Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sudah tu ambo maliyek, surang malekaik kuwaik nan lain turun dari sarugo. Inyo disalubuangi dek awan, sarato dek sabuwah mangindo nan malingka di kapalonyo. Mukonyo bacahayo bakcando matoari, kakinyo bakcando tunggak api.

² Di tangannyo ado sabuwah guluangan kitab ketek, nan tabukak. Kaki suwoknyo bajajak di lauik, kaki kidanyo bajajak di darek.

³ Sudah tu inyo basaru jo suwaro nan kareh, bakcando rauang singo. Sasudah malekaik tu basaru, katujuah guruah manjawab jo suwaro gamuruah.

⁴ Baitu katujuah guruah tu basuwaro, ambo nak ka mancataiknyo, tapi ambo mandanga suwaro dari sarugo bakato, "Rasiyokanlah apo nan dikatokan dek guruah nan tujuah tu; jan dicataik pulo!"

⁵ Sudah tu, malekaik nan ambo liyek bajajak di lauik jo di darek tu, ma angkek tangan suwoknyo ka langik.

⁶ Inyo basumpah demi namo Allah nan iduik salamo-lamonyo, nan manjadikan langik, bumi jo lauik, sarato jo sagalo sasuatu nan ado di dalamnyo. Malekaik tu bakato, "Wakatunyo indak ka dipalambek lai!

⁷ Tapi, jikok malekaik nan katujuah ma ambuih tarumpiknyo, mako Allah ka malansuangkan rancana rasiyo Baliau, bakcando nan lah Baliau baritokan kabake pisuruah-pisuruah-Nyo, iyolah kasadonyo nabi-nabi."

⁸ Kudian, suwaro nan lah ambo danga dari sarugo tu, mangecek baliak kabake ambo. Baliau bakato, "Payilah ambiak guluangan kitab nan tabukak di tangan malekaik, nan bajajak di lauik jo di darek tu."

⁹ Mako ambo pun payi kabake malekaik tu, sarato mamintak, supayo inyo mambarikan guluangan ketek tu kabake ambo. Inyo bakato, "Ambiaklah, makanlah ko. Tibo di paruik angkau inyo ka manjadi payik, tapi di muluik angkau inyo manih bakcando tangguli."

¹⁰ Ambo ma ambiak guluangan ketek tu dari tangannyo, sudah tu ambo makan. Di muluik rasonyo bakcando tangguli, tapi barulah ambo lulua, tibo di paruik manjadi payik.

¹¹ Kudian ambo diparentahkan, "Lewakanlah sakali lai barito dari Allah tantang banso-banso, nagara-nagara, bahaso-bahaso, sarato jo tantang rajo-rajo."

Wahyu

Video Wahyu 10

Ikuti Kami:

KONTAK | PARTISIPASI | DONASI