kom pogot monia. Intau mita tatua ginamaí nongkon mopuḷuh bodoyowaí nosuku bangusa Israel;
5 pomuḷoi in suku pinogamaían kon tumopopuḷuh bodoyowa noribu intau. Na'a in tangoi in suku mita Israel tatua: Yohuda, Ruben, Gad,
6 Asyer, Naptali, Manasye,
7 Simeon, Lewi, Isakhar,
8 Sebulon, Yusup bo Benyamin.
9 Nopaḷut makow kon tua aku'oi noko'ontongpa bui kon intau inta modamaḷ totok, diaídon tobatuímai intau moko'iyap kong kobayongea tua. Mosia tua in intau mita inta nongkon bayongan bangusa, suku, negara bo bahasa. Mosia sinimindog kon tayowon in tampat pomomarenta'an tatua bo kon tayowon i Adií in Domba. Mosia komintan nogiḷambung in jubah nobudoí bo kokada-kadai doman tanga ing kayu palem.
10 Mosia nomaḷuí noropot nana'a: "Kasaḷamatan na'a in tongaíbií nongkon i Allah naton inta ilimituí kon tudu in tampat pomomarenta'an bo nongkon i Adií in Domba tatua!"
11 Bayongan malaekat sinimindog ilimibu kon tampat pomomarenta'an tatua bo kon itoi mita takin mahaḷuk opat tatua. Malaekat mita tatua sinumungkud kon tampat pomomarenta'an tatua bo nosumbah ko'i Allah.
12 Mosia nosingog nana'a: "Amin! Dinayo-dayowdon ki Allah naton inta momulia bo mobijaksana. Sia patus motarima kon sukur mita bo hormat. Sia im mokawasa bo moropot modapot ing kopaḷutannya! Amin."
13 Bo tobatuí in intau nongkon sigad in itoi mita tatua noliboí ko'inakoí: "Ki inebií in intau mita inta nogi jubah mita nobudoí tanion? Bo namangoi nongkon onda im mosia nion?"
14 Daí tubagku ko'inia: "Diaíbií kinota'auanku, ki Tuangbií in nonota'au kon tua." Daí sia noguman bui ko'inakoí: "Mosia na'a intau mita inta nosaḷamatdon nongkon roriga inta moḷoben, bo aim binata'an monia kinobudoí in jubah monia kom bonu in duguí i Adií in Domba tatua.
15 Manangka intua mosia sinimindog kon tayowon pomomarenta'an i Allah, bo mo'ibadah ko'i-Nia doḷom bo singgai kom bonu im Baḷoi Allah. Bon Sia inta ilimituí kon tudu in tampat pomomarenta'an tatua mamangoi kon yuaí-yuaík monia bo mogoliung ko'i monia.
16 Mosia in diaí bidon mokorasa kong gogoyon ande moyogang. Mata in singgai ande patuínya diaí bidon mokopokak ko'i monia.
17 Sing ki Adií in Domba inta ilimituí kon tampat pomomarenta'an tatua im mobalií gombala monia, bo diaan-Nya im mosia mayak kom bokakak in tubig inta mokobiag. Bo inggamaíandon i Allah im bayongan ḷuaí kom mata monia."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA