Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Mara asokkor ka PANGERAN, sabab PANGERAN reya sae; kataresna’anna langgeng tadha’ obana.

² Mara asokkor ka Allah Se Settong; kataresna’anna langgeng tadha’ obana.

³ Mara asokkor ka Pangeran Se Mahatenggi; kataresna’anna langgeng tadha’ obana.

⁴ Coma Salerana se mabadha kaajiban-kaajiban se raja; kataresna’anna langgeng tadha’ obana.

⁵ Kalaban kabicaksana’anna Salerana abadhi langnge’; kataresna’anna langgeng tadha’ obana.

⁶ Salerana se ngampar bume e attassa aeng; kataresna’anna langgeng tadha’ obana.

⁷ Salerana se abadhi sabarang se tera’ e langnge’; kataresna’anna langgeng tadha’ obana;

⁸ se abadhi are se epangobasane seyang; kataresna’anna langgeng tadha’ obana;

⁹ bulan ban tang-bintang se epangobasane malem; kataresna’anna langgeng tadha’ obana.

¹⁰ Salerana se mate’e na’-ana’ sareyang e Messer; kataresna’anna langgeng tadha’ obana.

¹¹ Isra’il ebakta kalowar dhari Messer; kataresna’anna langgeng tadha obana;

¹² kalaban astana se kowat ban parjuga; kataresna’anna langgeng tadha’ obana;

¹³ Tase’ Galagas eseba’ madhuwa; kataresna’anna langgeng tadha’ obana;

¹⁴ Isra’il ommadda ebakta alengka tase’ jareya; kataresna’anna langgeng tadha’ obana.

¹⁵ Tape rato Messer ban tantarana epatasellem tadha’ karena; kataresna’anna langgeng tadha’ obana.

¹⁶ Salerana se mimpin ommadda lebat e ra-ara; kataresna’anna langgeng tadha’ obana.

¹⁷ Salerana se makala to-rato se parjuga; kataresna’anna langgeng tadha’ obana;

¹⁸ Salerana se mate’e to-rato se kasohor; kataresna’anna langgeng tadha’ obana;

¹⁹ Sihon, rato Amori; kataresna’anna langgeng tadha’ obana;

²⁰ ban Og, rato Basyan; kataresna’anna langgeng tadha’ obana.

²¹ Nagarana erampas, eparengngagi ka ommadda; kataresna’anna langgeng tadha’ obana;

²² epadaddi andhi’na Isra’il abdina; kataresna’anna langgeng tadha’ obana.

²³ Salerana ta’ kalep ka sengko’ ban ba’na e bakto epakala; kataresna’anna langgeng tadha’ obana.

²⁴ Sengko’ ban ba’na epalopot dhari tanangnga moso; kataresna’anna langgeng tadha’ obana.

²⁵ Saneyap mahlok eparenge pakan; kataresna’anna langgeng tadha’ obana.

²⁶ Mara asokkor ka Allah se ngobasane langnge’; kataresna’anna langgeng tadha’ obana.