Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur pengajaren Daud,
2 tupung ia merang kalak Aram-Mesopotami ras kalak Aram-Zoba, dingen tupung Joap mulih kenca munuh 12.000 kalak bangsa Edom.
3 Alu RawaNdu nggo kami ItalukenNdu, jenari IbuangNdu kami, o Dibata, tapi genduari mulihkenlah ku kami.
4 IugurNdu pertibi enda seh merigat, pekena-kena min si pecah-pecah, sabap nggo mundu-undu.
5 Kami BangsaNdu IpelepasNdu i bas kiniseran si mesangat, emaka mbewat-mbewat kami bali ras kalak mabuk.
6 Man kalak si erkemalangen man BaNdu IberekenNdu pertenget, maka ia pulah i bas ukumen nari.
7 Selamatken kami alu KuasaNdu, dengkehkenlah pertoton kami, gelah bangsa si IkelengiNdu banci pulah.
8 I bas InganNa si badia nari ngerana Dibata nina, "Alu meriah ukur taneh Sikem Kubagi-bagi. Baluren Sukot nandangi Kubagi-bagiken man bangsangKu.
9 Gileat ras Manase Aku nge empuna, Eperaim eme topi wajangKu, Juda eme ciken kinirajanKu.
10 Tapi Moap e kap ingan pemurihi nahengKu, man Edom kuambekken sepatungKu, tandana maka ia sikerajangenKu. Ersurak Aku perban menang Aku ngelawan bangsa Pilisti."
11 Ise si mabai aku ku kota si erbenteng e? Ise maba aku ku Edom, o Dibata?
12 O Dibata, tuhu IbuangNdu AteNdu kami? Lanai AteNdu ikut ras tentera kami? <60:13> - Sampati min kami naluken imbang, sabap sia-sia nge penampat manusia! <60:14> - Ras Kam o Dibata menang me kami, Kam kap si ndedeh musuh kami.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA