Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ndẽq ngonẽq sesampun nike, araq malik sekelompoq dengan luwẽq dateng bekumpul. Sẽngaq ie pade ndẽq bedowẽ keloran, Deside Isa ngemanikang pengiring-pengiring-Ne dait bemanik,

² "Tiang periak lẽq dengan luwẽq niki. Sampun telu jelo ngonẽqne ie pade turut Tiang, dait mangkin ie pade ndẽq bedowẽ keloran.

³ Lamun Tiang suruq ie pade ulẽq kenyeke lapah, ie pade gen paleng lẽq tengaq langan, sẽngaq araq lẽq antare ie pade saq dateng lẽman jaoq."

⁴ Jawab pengiring-pengiring Deside Isa, "Lẽq taoq saq kesempil niki, lẽq mbẽ dengan mauq keloran saq cukup jari selapuq dengan niki?"

⁵ Deside Isa beketuan lẽq ie pade, "Araq pire ruti lẽq side pade?" "Pituq," jawab ie pade.

⁶ Make Deside Isa manikang dengan luwẽq nike tokol lẽq tanaq. Terus Ie bait kepituq ruti nike dait ngucap syukur tipaq Allah. Sesampun nike, Deside Isa peleng-peleng ruti nike kadu gading-Ne dait icanin-Ne tipaq pengiring-pengiring-Ne jari tebagi-bagiang ojok dengan-dengan. Make pengiring-pengiring-Ne ngelaksaneang hal nike.

⁷ Ie pade ẽndah bedowẽ pire empaq kodẽq. Deside Isa bait empaq-empaq nike dait ngucap syukur tipaq Allah, terus ngemanikang pengiring-pengiring-Ne bagi-bagiang empaq-empaq nike ẽndah.

⁸ Ie pade bekelor jangke besuh -- araq kire-kire empat iyu dengan saq bekelor. Beterus pengiring-pengiring Deside Isa ngumpulang salo keloran -- araq pituq bakaq penoq. Beterus Deside Isa manikang dengan-dengan nike ulẽq,

⁹ (8:8)

¹⁰ dait Ie kance pengiring-pengiring-Ne langsung taẽk perau dait lumbar ojok daẽrah Dalmanuta.

¹¹ Dengan-dengan Parisi parek ojok Deside Isa, dait mulai besoal jawab kance Ie jari boyaq kesalaqan adẽq ie pade bau nyalahang Deside Isa. Ie pade tunas Deside Isa piaq tande ajaip lẽman sorge.

¹² Deside Isa ngeluh lẽq dalem atẽ-Ne terus bejawab, "Kembẽq dengan-dengan jaman niki tunas Tiang piaq tande? Tiang badaq side, ie pade ndẽq gen teican tande napi-napi!"

¹³ Beterus Deside Isa bilin ie pade, dait taẽk ojok perau; beterus berangkat ojok itoqan danao nike.

¹⁴ Pengiring-pengiring Deside Isa lupaq jauq ruti. Ie pade cume bedowẽ sopoq ruti lẽq perau.

¹⁵ Deside Isa peringet ie pade, "Onyaq-onyaq siq ragi ruti dengan-dengan Parisi dait ragi Herodes."

¹⁶ Make pengiring-pengiring Deside Isa nike mulai ngeraosang hal nike. Ie pade bebase, "Ie bemanik maraq nike, sẽngaq ite ndẽq bedowẽ ruti."

¹⁷ Deside Isa wikan napi saq ie pade raosang. Keranaq nike Ie beketuan lẽq ie pade, "Kembẽq side pade ngeraosang mengenai ndẽq bedowẽ ruti? Napi side pade ndẽqman nenaoq dait ndẽqman ngerti ẽndah? Napi pikirande sampun kongol gati?

¹⁸ Side pade bedowẽ penenteng -- kembẽq ndẽq serioq? Side pade bedowẽ kentok -- kembẽq ndẽq dengah? Napi side pade ndẽq inget malik,

¹⁹ lime ruti nike saq Tiang peleng-peleng jari lime iyu dengan? Pire bakaq penoq salo keloran saq side pade kumpulang?" "Due olas bakaq," jawab ie pade.

²⁰ Deside Isa beketuan malik, "Dait waktu Tiang peleng-peleng pituq ruti jari empat iyu dengan, pire bakaq salo keloran saq side pade kumpulang?" "Pituq," jawab ie pade.

²¹ "Nah, napi side pade ndẽqman ngerti ẽndah?" manik Deside Isa malik.

²² Ie pade rauh lẽq Betsaida. Lẽq derike sopoq dengan jauq dengan bute tipaq Deside Isa, dait tunas adẽq Ie jamah dengan bute nike jari nyelahang ie.

²³ Beterus Deside Isa tegel ime dengan bute nike dait ie tedẽndẽn siq Deside Isa ojok luah dẽse nike. Terus Deside Isa beludah lẽq penenteng dengan nike, dait noloq gading-Ne lẽq penenteng dengan bute nike, terus beketuan lẽq ie, "Napi araq saq side serioq?"

²⁴ Dengan nike serioq ojok julu, terus matur, "Enggih. Tiang serioq dengan lampaq-lampaq; laguq ie pade penggitan maraq lolo."

²⁵ Deside Isa noloq malik gading-Ne lẽq penenteng dengan nike. Mangkin niki dengan nike tetu-tetu nyerioq. Penentengne selah dait ie pedas serioq selapuqne.

²⁶ Beterus Deside Isa bemanik lẽq ie, "Ulẽq, dait ndaq tame ojok kampung nike malik."

²⁷ Deside Isa dait pengiring-pengiring-Ne lumbar ojok dẽse-dẽse lẽq sekiter Kaisarea Pilipi. Lẽq tengaq langan Deside Isa beketuan lẽq ie pade, "Menurut basen dengan, sai Tiang niki?"

²⁸ Jawab ie pade, "Araq saq bebase: Yahya Pembaptis. Araq ẽndah saq bebase Elia, saq lain malik bebase: salaq sopoq nabi."

²⁹ "Laguq menurut side pade mẽsaq, Tiang niki sai?" Deside Isa beketuan. Jawab Petrus, "Pelungguh Almasih!"

³⁰ Beterus Deside Isa bemanik lẽq pengiring-pengiring-Ne, "Ndaq gati badaqang hal nike lẽq sai-sai."

³¹ Sesampun nike, Deside Isa mulai ngajah pengiring-pengiring-Ne bahwe Bije Manusie harus luwẽq menderite, dait tetentang siq pemimpin-pemimpin, imam-imam kepale, dait ahli-ahli Taurat. Ie gen tematẽq, laguq lẽq jelo saq ketelu Ie gen idup malik.

³² Secare jelas gati Deside Isa nyeriteang hal nike tipaq pengiring-pengiring-Ne. Make Petrus ngantuq Deside Isa ojok lempẽng dait peringet Ie.

³³ Laguq Deside Isa cingakin dait merhatiang pengiring-pengiring-Ne, terus menggah lẽq Petrus, "Lalo lẽman tẽ, Belis! Pikirande pikiran manusie, ndẽqne pikiran Allah!"

³⁴ Beterus Deside Isa ngemanikang dengan luwẽq saq araq lẽq derike bareng kance pengiring-pengiring-Ne. Beterus Ie bemanik lẽq ie pade, "Sebilang dengan saq mẽlẽ turut Tiang, ie harus ngelupaqang kepentinganne mẽsaq, ngelẽmbah salibne, dait tetep turut Tiang.

³⁵ Sẽngaq dengan saq mẽlẽ nyelametang nyawene, gen kẽlangan nyawene. Laguq dengan saq kẽlangan nyawene lantaran Tiang dait demi Kabar Solah lẽman Allah, dengan nike gen nyelametang nyawene.

³⁶ Napi untungne lẽq sopoq dengan, lamun seantẽro dunie niki jari dowẽne, laguq ie kẽlangan nyawene?

³⁷ Atao napi saq tebẽng siq sopoq dengan jari penggentiq nyawene?

³⁸ Lamun dengan ilaq ngakuq Tiang dait manik Tiang lẽq jaman durhake dait jahat niki, Bije Manusie ẽndah gen ilaq ngakuq dengan nike, lẽq waktu Ie rauh ẽraq dalem kemuliean Bapa-Ne, teiring malaẽkat-malaẽkat saq suci."

Markus

Video Markus 8

Ikuti Kami:

KONTAK | PARTISIPASI | DONASI