Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Bani pambobai koor. Inggouni: Silundat. Hasaksian. Doding podah humbani si Daud, (60-2) sanggah na marmunsuh ia dompak halak Aram na hun Mesopotamia pakon halak Aram na hun Soba, sanggah na mulak si Joab anjaha italuhon halak Edom i pamah pargaraman, sapuluh dua ribu halak bueini. (60-3) Ham Naibata, domma itulakkon Ham hanami anjaha ilontas Ham partahanannami. Domma igilai Ham hanami, sai suang ma use bahen Ham hanami.

² (60-4) Domma dugur ibahen Ham tanoh in anjaha mabolah, padear Ham ma bolah-bolahni in, ai domma mambal-ambal in.

³ (60-5) Domma ipaidahkon Ham na majangin bani bangsa-Mu, domma ipainumkon Ham bennami anggur na pamabukkon.

⁴ (60-6) Domma ibere Ham bani sidea, na marhabiaran Bamu, sada tanda, parbansahan bani sidea dompak sior. Sela.

⁵ (60-7) Ase boi maluah na hinaholongan-Mu, paluah Ham ma marhitei tangan siamun-Mu, anjaha balosi Ham ma hanami.

⁶ (60-8) Domma marsahap Naibata ibagas rumah-Ni na ma pansing! Marhasoman surak-surak sihol do bagion-Ku Sikem anjaha sibaron-Ku pamah Sukot.

⁷ (60-9) Ahu do simada Gilead, Manase pe Ahu do simadasi; Efraim ai ma tudung ni ulung-Ku, anjaha Juda tungkot ni harajaon-Ku;

⁸ (60-10) Moab do mangkuk parburihan Bangku, anjaha hu Edom Husampakkon sipatung-Ku; marsurak hamonangan do Ahu pasal Palistim.

⁹ (60-11) Ise ma nani na mamboan Ahu hu huta na toguh ai, ise ma na manogu Ahu das hu Edom?

¹⁰ (60-12) Ai lang domma itulak Ham hanami, ale Naibata, anjaha seng ra Ham, ale Naibata, mangkasomani balanami?

¹¹ (60-13) Sai bere Ham ma partolongan bennami dompak imbangnami, ai sisoya-soya do partolongan ni jolma.

¹² (60-14) Marhasoman Naibata tardalankon hita do horja habanggalon, anjaha Ia sandiri do na manrojati imbangta.

Mazmur

Video Mazmur 60

Ikuti Kami:

KONTAK | PARTISIPASI | DONASI