Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Puji ma Jahowa, ai pardear layak do Ia, tongon, ronsi sadokah ni dokahni do idop ni uhur-Ni.

² Puji ma Naibata ni sagala naibata, tongon, ronsi sadokah ni dokahni do idop ni uhur-Ni.

³ Puji ma Tuhan ni sagala tuan, tongon, ronsi sadokah ni dokahni do idop ni uhur-Ni;

⁴ na mambahen, sahalak-Si, halongangan banggal, tongon, ronsi sadokah ni dokahni do idop ni uhur-Ni;

⁵ na manompa langit marhitei hapentaran, tongon, ronsi sadokah ni dokahni do idop ni uhur-Ni;

⁶ na paherbang tanoh i atas ni bah, tongon, ronsi sadokah ni dokahni do idop ni uhur-Ni;

⁷ na manjadihon panondang na bolon, tongon, ronsi sadokah ni dokahni do idop ni uhur-Ni;

⁸ mata ni ari, na manrajai na siang, tongon, ronsi sadokah ni dokahni do idop ni uhur-Ni;

⁹ bulan pakon sagala bintang na manrajai borngin, tongon, ronsi sadokah ni dokahni do idop ni uhur-Ni;

¹⁰ na mamunuh bunga tubuh ni Masir, tongon, ronsi sadokah ni dokahni do idop ni uhur-Ni;

¹¹ na mambobahon Israel luar hun tongah-tongah ni sidea, tongon, ronsi sadokah ni dokahni do idop ni uhur-Ni;

¹² marhitei tangan na gogoh pakon botokon na gostong, tongon, ronsi sadokah ni dokahni do idop ni uhur-Ni;

¹³ na mambahen marbolah Laut Arung, tongon, ronsi sadokah ni dokahni do idop ni uhur-Ni;

¹⁴ na padiparhon halak Israel hun tongah-tongahni, tongon, ronsi sadokah ni dokahni do idop ni uhur-Ni;

¹⁵ na mangogapkon Parao pakon balani hubagas Laut Arung, tongon, ronsi sadokah ni dokahni do idop ni uhur-Ni;

¹⁶ na mambobahon bangsa-Ni i halimisan, tongon, ronsi sadokah ni dokahni do idop ni uhur-Ni;

¹⁷ na mantaluhon raja-raja na banggal, tongon, ronsi sadokah ni dokahni do idop ni uhur-Ni;

¹⁸ na mamunuh raja-raja na sangap, tongon, ronsi sadokah ni dokahni do idop ni uhur-Ni;

¹⁹ si Sihon, raja ni halak Amori, tongon, ronsi sadokah ni dokahni do idop ni uhur-Ni;

²⁰ pakon si Og, raja ni Basan, tongon, ronsi sadokah ni dokahni do idop ni uhur-Ni;

²¹ na mamberehon tanoh ni sidea bahen parbagianan; tongon, ronsi sadokah ni dokahni do idop ni uhur-Ni;

²² gabe parbagianan ni Israel, juakjuak-Ni in, tongon, ronsi sadokah ni dokahni do idop ni uhur-Ni;

²³ na mardingat hita bani haetekonta, tongon, ronsi sadokah ni dokahni do idop ni uhur-Ni;

²⁴ na paluah hita humbani imbangta, tongon, ronsi sadokah ni dokahni do idop ni uhur-Ni;

²⁵ na mambere sipanganon bani sagala mardaging, tongon, ronsi sadokah ni dokahni do idop ni uhur-Ni.

²⁶ Mangkatahon tarima kasih ma nasiam bani Naibata ni surga, tongon, ronsi sadokah ni dokahni do idop ni uhur-Ni.