Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Guman i Yesus ko'i monia, "Pokota'audon! Kon sigad monimu inta kon na'aia, oyuíon in diaípabií matoi aka diaípa moko'ontong ko'i Allah momarentah takin kawasa-Nya!"
2 Onom nosinggai no'idudui kon tua, ki Yesus nodia ko'i Petrus, ko'i Yakobus bo ko'i Yohanes. Mosia minayak im buḷud inta moḷantud bo sinumontanií. Kon tayowon monia tua nobaḷui im pogot i Yesus.
3 Pakeang-Nya nobaliídon nobudoí mopo'uli-ulinag. Diaíbií in tobatuímai intau mokomampu momataí kobudoíon naímai tua.
4 Onda intua inontong im murií-Nya toḷu tua, ki Yesus nongonguman takin i Elia bo i Musa.
5 Daí ki Petrus noguman ko'i Yesus, "Pak Guru, mopiabií totok kita ing kon na'a. Mopirabií aka mogaid ing kami kon kemah toḷu, tobatuí ing ko'i Pak Guru, tobatuí ing ko'i Musa bo tobatuí doman ing ko'i Elia."
6 Sabananya diaídon kinota'auan i Petrus mongo onu im musti singogonnya, sin sia takin yobayatnya taya dua totokpa inangoian ondok.
7 No'iduduimai kon tua, mosia kino'koḷubungandon ing goḷom bo kino'dongogan in singog nongkon goḷom tatua noguman, "Na'abií ing ki Adií-Ku inta kinotabi-Ku. Indongogai in Sia!"
8 Baḷuí nobobui magií-makow in taya toḷu bo diaídon in ibanea makow inontong monia kolikud ing ki Yesus tontanií ing kon tua.
9 Wakutu in nosiligdon nongkon buḷud tatua i mosia, ki Yesus nongoyow ko'imonia, kai-Nia,"Dona'ai pota'au monimu ko'i ineka onu inta inontong monimu ko'ina aka ki Adií Intau diaípa biagon nongkon kinopatoian."
10 Dinuduian monia ing koyow tatua, ta'e mosia tontanií mulaidon mongonguman mongo onu im makusud in singog i Yesus, "Mobiag bui nongkon kinopatoian".
11 Tuamai mosia noliboí ko'i-Nia, "Nongonu sim mototunduí mita kon agama Yahudi noguman kong ki Elia mustibií mamangoi muna?"
12 Tubag i Yesus, "Ki Elia in totu'ubií kom mamangoi muna sim monolisií kom bayongan yagi-yagi. Ta'e naíonda degaí in soaáḷ Adií Intau inta pinais kom Buk Mosuci, kon Sia koaíntugan in roriga mobarong bo poḷat singkuleon in intau?
13 Tongaí poguman-Kudon ko'i monimu: Ki Elia namangoidon, ta'e pinomia in intau ibo-ibog in sia. Tua noyococok in onu inta aim pinais kom bonu im Buk Mosuci soaáḷ Sia."
14 Naonda ing ki Yesus, ki Petrus, ki Yakobus, bo ki Yohanes minayak noyodondon bui takin murií-Nya mita ibanea, inontong monia nobarongdon totok intau kon tua. Bo tongonumai doman im mototunduí kon agama yogot mobobayowan takin murií mita i Yesus kon tua.
15 Naonda intau mita tatua noko'ontong ko'i Yesus, mosia nongo'itongaw bodongka noribatuk nonontomu ko'i-Nia.
16 Sia noliboí kom murií-Nya mita, "Onu im pinobobayowan monimu takin mototunduí mita kon agama tatua?"
17 Dodai intua oyuíon tobatuí intau kon sigad intau moaíntoí tatua noguman, "Pak Guru, aku'oi nodia ko'i adiíku poaíngoi ko'i Pak Guru. Sia noboboí sin lantaran kinotoḷangan dimukud mora'at.
18 Aka kotoḷangan dimukud mora'at, yo umanti-anting sia kom butaí, bibignya bobura'an, ingipon morokokot bo awaknya motorondoí. Pino'igumkudon ko murií-Mu mita moguntun kon dimukud mora'at tatua, ta'e diaí moko'untun i mosia."
19 Daí ki Yesus noguman ko murií-Nya mita, "Mo'iliu-liu bidon im mo'ikow nion! Totu-totu'ubií kom mo'ikow nion intau inta diaí mopirisaya. Modapotpa in onda Aku'oi musti mogutun moyotakin monimu bo mokoposabar? Dia mangoi kon na'a adií tanion!"
20 Daí dinia monia ko'i Yesus in adií tatua. Wakutu in dimukud mora'at tatua noko'ontong ko'i Yesus, pinotorondoínya awak in adií tatua sahingga in noḷabuí no'itangkulitod bo iḷuaian buraí im bibignya.
21 Ki Yesus noliboí ko'i amaí in adií tatua, "Dodaipa onda sia nana'a?" "Nongkon mo'intokanpamai!" Tubag i amaínya tua.
22 "Mokakitdon dimukud mora'at tatua moramiji molimod ko'inia takin cara pogonangnya kon tuḷu ande kom bonu in tubig. Aka ki Pak Guru mokotuḷungbií daí kotabipa ing kami bo tuḷungaipa!"
23 Ki Yesus notubag, "Onu ing kainimu? Aka mokotuḷungbií in Aku'oi? Komintanbií mota'au-Ku aidan asaḷ bo mopirisaya intau!"
24 Baḷuí nomaḷuí ki amaí i adií tatua, kainia, "Tuhan, mopirisaya in aku'oi, ta'e noyakagpa im pirisayaku. Tuḷungaidon simbaí modugangdon im pirisayaku!"
25 Naonda inontong i Yesus kon intau mobayong mulaidon moyolipung, pinarenta'an-Nya in dimukud mora'at tatua takin singog, "Hei dimukud mora'at inta bongoḷ bo boboí, Aku'oi moguman ko'inimu, ḷuaidon nongkon adií tana'a bo dikadon bui tumoḷang ko'inia!"
26 Dimukud mora'at tatua nomaḷuí bodongka sinorondoínya awak in adií tatua, bo iḷumuai nongkon adií tatua. Ontongon naídon onda bo mayat in adií tatua, sahingga ing komintandon intau nosingog, "Minatoidon sia!"
27 Ta'e kinadaian i Yesus in limanya bo sinuḷungan binangon. Daí nobangondon adií tatua.
28 Naonda ing kom baḷoidon ki Yesus, murií-Nya mita namangoi sinumontanií bo noliboí ko'i-Nia, "Nongonu sin diaíbií ing kami moko'untun kon dimukud mora'at tatua?"
29 Tubag i Yesus, "Dimukud mora'at na' tatua diaíbií mota'au untunon in cara naíondakah, kolikudbií in sambayangan."
30 Ki Yesus bo murií-Nya mita nonaḷaímaidon kon tampat tatua bo nongingguput kom bobaya'an monia nongin Galilea. Doiíbií ing ki Yesus kota'auan intau im baya'an-Nya,
31 sin koyogot in Sia motunduí kom murií-Nya mita. Sia noguman, "Adií Intau posarahkan kom bonu ing kawasa intau, bo limodon in Sia, ta'e kon singgai intoḷunya Sia bui mobiag!"
32 Diaí kinomangalean i murií-Nya mita makusud in singog i Yesus tatua, ta'e mo'ondok i mosia moliboí ko'i-Nia.
33 No'idudui kon tua no'iyaputdon Kapernaum im mosia. Naonda ing kom baḷoi ki Yesus noliboí kom murií-Nya mita, "Onu im pinobobayowan monimu ko'ina kon daḷan?"
34 Ta'e mosia tongaí kibio-bioímai, sim pinobobayowan monia ko'ina kon daḷan in soaáḷbií ki ine moḷobe-ḷoben.
35 Daí ki Yesus ilimituí bo nogoinií kom murií-Nya mopuḷuh bodoyowaí tatua bo noguman ko'i monia, "Intau inta mo'ibog kom muna totok, yo musti in sia mo'ibog kon tumi totok bo mo'ibog mobalií bobantung im bayongan intau."
36 Onda intua ki Yesus nogamaí kon tobatuí mongoaídií bo pinosindog-Nya kon tayowon monia komintan. Kinoyotan i Yesus in adií tatua bo noguman kom murií-Nya mita,
37 "Intau inta motarima kon tobatuí adií naí tana'a lantaran nopirisaya ko'i-Nakoí, yo tua im mangalenya sia notarima ko'i-Nakoí. Bo intau inta notarima ko'i-Nakoí, sia tua in de'emanbií tongaí notarima ko'i-Nakoí, ta'e notarima domandon ko'i-Nia inta nopotabaí ko'i-Nakoí."
38 Ki Yohanes noguman ko'i Yesus, "Pak Guru, kami noko'ontong kon tobatuí intau noguntun kon dimukud mora'at pinodoyon kon tangoi i Pak Guru, ta'e ilarang nami sin sia de'emanbií intau naton."
39 Ta'e guman i Yesus, "Dona'ai molarang ko'inia, sin diaíbií tobatuímai intau inta nogaid kom mokoherang inta pinodoyon kon tangoi-Ku, bo baḷuí in sia mopora'a-ra'atmai ko'i-Nakoí.
40 Sin intau inta diaí moḷawang ko'i naton, yo sia tua intaubií naton.
41 Pokotorop! Intau inta nopo'inum ko'i monimu sin lantaran mo'ikow murií i Raja Mopoposaḷamat, yo nopasti bidon kom motarima in sia kom bungainya."
42 Ki ine in mokopopisií modapot kon tobatuí nongkon mongoaídií mita tana'a diaídon mopirisaya ko'i-Nakoí, yo mopira-piradon intau tatua popotogotan gantung kon sigogow bo pogonag kon dagat.
43 Aka limamu mokopopisií ko'inimu mogaid ko mokobaradosa yo pongkoí in limamu tua! Sim mopira-pirabií kon diaí kolima tosimpaḷ ikow bo mobiag takin i Allah, dari pada oyuíonpa in lima doyowa nosimpaḷ ta'e tumu'ot ikow kon naraka, tuḷu inta diaí mopio-piong.
44 [Kon tampat tatua uḷodea mita diaíbií matoi bo tuḷunya in diaíbií kopiongan.]
45 Bo aka sioḷmu mokopopisií ko'inimu mogaid kom mokobaradosa yo pongkoí in sioḷmu tatua. Sin mopira-pirabií kon diaí in sioḷ tosimpaḷ ta'e mobiag takin i Allah, daripada oyuíonpa in sioḷ doyowa nosimpaḷ ta'e pogonag kom bonu in naraka.
46 [Kon tampat tatua uḷodea mita diaíbií matoi, bo tuḷunya diaíbií doman kopiongan.]
47 Aka matamu mokopopisií ko'inimu mogaid kon inta mokobaradosa, yo kuildon im matamu tatua! Sim mopira-pirabií kon diaí komata tosimpaḷ in tumu'ot kon dunia mobagu i Allah, daripada oyuíonpa im mata doyowa nosimpaḷ ta'e pogonag kom bonu in naraka.
48 Kon tampat tatua ulodea mita diaíbií matoi, bo tuḷunya diaíbií doman kopiongan.
49 Pomuḷoi intau ujion in tuḷu naí doman kurban daritan in simuton.
50 Simuton tua i mopiabií, ta'e aka moḷiaudon yo onu i mota'au pogibung monimu bui kon tua? Daí tuamai kobaliíbií im mo'ikow naí simuton bo kobiagbií moyotakin, takin popia'an bo totabian.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA