Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali tempo i Yesu re’ewa ri tongonata banua i mPue Allah, tempo etu Ia mangalo’a pei mangkita tau to sugi to mamposaka doi ri raya mpeti to napamposaka ntau doi to rawaika resi i Pue Allah.
2 Pasi Ia mangkita seja samba’a tau balu to masiasi kojo, tau we’a etu mamposaka seja doi re’e ria. Doi to iposakanya etu dua ngkomba doi tambaga, doi to kodi kojo angganya.
3 Wali i Yesu manganto’o, “Aku manganto’oka komi, monso pu’u ane ri pangkita i mPue Allah, anu to nawai ntau balu etu semo to bae-bae batuanginya pei anu to nawai nsa’e.
4 Apa samparia sira nempo bae doi naposaka etu, sira mangawai yako ri yabi ngkasugi nsira. Pei tau balu etu ia mangawaika yau resi i Pue Allah samparia doi to re’e resi ia. Wali see naka tempo si’i sakowa doi to danaolika pangkoni tamo re’e.”
5 Wali tempo etu re’e anaguru i Yesu to magombo-gombo mangkonong ewa wimba kagayanya banua i mPue Allah. Sira magombo mangkonong watu to magaya kojo pasi mangkonong sora-sora to nawaika ntau damampakagaya wo’u banua etu. Pei i Yesu manganto’o,
6 “Monso pu’u komi mangangkita samparia to magaya si’i. Pei darata temponya banua i mPue Allah pasi banua-banua to ri awenya etu darapakaja’aka yau, pasi watu bose etu dararantamaka yau samparia. Tare pasi songu to taa darayali yau.”
7 Wali anaguru i Yesu mampotanaka resi Ia, sira manganto’o, “Pa’a Guru, bara mpia temponya danapowali anu to Komi room manganto’oka kami mangkonong banua i mPue Allah darapakaja’aka yau? Pasi kesaa damawali tondong resi kami see manasa palaong etu damawalimo?”
8 Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.
9 Pasi tempo Aku tawa ma’i muni, tempo etu komi damangandonge seja kareba mangkonong tau masimusu pasi mangkonong tau marotai mangewa pomarenta. Pei tempo komi mangandonge kareba etu, ne’e meka apa palaong to etu yako ri songka i mPue Allah wali taa maya taa mawali. Pei ane tempo etu si’awa kapuranya temponya to si’i.
10 Apa tiroowa re’e palaong to damawali. Wali re’e tau to samba’a bansa damasimusu pei tau yako ri bansa to yusa. Pasi re’e seja tau to samba’a makole damasimusu pei tau to samba’a makole to yusa.
11 “Pasi re’e wo’u palaong to damawali ri tempo etu, etu semo lengko tana pasi oro pasi panyaki to mapari kojo, wali samparia palaong to etu damawali ri malagi lipu ri lino si’i. Pasi tau damangkita seja malagi tondong ndate yangi to damampakameka pasi mampakaipu raya nsira.”
12 Wali yako etu i Yesu manganto’oka wo’u anaguruNya, to’oNya, “Ewa wetu palaong to damawali, pei tempo tawa mawali palaong to etu, komi danasoko pasi danasesai ntau. Komi darabotus nja’u banua-banua to napampotunde nto Yahudi pasi komi daratarungku. Pasi komi darakeni ri tango makolemakole pasi ri tango gubernurgubernur apa saba komi mangaya Aku.
13 Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.
14 Pei pakaroso ruyu raya ngkomi naka ne’e morumoru mangampobuuka yami bara gombo kesaa to danuposonoka ngkomi.
15 Apa tempo komi damampogomboka tau to re’e kuasanya etu, tempo etu semo panewa Aku damampakanasaka komi gombo to danuto’o pasi Aku damangawaika komi kapande. Wali see naka tempo komi magombo etu bali ngkomi taa maya mangewa bara mangabanta gombo ngkomi.
16 “Wali boros palaong to maja’a to damawali resi komi ri tempo etu. Apa sakowa tau tu’a ngkomi, tua’i pasi tukaka, ja’i pasi galung ngkomi, sira damamposora yau komi resi tau to damangahuku komi. Pasi re’e seja komi to danapopate yau ntau etu.
17 Pasi boros kojo tau to damaja’a nakita komi apa saba komi mangalulu Aku.
18 Pei nempo ewa wetu, tare pasi santoko wayua ngkomi to marapa yau ane taa nawai i mPue Allah.
19 Wali ne’e mosa mangalulu Aku, apa ane komi maroso pangayamu resi Aku, ane ewa see komi damangarata katuwu to monso.”
20 Wali yako etu i Yesu manganto’o wo’u, to’oNya, “Wali ane ratamo temponya komi mangkita kota Yerusalem danalibumo ntentara to boros kojo, tempo etu komi damangansani mosumo temponya kota etu darapakaja’aka yau.
21 Wali ane nukita ngkomi palaong to etu, piyaimo komi to re’e ri propinsi Yudea, piyai nto’u tongku. Pasi ane re’e tau to ri raya ngkota, piyai yako ri kota etu. Pasi tau to nja’u nawu, ne’emo mawolili muni njo’u kota.
22 Apa tempo etu tempo huku to rapakanasaka yami ri raya ntuntu i mPue Allah. Wali samparia to ratulis etu darabanang ri tempo etu.
23 Wali masiasi kojo tau to mangkeni koro pasi tau to bara re’e ana kodi to mansusu ane rata tempo to etu, apa mandasai kojo sira miyai. Wali bae kojo kasusa pasi mapari kojo huku i mPue Allah to danarata ntau ri tana si’i.
24 Re’e to danapopateka nsa’e wada, pasi re’e wo’u to darasoko pei darakeni yau njo’u samparia tana ntau to si’a to Yahudi. Pasi kota Yerusalem danakuasang ntau to si’a to Yahudi sampe puramo temponya to nawaika i mPue Allah sira mangkuasang etu.”
25 Panewa i Yesu manganto’o wo’u, “Wali tempo etu mata nu eo, wuya pasi batu’e-batu’e damambali ta’anya. Wali palaong to etu damawali tondong resi tau. Pasi ri wawo lino, samparia bansa ntau damasusa pasi moru-moru raya nsira apa tasi maroso kojo loonya pasi bose bombanginya.
26 Wali to lino tamua apa saba kameka ndaya nsira mangampeas palaong to tiroo damawali ri lino si’i, apa samparia to ndate yangi singkayame ewa anu to ranjongko.
27 Wali tempo mawali palaong to etu ndate yangi, tempo etu tau damangkita Aku, Wiyaa nto Lino, ma’i ri raya limu. Pasi tempo Aku dama’i etu, bae kojo kuasangKu pasi kayawangKu.
28 Wali tempo palaong etu mula mawali pakaroso raya ngkomi pei pakasanang apa daratamo temponya komi darapalaes.”
29 Wali yako etu i Yesu manganto’oka sira rapa. Ia manganto’o, “Pobuukaja mangkonong ewa kaju ara pasi samparia kaju to yusa.
30 Rapanya, kaju etu ane mosumo tempo eo ia damalonde. Wali tempo kita mangkita kaju etu malonde muni, kita tansani mosumo tempo eo. Wali kaju etu mawali tondong to mampakanasaka kita mosumo tempo eo.
31 Pasi ewa see seja palaong to Aku roomo mampakanasaka komi mangkonong anu to mawali ndate yangi. Palaong etu seja damawali tondong resi komi apa ane komi mangangkita samparia palaong to kuto’oka komi etu damawalimo, wali komi mangansani daratamo temponya i Pue Allah mawali Makole ri lino.
32 “Wali Aku manganto’oka komi, monso pu’u tau to tuwu tempo tondong-tondong etu mawali, re’e to tawa damate sira damangkita samparia palaong to Aku manganto’o si’i.
33 Yangi pasi lino dapura yau, pei kuasa nu gombongKu taa dapura.”
34 Wali i Yesu mampakapolas gomboNya, Ia manganto’o, “Pakatao kojo naka ne’e raya ngkomi mawali mayu’u apa saba palaong to nuika ngkomi, ewamo boros mantako, pei sangkani kayangu. Pasi ne’e seja moru-moru rayamu mampobuuka katuwumu ri lino si’i. Apa ane ewa see, komi dakayopo ane kodi majoli rata eo ngkama’ingKu etu.
35 Apa samparia tau ri sambawo lino dakayopo tempo etu ewa walesu to kono ntoyo.
36 Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu. Pei pakai-kai resi i Pue Allah see gana karoso ngkomi damampiyaika samparia kasesa to damawali etu. Pasi pakai-kai see komi taa damea tempo mampotango Aku, Wiyaa nto Lino.”
37 Wali yako etu i Yesu ponto eo yau mampotunde tau nja’u banua i mPue Allah. Wali ponto eo etu, wuro-wuro kojo tau kangguyungguyu yau njo’u banua i mPue Allah damampodongeka Ia. Pei ponto wuri Ia mampiyaika kota yau dayore ri lipu ntau to re’e ri woto mpantana to rato’oka Tongku Saitun.
38 (21:37)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA