Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Asap; ende-enden.
2 O Dibata, ula Kam sinik saja, ula jeneng saja, ula kem saja.
3 Nehenlah guyu ImbangNdu, kalak si ernembeh ate man BaNdu sangana berontak.
4 Ibahanna taki pacik ngelawan BangsaNdu, erpekat guna ngelawan bangsa si IkawaliNdu.
5 Nina, "Ota siripukken bangsa Israel, gelah lanai inget gelar bangsa e."
6 Nggo sada arihna, erbahan perpadanen ngelawan Kam,
7 Bangsa Edom ras Ismael, kalak Moap ras Hagar.
8 Bangsa Gebal, Amon ras Amalek, bangsa Pilisti ras Tirus.
9 Assur pe nggo rassa, jadi mata-mata kesusuren Lut.
10 Lakokenlah man bana bagi man kalak Midian, bagi man Siseraken ras Jabin i Lau Kison.
11 Si ikernepken i Endor, dingen bangkena nggo macik i bas taneh.
12 Lakokenlah man peminpin-peminpinna bagi man Oreb ras man Seeb, taluken pemerentahna bagi Sebah ras Salmuna,
13 sabap nggo luar ranan pemerentah-pemerentah e nina, "Ota sirebut taneh ingan Dibata tading."
14 O Dibata, kernepken min ia bagi abu, bagi segal iembus angin.
15 Bagi api nciluk kerangen, gara api ngeradasken deleng-deleng.
16 Elislah ia alu angin kaba-kaba, huntakken alu angin kalinsungsung.
17 Bahan maka juru iakapna o TUHAN, bahan maka idaramina KuasaNdu.
18 Bahan maka talu ia janah lalap ia mbiar, bahan maka ia mate alu la lit kemulianna. <83:19> - Gelah ietehna maka Kam TUHAN si Meganjangna i datas kerina doni enda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA