Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sudah tu ambo mandanga suwaro nan gadang dari dalam Rumah Allah, bakato kabake katujuah malekaik tu, "Payilah, tuwangkanlah isi katujuah cawan bangih Allah tu, ka muko bumi!"

² Malekaik nan partamu payi manuwangkan isi cawannyo ka bumi. Mako bi tumbuahlah bisua-bisua nan sabana sakik, sarato manakuikkan, di kasadonyo urang nan mampunyoi tando binatang tu, sarato di urang-urang nan manyambah patuangnyo.

³ Sasudah tu malekaik nan kaduwo payi manuwangkan isi cawannyo ka lauik. Mako ayie lauik pun manjadi bakcando darah urang mati, mako bi matilah sagalo mukaluak nan iduik di lauik.

⁴ Kudian malekaik nan katigo payi manuwangkan isi cawannyo ka satiyok batang ayie, sarato jo ka satiyok mato ayie, mako kasadonyo ayie manjadi darah.

⁵ Ambo mandanga suwaro malekaik nan bakuwaso jo kasadonyo ayie, bakato, "Ukunan nan Angkau jatuahkan sangaik adie, ya Nan Mahasuci, Allah nan ado, sarato nan lah ado!

⁶ Urang-urang tu lah manyerakkan darah umaik Allah, sarato jo darah nabi-nabi; kiniko Angkau mambuwek inyo bi maminun darah. Batua, lah patuik bana tu untuak urang-urang tu!"

⁷ Sudah tu ambo mandanga suwaro dari mezbah bakato, "Tuhan, Allah Mahakuwaso, nan bana, sarato adielah sagalo ukunan nan Angkau jatuahkan!"

⁸ Sasudah tu malekaik nan ka ampek payi manuwangkan isi cawannyo ka matoari, mako matoari pun dibuliahkan ma anguihkan manusia, jo panehnyo nan luwa biaso tu.

⁹ Manusia di anguihkan dek panehnyo nan sabana angek, urang-urang tu bi mangutuak-i namo Allah, nan bakuwaso ateh sagalo bala bancano, nan disabuikkan cako. Biya pun baitu, urang-urang tu indak namuah doh batobaik dari sagalo dosonyo, sarato indak namuah doh mamuji kabasaran Allah.

¹⁰ Sudah tu malekaik nan kalimo, payi manuwangkan isi cawannyo ka kurisi binatang tu. Mako kaciyek-annyo karajaan binatang tu manjadi kalam, manusia bi manggigik lidah, dek karano kasakik-an.

¹¹ Sudah tu, urang-urang tu bi mangutuak-i Allah nan di sarugo, dek karano inyo bi kasakik-an, sarato dek karano bisua-bisuanyo. Tapi, inyo indak juwo doh bi batobaik, dari sagalo karajonyo nan jahek.

¹² Sasudah tu malekaik nan ka anam, payi manuwangkan isi cawannyo ka Sungai Efrat nan gadang tu. Mako sungai tu kariang, sainggo rajo-rajo nan dari arah matoari tabik, dapek bajalan manyubaranginyo.

¹³ Sudah tu ambo maliyek tigo roh jahek, nan bantuaknyo bakcando koncek. Satiyok-tiyok koncek tu kaluwa dari muncuang nago, dari muncuang binatang, sarato jo dari muncuang nabi palasu.

¹⁴ Inyo tu adolah roh-roh jahek nan mambuwek ka ajaiban-ka ajaiban. Katigo roh jahek tu, payi kabake sadonyo rajo di ateh dunia ko, untuak mangumpuakan rajo-rajo tu, untuak baparang di Ari nan gadang, iyolah Ari nan dari Allah Nan Mahakuwaso.

¹⁵ "Dangakanlah! Aden datang bakcando urang maliang! Babahagialah urang nan layi tatap basiyap sadiyo, sarato nan lai manjago pakaiannyo, sainggo inyo indak bajalan batilanjang, sarato indak mambuwek mariangik di adok-an urang banyak!"

¹⁶ Kudian roh-roh tu mangumpuakan sagalo rajo tu di sabuwah tampaik, nan di dalam bahaso Ibrani dinamokan Harmagedon.

¹⁷ Sasudah tu malekaik nan katujuah, manuwangkan isi cawannyo ka udaro. Mako tadangalah suwaro nan kuwaik, dari kurisi di Rumah Allah, nan bakato, "Lah salasai!"

¹⁸ Sudah tu, tajadilah kilek nan sabuang-manyabuang, suwaro guruah bagamuruah, sarato jo manggaga, sarato jo gampo nan manakuikkan. Sajak manusia dijadikan, alun ado lai tajadi gampo nan bakcando tu. Ikolah gampo nan paliang manakuikkan!

¹⁹ Kota nan gadang tu pacah, manjadi tigo bagian, sarato cayie pulolah kota-kota disadonyo nagara di dunia. Sudah tu Allah takana jo Babel nan gadang tu. Mako Allah mambuwek inyo minun anggur, dari cawan anggur Allah -- iyolah anggur kabangihan Baliau nan manggalagak.

²⁰ Kasadonyo pulau ma ilang, sarato sadonyo gunuang pun ilang-lanyok.

²¹ Ujan es nan gadang-gadang, nan satiyok titiaknyo sabarek limo puluah kilo, jatuah dari langik bi manimpo urang. Mako urang-urang tu bi mangutuak-i Allah, karano di bala bancano ujan es, nan manakuikkan tu.

Wahyu

Video Wahyu 16

Ikuti Kami:

KONTAK | PARTISIPASI | DONASI