Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Anden yet harukmen pohol miningon men kinang miningon men ik ahum humon laut men elegma yet harukmen pohol keron men kinang keron men eneg weregma yet harikik.
2 O pumbuk fanowon Yerusalem keron ino poholma Allah wereg ambehen wambik waharuk lit hiyap tuhumon aben og nabukag ulug aliliyangge lahaptuk hag toho ebe umbagpag toho wambik waharukmu yet harikik.
3 Yet harikikteg hol harukmen lehoma hur atuk ambehen ele hi roho uruk lit, "Yet hemek, ap sehelimu Allah ibam o sabo wirihon weregma Allah it min mangno roho welamuhup. It arimano At umalikisi amuhupmu At ino Inikni roho welaruhu.
4 Aren onggon enebuhureg it inilmu uba werehon sumag enebuhu. War atuk ane eleg laruhuwon ariyen enehummu siyag toho werehon men uba anggolo yatukon men inindi anggin toho werehon men eleg laruhu. Atam welatisiyon ari longgo rebesuhumu eleg aruhu," irisiyon holtikik.
5 At lehoma heriyeg lit werehon inowen Ele uruk lit, "Yet himin, mun angge man angge werehon Anden kerap turuk lahi," il laruk lit, "Anden uruk lahiyon aru tem toho ulug hiyag hutukmu suwesingga fam haharoho embemihin," ulug nubam irisi.
6 Ari irisireg nin eke hiyag nutuk lit, "Irikik ane ari obog toho teko laha. A men O men An eneg wereg lit alemet ondomiyet An welahi. Ap ik obok toho werehon ik eleruk fanowon ap onolukap eneptukon ino fam saplangge hinang isahuk.
7 Ap sa ine roho welaruhu halug ihiyon ari obog toho at og uruhukteg An at Ikni aruhukmu at An namloho aruhu.
8 Ap enekol toho werehon men, Allah fam wenggel haruk elehon men, amben siyag toho werehon men, ap unusurukon men, hiyap ap yaying turukon men, pamongge fam unusurukon men, usa ane turukon men, sibiling-sibiling ane urukon men it obog toho arimano welamuhup ambeg ik sene humon yenggelegma amben siyag turuk lit indok ambulpul eneg turuk ambeg hik isahup. Ari roho wereg lit aru pireneg angge war amuhup."
9 Malaikat sabiren itanowen kubag sabiren fam ap siyahap eneptuk ahik hinanggoho ki rohon itano misig nambeg waharisi. Nambeg waharisireg nubam ele uruk lit, "An nambeg tiya ma," irisireg, "Wam domba Nuhe hilahuk perukon ino unug hitmin," irisi.
10 Ari irisireg Hime fanowon fam tom suwon yaron fam hondog naplug laharisireg o pumbuk Yerusalem fanowon poholma Allah wereg ambehen wambik waharukon hiyag nitisi.
11 Allah fam umbagpag turuk angge o pumbuk ari fam weregma helep sili umbagpag turuk lit asinandi turuk hag toho turukmu yet harikik.
12 Elehet suwon walinggoho kilabehon ino yat toho wirigmu elehet sok nisanggowen fam kurukmu sok nisanggowen arimano palimu malaikat enebe nisanggowen sok wal taneg foroho lit weregma Israel inap ununggul unuk nisanggowen sok fene hahareg latisi.
13 Mo lahik waharuk fil sok hinahan, mo ubuk uruk fil sok hinahan, ik eleruk fil sok hinahan, ik ambut fil sok hinahan welatusa.
14 O pumbuk ino fam elehet walinggoho kilabeg latisiyon helep ubule nisanggowen witfahon arimano fene domba Otsi nisanggowen mon enepfahon arimano ununuk hahareg latusa.
15 An nubam ele irisiyon inowen wanggun wirimangge ili rurukon misig inggikmu seneg lit o pumbuk ino men elehet men sok men wirim timin ulug turuk latisi.
16 O huk tibahon elehet ino apma fil anduhun fil nunggulig wibahon oho umbandu fimag-fimag wibahon oho ambi hag teg latisi. Ap inowen wanggun ino fam o pumbuk ino wirim turuk lit yat toho wirim til larukmen teng-teng angge yat anggolo (dua ribu kilometer) atisi. Ilihihon men nunggulihon men lahabehon men ambi reg latisi.
17 O pumbuk wirim tirisireg elehet unggul ke ino wirim turukmen wirimangge ino teng piren teg (enam puluh meter) latisi, elehet unggul ke tonggo yat teg latisi. Ap kinangmonen wirim turukon hag toho malaikat inowen wirimangge tirisiyon ambi reg latisi.
18 Elehet ino helep sili yanggowon hahon fam ohoma o pumbuk ino ili ruruk lit umbagpag turuk angge emas ik il wirikon hahon fam wirig latisi.
19 Helep ubule arimano wal taneg eke hag eke hag ili faya urukon welatisi. Welatisiyon arimano atamon sili umbagpag turukon, pirenehon il simbohol singon hahon, hinahanehon il hulu rohon hahon, uhanehon il piyanu palehon hahon,
20 fuwabon il fibe aheyaro hahon, falfalikon il ip orohole hahon, sabiron il puhulik men piyanu men mangno rohon hahon, likinon haluwil il hahon, sohowon il puhulik palehon hahon, numon il uningga rohon hahon, nanggolobon il huwowil hahon, nisanggowon il wiyuk anggen hahon, helep arimano obog toho ili faya uruk lit umbagpag turuk latusa.
21 Elehet sok nisanggowen arimano wal taneg ilembani umbagpag turukon hahon misig fam wirig latisi. O pumbuk ino fam funggalem larukon umbagpag turuk angge emas ik il wirikon hag toho haleg latisi.
22 Ari regma harikik angge famen Allah ibam fanowon wirigmu yet harikik fug. Ninikni Allah ineyon ino men domba ino men Enebe o fanowon wir atisi.
23 O pumbuk ino fam mo men pikalem men umbagpag turuk lalep peruk eleg. Allah umbagpag turukon ino selehap eneptuk lit weregma domba ino iral hag toho wereg.
24 O pumbuk obog toho seleg ino fam kuruk lamuhupmu ap suwon kinangma werehon arimanowen enenggengge anggolo oko kilaptuk lamuhup.
25 O ino hup am fug angge weregma elehet sok arimano unukoho oho hubanggo oho labuk fug angge husig lit eneg welamuhup.
26 Ap obog toho enenggengge fano-fano angge forohowon o pumbuk ino fam oko kilaptuk lamuhup.
27 Siyag angge misig oho olma kilabuhup fug, ap enemben siyahon men enele si urukon men oho o ino fam kuk fug angge it ununuk suwesingga mondabi onoluk werehon wam domban forohowon ino fam haharehon eneg kuhup.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA