Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bo nopia doman gina i Saulus kom pinolimodan ko'i Stepanus tua. Kon singgaipa doman tatua jama'at kon Yerusalem totokdon in aḷo-aḷouan makow monia bo pogutuíon sahingga bayongan intau inta mopirisaya kolikud in rasul mita, komintan nongo'ibaya-bayak makow kom bayongan lipuí kon Yudea bo kon Samaria.
2 Bayongan intau inta mongo'ondok ko'i Allah noḷobong ko'i Stepanus bo totok monia inuangan in sia.
3 Ta'e ki Saulus totokdon moramiji momogutuí kon jama'at mita tatua. Sia maya-mayak makow kom baḷo-baḷoianea bo motayak kon jama'at ḷoḷaki bo bobay inta mopirisaya ko'i Tuhan sim poḷuaion kong kotaí tatua bo bayaían bonuon kom ponjara.
4 Intau mita mopirisaya inta ain nongo'irangkap tatua, nopota'a-ta'au doman makow in Habar Mopia kon ondakabií ing kobayaían monia.
5 Ki Pilipus minayak in tobatuí kotaí kon Samaria bo nopota'au in soaáḷ Raja Mopoposaḷamat inta pinodandi i Allah kom bayongan intau kon tua.
6 Naonda in dinongog intau moaíntoí onu im pinota'au i Pilipus bo mosia noko'ontong kon tanda mita inta sinoko-aidannya, mosia notobatuí kong gina bo notarima kon onu inta pinota'aunya tatua.
7 Sin inontongdon monia tontanií in dimukud mita mora'at iḷumuai nongkon intau inta sinoḷangannya tatua takin kumarak. Naí doman tua, nobayong doman totok intau inta lempeng bo intau mita pelong in nopia.
8 Daí totok nopia-pia ing gina intau mita kong kotaí in Samaria tatua.
9 Kong kotaí tatua oyuíon tobatuí ḷoḷaki tangoinya ki Simon. No'onggotdon sia mogaidmai kon soaáḷ mita inta totok mokoherang kom bayongan intau kon lipuí tatua, sin sia mosihirmai. Bo sia nongaku kom bayongan intau kon tua, kon sia totok motoyang.
10 Daí bayongan intau kon kotaí tatua komintandon nonarukiramai ko'inia. Intau mita kong kotaí tatua, mongoaídií, tayamobiag bo guyanga komintan moguman nana'a, "Intau tana'a totokbií ing kinawasa i Allah inta noterkenal 'Mokawasa totok tua'.
11 No'onggotdon totok sia momakeímai in sihirnya, sahingga mopia totok gina im bayongan intau ko'inia.
12 Ta'e mosia binayak i Pilipus pinopota'auan in Habar Mopia soaáḷ naíonda ing ki Allah mamangoi momarentah saḷaku raja bo soaáḷ ki Yesus Kristus, Raja Mopoposaḷamat tua, daí bayongan intau kong kotaí tatua nodait nopirisaya kon onu im pinoyaput i Pilipus ko'i monia. Bo mosia binaptis mita pinomayak ḷoḷaki andeka bobay.
13 Ki Simon nopirisayadon doman. Bo naonda in sia binaptis, sia umuran dumudu-dudui makow ko'i Pilipus. Soaáḷ mita inta mokoherang inta inaidan i Pilipus totok mokoherang ko'i Simon.
14 Rasul mita kon Yerusalem nokodongogdon, kom bayongan intau inta kon Samaria notarimadon kom pirman i Allah. Tuamai pinotabaí monia ing ki Petrus bo ki Yohanes minayak ing kotaí tatua.
15 Naonda in no'iyaputmai kon tua in taya dua, sinambayangan monia in jama'at tatua simbaí tantuí kawasa'an in Roho i Allah,
16 sin diaípa tobatuímai intau kon sigad monia tua ing kinawasa'an Roho i Allah; bagubií binaptis kom bonu in tangoi i Yesus Kristus.
17 Naonda im binarakatandon i Petrus bo i Yohanes daí mosia notarimadon kon Roho i Allah.
18 Onda inontong i Simon kon oyuíondon Roho i Allah ko'i monia sim binarakatan i Petrus bo i Yohanes, daí ki Simon namangoi ko'i Petrus bo ko'i Yohanes takin kodia-dia in doit poḷat
19 noguman, "Ogoiai doman kawasa tanion in aku'oi, simbaí aka aku'oi momarakat kon intau ibanea, bo intau mita tatua motarima doman kon Roho i Allah."
20 Ta'e ki Petrus notubag, "Koboditodon ikow bo doitmu tanion! Kainimu kamai totabi Allah mota'aubií taḷuionmu?
21 Diaí mota'au ikow dumudui mogaid takin nami, sin diaí motulid ing ginamu ko'i Allah.
22 Tuamai inggama'aidon in raianmu inta mongora'at po'igum ko'i Tuhan simbaí ampungan-Nya in raianmu mita tatua!
23 Sing kinota'auanku kon ikow nion in intaubií inta mo'intoi totok bo kinawasa in raian mita inta diaí mopia."
24 Daí ki Simon noguman ko'i Petrus bo ko'i Yohanes, "Daí aka natua yo tuḷungaipa po'igum ko'i Tuhan simbaí diaí tobatuímai in siningog monimu nion mobalií ko'i nakoí."
25 Naonda in nopaḷutdon nobogoi ing kosaksian bo nopota'au im pirman i Tuhan, ki Petrus bo ki Yohanes nobuidon kon Yerusalem. Kom bonu im binaya'an monia tatua, mosia sindaḷan mopota'au in Habar Mopia kom bayongan lipuí kon Samaria tua.
26 Tobatuí malaekat i Tuhan noguman ko'i Pilipus nana'a, "Pobuatdon! Bayakdon kon dotaí in toḷatan daḷan mongin Yerusalem mopobayak ing Gaza." Mo'ingongow totok in daḷam tatua.
27 Daí nobuat domandon ing ki Pilipus bo minayak. Dodai intua oyuíon tobatuí pogawai moḷantud kon istana Etiopia. Sia tua intau inta inogoian ing kaparcayaan mokadai kom bayongan kapunya'an i Sri Kandake, ratu kom buta' in Etiopia. Intau tatua namangoi nosambayang kon Yerusalem bo naonda im mobuidon, sia sinumakoi kong keretanya. Kom bonu im binaya'annya tatua sia sindaḷan mobaca kom buk i Nabi Yesaya.
28 (8:27)
29 Daí Roho i Tuhan noguman ko'i Pilipus nana'a, "Bayak diugai ing keretanya tatua."
30 Daí ki Pilipus minayak dinimiug kong kereta tatua bo nongindongog kom pinobaca'an in intau tatua kom buk i Nabi Yesaya. Nopaḷut makow, sia noliboí kon intau tatua kainia, "Komangalean degaí i Tuang onu im binaca i Tuang tatua?"
31 Daí intau tatua notubag, "Naíondabií ing komomangaleku aka diaí in intau mopomangale ko'i nakoí?" Daí sinongganutannya ing ki Pilipus sinumakoi kong keretanya tatua.
32 Na'a in ayat inta binacanya tua, "Sia naíonda bo domba inta diaan rataían, naí ki adií in domba inta tongaí kibio-bioímai aka gonsingan im bubuḷnya, natua in Sia diaíbií moposingo-singog.
33 Sia siningkule bo pinomia naí intau inta diaí mobanar. Sia ilimod kon dunia na'a, sahingga in diaí tobatuímai intau im mota'au mongonguman kon asaḷ-usuḷ-Nya."
34 Bo noliboí im pogawai tatua ko'i Pilipus, "Pogumankah ko'inakoí, mongo ki ine imakusud in nabi tana'a? Sia tontanií mongo intau ibanea?"
35 Daí nomangkoidon ing ki Pilipus nosingog; ayat mita tatua im pinakeínya nomangkoi nopota'au in Habar Mopia soaáḷ ki Yesus kon intau Etiopia tatua.
36 Kom binaya'an monia tatua, mosia no'idapot in tobatuí tampat inta oyuíon in tubig. Pogawai tatua noguman, "Indoiaikah, kon tua oyuíon tubig! Mota'au degaí aka aku'oi baptisondon kon tua?"
37 [Daí kai Pilipus doman, "Aka ki Tuang bo totu-totu'udon mopirisaya, yo diaíbií doman nongonu." "O,o! Mopirisayadon in aku'oi kong ki Yesus Kristus tua ing ki Adiíbií i Allah," tua in tubag im pogawai tatua ko'i Pilipus.]
38 Daí pinokipotogonnya ing keretanya tatua; bo minayak in taya dua. Ki Pilipus bo pogawai tatua, tumpaḷa noponang kom bonu in tubig bo binaptis i Pilipus kon tua in sia.
39 Naonda im mosia nobatundon nongkon tubig tatua, daliídon dinia in Roho i Tuhan ing ki Pilipus, sahingga in diaídon inontong im pogawai tatua in sia. Daí sia nongiturusadon kom bobayaíannya tatua takin pia ing gina.
40 Indoianmai yo kon Asdod bidon ing ki Pilipus. Bo kon dodai in sia noginturus kom bobayaíannya tatua, sia umuran doman mopoyaput in Habar Mopia soaáḷ ki Yesus kong kota-kota'annya no'iyaput kong Kaisarea.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA