Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ende sian si Daud siendehonon ni si Jedutun.

² (I.) Ninna rohangku do: Sai jagaonku do angka pangalahongku maradophon dosa marhite sian dilangku, jagaonku do huntam ni pamanganku, saleleng di jolongku dope parjahat i.

³ Sai mangungu do ahu mangkohomhohom, sai sip do ahu maradophon hauntungon, alai sai gunsang do ianggo parniahapanki.

⁴ Sai mohop do ateatengku di bagasan ahu, lam hupingkiri, lam marjimbur do api, gabe mangkuling ma dilangku:

⁵ Sai pabotohon ma tu ahu, ale Jahowa, ajalhu sogot dohot suhatsuhat ni ariaringku na otik i, asa huboto na gale do ahu hape.

⁶ Ida ma, marsasantopap do angka ariaringku dibahen Ho, jala sobokkon soada na ma adamhu di jolom, alogo sambing do sude jolma, nang pe hot jongjong. Sela.

⁷ Halinu sambing do jolma i mardalani, alogo sambing do digulutgulut, sai papunguhon do ibana, hape ndang diboto, manang ise na mangahuti muse.

⁸ (II.) On pe ale Tuhan, aha nama sihaposangku? Marhaposan tu Ho nama ahu.

⁹ Sai palua ma ahu sian angka pangalaosingku sudena, unang ahu bahen sieleseleson ni na oto.

¹⁰ Sai hohom nama ahu, ndang hubungka be pamanganku, ai Ho do mambahensa.

¹¹ Sai paholang ma sian ahu linsinglinsingmi, nunga pola madamor ahu dibahen pangonai ni tanganmu.

¹² Molo dilinsingkon Ho angka linsinglinsingi tu jolma, ala ni dosa, gabe mabaor ma hinaulina songon pinangan ni ngitngit; alogo sambing do jolma i sudena. Sela.

¹³ Sai tangihon ma tangiangku, ale Jahowa, jala pinggol anggukkon! Unang sai sip Ho mida iluilungku, ai pardagang do ahu di lambungmi, paisolat songon angka daompung sudena. (39-14) Sai padao ma pamerengmu sian ahu, asa hupasihar ahu, tagan so laho dope ahu gabe pidom.

Mazmur

Video Mazmur 39

Ikuti Kami:

KONTAK | PARTISIPASI | DONASI