Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud.
2 Ningku i bas ukurku, "Metenget aku i bas perbahanenku, dingen la kubere dilahku erdosa. La aku ngerana, kidekah ndeher denga ras kalak jahat."
3 Sinik saja aku, si mehulina la kubelasken, tapi kiniseranku reh beratna.
4 Serbut kal ukurku akin kuukurken, reh ndelena ateku, dungna ningku,
5 "O TUHAN, kataken ndigan aku mate, asa kai umur geluhku, gelah kueteh ndigan peltep kesahku."
6 Andiko gendekna geluhku ItadingkenNdu, la kap lit ertina umur geluhku i adep-AdepenNdu. Tuhu, manusia la kap lebih asa sekali erkumesah ngenca,
7 la lebih asangken sada awih. Kasa kai kelatihenna sia-sia nge kerina ipepulungna erta-erta si melala, tapi la ietehna ise dnggo si makesa.
8 Dage kai nari timanku, o Tuhan? Man BaNdu nge aku erpengarapen.
9 Pulahi min aku i bas kerina dosa-dosangku nari, ula pelepas aku igombang-gombangi kalak lenge.
10 Sinik saja aku, kai pe la kubelasken, sabap Kam kap si erbanca ateku mesui.
11 Erkiteken PenggudamNdu menam aku mate, ulanai min aku IukumNdu.
12 IukumNdu manusia dingen IberekenNdu kiniseran, erkiteken dosa-dosana, desken ngetnget, IkernepkenNdu kai si ngena ate manusia. Tuhu, manusia desken sekali erkumesah ngenca.
13 O TUHAN, dengkehken min pemindonku perdiateken min sorangku tangis, ula tadingken aku. Bali ras kerina nini-niningku, kentisik ngenca aku kesilang ras Kam. <39:14> - Tadingken min aku, maka banci aku ersenang-senang, ope denga aku lawes dingen masap.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA