Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Holong do uhur hubani Jahowa, halani itangihon do sorangku ampa elek-elekku.
2 Halani ipaeleng do pinggol-Ni dompak ahu, sai padilo-diloonku do Ia sadokah ahu manggoluh.
3 Ililiti rantei ni hamatean do ahu, anjaha biar nagori toruh do mandorab ahu; mandagei hasunsahan ampa sitaronon do ahu.
4 Tapi hudilo ma goran ni Jahowa: Ham Jahowa, paluah Ham ma tonduyhu!
5 Paridop ni uhur do Jahowa anjaha parpintor, parholong do Naibata.
6 Jahowa do siramotkon halak paruhur sisaluju; galek hinan do ahu, tapi ipaluah do ahu.
7 Mulak ma ho sonang, ale tonduyhu, ai domma ibahen Jahowa na madear bam!
8 Tongon, domma ipaluah Ham ahu humbani hamatean, matangku humbani iluh ampa naheihu humbani partolsuan.
9 Boi ma ahu mardalan i lobei ni Jahowa, bani tanoh ni halak na manggoluh.
10 Totap do ahu porsaya, age pe huhatahon, “Tarpisat tumang do ahu.”
11 Bani na tarsosak ahu, ningku do, “Haganup do jolma sipangkiran-kirani.”
12 Naha ma pambalasku bani Jahowa, halani haganup pambahenan-Ni bangku?
13 Panginuman haluahon ma huangkat, anjaha goran ni Jahowa ma hudilo.
14 Bagah-bagahku bani Jahowa, hugalar ma, hugalar i lobei ni haganup bangsa-Ni.
15 Harga do bani panonggor ni Jahowa, hamatean ni halak na hinaholongan-Ni.
16 Tongon, Ham Jahowa, juakjuak-Mu do ahu, juakjuak-Mu tene, anak ni jabolon-Mu naboru, domma itanggali Ham garingku.
17 Bamu ma galangkononku galangan puji-pujian, anjaha goran ni Jahowa ma padilo-diloonku.
18 Bagah-bagahku bani Jahowa, hugalari ma, hugalari ma i lobei ni haganup bangsa-Ni,
19 i alaman ni rumah ni Jahowa, i tongah-tongahmu, ale Jerusalem. Haleluya.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA