Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kaangguy pamimpinna koor. Menorot lagu: Kembang kacobung kasakseyan. Jabur pangajaran dhari Daud, (60-2) e bakto merrange oreng Aram-Mesopotamia ban oreng Aram-Zoba, ban e bakto Yowab gubar makala oreng Edom dhubellas ebu e Cora Accen. (60-3) Ya Allah, Junandalem nolak abdidalem sadajana, abdidalem sadaja edinggal epakala. Junandalem duka ka abdidalem sadajana, samangken ngereng pabaliyagi akadi gi’ dhimenna.

² (60-4) Junandalem magundhek bume kantos tennar, palerressagi se la-bella, sabab bume gundhek.

³ (60-5) Sareng Junandalem ommadda edinggal nanggung kasossa’an raja sareng berra’; kantos padha dhing-tabarindhing akadi oreng mabu’.

⁴ (60-6) Junandalem apareng parengeddan ka oreng se alem, sopaja padha’a lopot dhari okoman.

⁵ (60-7) Nyo’ona salamet abdidalem sadaja, polana kobasana Junandalem se raja; peyarsa’agi du’a abdidalem sadaja sopaja reng-oreng se ekataresnae Junandalem salamedda.

⁶ (60-8) Dhari kalenggiyanna se socce Allah adhabu, "Sengko’ asoraga, tana Sikhem bi’ Sengko’ egi-bagiya, Cora Sukot eelloda.

⁷ (60-9) Gileyad ban Manasye Tang andhi’, Efraim Tang topi baja ban Yehuda Tang tongket karaja’an.

⁸ (60-10) Tape Mo’ab kennengnganna pamaccowanna Tang soko; Sengko’ asorak polana mennang ka Filistea. Edom bi’ Sengko’ eontale Tang kasot, menangka tandha ja’ tana jareya andhi’na Sengko’."

⁹ (60-11) Sapa se ngeba’a sengko’ ka Edom? Sapa se ngeba’a sengko’ ka kottha se abinteng jareya?

¹⁰ (60-12) Ya Allah, ponapa Junandalem ta’ asarengngana abdidalem sadajana? Ponapa Junandalem ta’ majuwa asarengnge tantara abdidalem sadajana?

¹¹ (60-13) Nyo’ona tolong abdidalem ngadhebbi moso, sabab bantowannepon manossa tadha’ gunana.

¹² (60-14) Abareng ban Allah sengko’ ban ba’na gaga’ parjuga, Allah jareya se makala mosona sengko’ ban ba’na.

Mazmur

Video Mazmur 60

Ikuti Kami:

KONTAK | PARTISIPASI | DONASI