Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jaburra Daud. Nyanyeyan pangajaran. Bajjra onggu oreng se esapora dusana ban epaelang kasala’anna.
2 Bajjra onggu oreng se kajahadanna ta’ eetong bi’ PANGERAN, ban se ta’ dujan nepowan.
3 Saabittepon abdidalem ta’ ngakone dusa, ate abdidalem taseksa rassana, polana abdidalem nanges saare benteng.
4 Seyang malem abdidalem ececce’ sareng Junandalem, GUSTE, abdidalem ta’ gadhuwan kakowadan pole akadi se eesep are.
5 Abdidalem laju ngako dusa ka Junandalem, sadajana kasala’an tadha’ se ealenge. Abdidalem motossagi ngakowana sadajana ka Junandalem, ban Junandalem nyapora sadajana dusa abdidalem.
6 Daddi sadajaepon oreng alem padha adu’a e bakto ngadhebbi karekongan, sopaja manabi dhateng banjir kasossa’an ta’ kantosa noro’ talanyo’.
7 Junandalem pangeteggan abdidalem, Junandalem mabebas abdidalem dhari kamalaradan. Daddi abdidalem asorak kaperagen, sabab Junandalem ampon masalamet abdidalem.
8 Dhabuna PANGERAN, "Bi’ Sengko’ ba’na eduduwana jalan se kodu elebadi; bi’ Sengko’ ba’na etontona ban ela’-bala’ana.
9 Ba’na ja’ akantha jaran se ta’ andhi’ akkal, se kodu ekaddhali’i ban etale’e sopaja atoro’a parenta."
10 Oreng se dusa bannya’ nanggung sangsara, tape se ngarep ka PANGERAN terros ejaga ban etolong bi’ kataresna’anna.
11 He reng-oreng alem, mara padha anga-bunga lantaran sabarang se elampa’agi PANGERAN. Mara asorak pasenneng, reng-oreng se berse atena!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA