Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jenari kuidah sada nari malekat megegeh sanga nusur i Surga nari. Malekat e ruisken embun, janah i babo takalna lit benteha. Ayona bagi matawari janah nahena bagi binangun api.
2 I bas tanna lit talang kitap kitik. Nahena si kemuhen idedehkenna ku lawit, janah nahena si kawes i daraten.
3 Jenari ngerana ia alu sora megang bagi singa erdengum. Kenca ia ngerana, ngaloi lenggur si pitu.
4 Ngadi kenca lenggur si pitu e, kusuratken ateku. Tapi kubegi sora ngerana i surga nari nina, "Rahasiaken kai si ikataken lenggur si pitu e, ula suratken."
5 Jenari malekat si kuidah ndedeh lawit dingen daraten ngangkat tanna si kemuhen ku langit.
6 Janah ersumpah ia i bas gelar Dibata si nggeluh rasa lalap, si njadiken langit ras kerina isina, doni ras kerina isina, bage pe lawit ras kerina isina. Nina malekat e, "Warina lanai bo icuncun!
7 Tapi asum iembus malekat si pepituken terompetna, ikuhi Dibata me RahasiaNa, bagi si nggo IberitakenNa berita si mehuli e man suruh-SuruhenNa, e me nabi-nabi."
8 Jenari kubegi ka ngerana sora si ngerana man bangku i Surga nari e nina, "To buat kitap si talang i bas tan malekat si ndedehken nahena i lawit dingen i daraten."
9 Kudahi malekat e jenari kupindoken gelah iberekenna kitap si kitik e man bangku. Nina man bangku, "Buatlah jenari pan; i bas beltekndu salih me jadi pagit, tapi i bas babahndu ntebu bagi tengguli."
10 Kubuat kitap si kitik e i bas tanna nari jenari kupan, janah i bas babahku ntebu nanamna bagi tengguli. Tapi kenca kubelgek, salih jadi pagit i bas beltekku.
11 Jenari ipebetehken man bangku, "Arus kam ernubuat denga kerna pemerentahen, bangsa-bangsa, cakap, dingen raja-raja!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA