Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Roo indo, kuita hadua malaeka au maroho mendaulu hangko i suruga. Malaeka iti nabalungkuhi gawu, hai waana natoleliki mporagia. Lindona mewangka nodo alo, bitina nodo arii au keapi.

² Biti koanana mepangka i tahi, hai biti kabeona mepangka i lore. I tayena ara hambua sura koi au tebungkahi.

³ Mongangami malaeka iti nodo pegoa singa. Roo monganga, gumpata au pitu mbuana momoni masisimbuku, mololita nodo manusia.

⁴ Karoonda gumpata iti mololita, ina kuuki lolitanda, agayana unga pea kuhadi hambua wotu hangko i suruga au mouliangaana: "Inee nuuki iti! Hangangaa nuwuni apa au rauli gumpata au pitu inona."

⁵ Roo iti, malaeka au kuita inona, au mepangka i tahi hai i lore, moangkami taye koanana i langi, hai

⁶ mosumpa i lalu hangana Pue Ala au tuwo duuna kamahae-haea, au mampopewali langi, dunia, tahi hai ope-ope ihina. I posumpana, nauli node: "Ane malaeka au kapitu motawue tatamburuna, i tempo iti Pue Ala ina mampopewali tunggaiaNa au mahae tewuniangi moula apa au Nauli hangkoya i nabi-nabi au moanti NgkoraNa. Ina rapaholiga tempona."

⁷ (10:6)

⁸ Roo indo, wotu au kuhadi hangko i suruga inona mouliangaa mbulina, nauli: "Laomoko mangala sura au tebungkahi au ara i tayena malaeka au mepangka i tahi hai i lore!"

⁹ Lao mpuumona i malaeka iti, hai kuuliangaa: "Weina sura au koi iti." Nauliangaana: "Alamide hai Nuandemi. Ane i lalu taimu, nuhadi mapai. Agayana ane i ngangamu, momi nodo tinaha."

¹⁰ Kuala mpuumi sura iti hangko i tayena malaeka hai kuande. I ngangangku, minana momi mpuu nodo tinaha, agayana i lalu taingku mapai.

¹¹ Roo indo, nauliangaana: "Hangangaa nupahawe mbuli lolitana Pue Ala. Hangangaa nupahawe kana i datu-datu hai tauna hangko i ngkaya kadatua, ngkaya pemulea hai ngkaya pakana basa."

Wahyu

Video Wahyu 10

Ikuti Kami:

KONTAK | PARTISIPASI | DONASI