Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ (12-18) Palus naga te mendeng intu saran tasik. (13-1) Limbah te aku mite ije kongan meto lembut bara tasik. Ie te hatandok sapuluh tuntang uju takoloke. Intu gagenep tandoke aton uju makota, tuntang intu gagenep takoloke aton inyurat aran je mamapa Hatalla.

² Meto je gitangku te ampie sama kilau haramaung ampie, tuntang paie sama kilau pain bahuang, tuntang samunyonge sama kilau samunyong singa. Palus naga manenga kaabas ayue akan meto te, tuntang padadusae, tuntang kuasae je hai.

³ Ije bara takolok meto te ampie kilau bahimang hai toto, tapi himang te jari keleh. Salepah petak omba manuntut meto te hayak mangkeme bakahera-heran.

⁴ Tuntang ewen manyembah naga te kea awi ie jari manenga kuasae akan meto te. Tuntang ewen manyembah meto te kea. Ewen hamauh, "Jaton aton je sama dengan meto jetoh! Jaton aton je olih hakalahi malawan ie!"

⁵ Meto te inalua uka tantai manyewut kare taloh je paham bajoho tuntang mahina Hatalla, ie dia ingahana marentah epat puluh due bulan katahie.

⁶ Palus ie nampara mahina Hatalla, tuntang aran Hatalla. Kalote kea eka Hatalla melai, tuntang taloh handiai je melai hong sorga kea mahin ihinae.

⁷ Ie tau kea malawan ungkup ain Hatalla hayak mampakalah ewen. Tuntang kuasa mahunjun kare suku, negara, bahasa, tuntang bangsa inenga akae.

⁸ Meto te kareh inyembah awi oloh handiai je belom hong kalunen, tapi dia inyembah awi kare oloh je arae jari inyurat helo bara kalunen injapa, intu huang surat oloh belom ain Anak Tabiri je jari inyambalih.

⁹ Tagal te, amon keton olih mahining, keleh mahining barita toh:

¹⁰ "Oloh je musti inawan, pasti kareh inawan. Tuntang oloh je musti impatei hapan padang, pasti kareh imapatei hapan padang. Jete sababe ungkup ain Hatalla musti sabar tuntang baketep."

¹¹ Palus aku mite ije kongan meto beken lembut bara penda petak. Ayue te aton due tandok sama kilau tandok anak tabiri. Auhe sama kilau auh naga.

¹² Intu hila baun meto je solake te ie mahapan kuasa je hai dinoe bara meto te kea. Salepah petak tuntang kakare taloh handiai je melai hunjue, imaksa manyembah meto je solake te, ie bahimang hai tapi jari keleh.

¹³ Meto je kaduee te manampa kare taloh heran je hai. Intu taharep oloh handiai ie mawi apui mohon bara langit akan hunjun petak.

¹⁴ Tuntang oloh handiai je belom hunjun petak uras inanjaroe hapan kare taloh heran je tau ie mawie intu taharep meto je solake te. Tuntang ewen samandiai inyohoe mampendeng ije hampatong meto te je jari bahimang awi padang, tapi tetep belom.

¹⁵ Meto je kaduee toh inyoho manenga tahaseng akan hampatong te, sampai hampatong te tau hakotak tuntang mampatei oloh handiai je dia handak manyembah ie.

¹⁶ Oloh handiai, hai korik, je tatau tuntang je susah, jipen tuntang oloh mardeka, imaksa awi meto te uka manarima tanda intu lenge gantaun ewen atawa intu lingkau ewen.

¹⁷ Ije mahin jaton oloh je tau mamili atawa manjual taloh en-en, amon ayue jaton tanda te, iete aran meto te kabuat, atawa angka je mamparahan aran te.

¹⁸ Hetoh perlu aton pangatawan. Oloh je pintar-harati tau mise riman angka ain meto te, awi angka te jete aran ije biti olon. Angka te iete 666.

Wahyu

Video Wahyu 13

Ikuti Kami:

KONTAK | PARTISIPASI | DONASI