Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tuang Teopilus inta mobijaksana. Kom bonu im bukku inta muna, pinaiskudon im bayongan inta inaidan bo inta sinunduí i Yesus pinangkoipamai wakutu in Sia mulai nogaid
2 no'idapot in singgai kino bingkatan-Nya kon soroga. Ko wakutu in Sia diaípa namonik in soroga, takin kawasa in Roho i Allah, Sia nobogoidon muna im parentah-Nya kon rasuḷ mita inta pinilií-Nya.
3 Naonda in Sia buidon nobiag nongkon kinopatoian-Nya, opat nopuḷuh nosinggai Sia nopo'ontong in oaíidan-Nya kon rasul mita simbaí monyata ko'i monia kon Sia tua in totu-totu'ubií nobiag. Mosia noko'ontong ko'i-Nia, bo Sia nongonguman ko'i monia kon naíonda ing ki Allah momarentah saḷaku Raja.
4 Bo ko wakutu in Sia noyosipun noyotakin monia, Sia noguman ko'i monia nana'a, "Dikapa im mo'ikow monaḷaímai kon Yerusalem. Oḷatdon kon tua modapot ing ki Amaí mobogoidon kon onu inta pinodandi-Nya, inta aim pinota'au-Ku ko'i monimu kolipod.
5 Sing ki Yohanes nopobaptis in tubig, ta'e diaídon mo'onggot mo'ikow baptison in Roho i Allah."
6 Mosia inta noyosipun kon tua noliboí ko'i Yesus, "Tuhan, degaí mo'ibogdon Ikow masa in tana'a moposindog bui ing karaja'an kon intau Israel?"
7 Ki Yesus notubag, "Diaíbií paraḷu kota'auanmu in sempo andeka wakutunya, sin tua ing ki Amaí-Kubií im monantuí podudui ing kawasa-Nya.
8 Tongaí mo'ikow im moko'uliíbií kong kawasa, aka Roho i Allah mamangoidon ko'i monimu bo mo'ikowdon nion im mobalií saksi-Ku kon Yerusalem, kom bayongan butaí in Yudea, kon Samaria bo modapot popod in dunia."
9 Naonda in nosingog makow kon tua in Sia, Sia biningkatdon namonik in soroga ko'onto-ontongpa makow monia tua. Bo kino'olingoiandon ing goḷom in Sia sahingga diaídon inontong monia.
10 Bo ḷumangagpa makow im mosia sim mo'indoi kong kino'onikan i Yesus, indaianmai doyowa intau inta nogiḷambung nobudoí no'isindog magií kon diug monia,
11 bo noguman ko'i monia, "Hei intau mita ing Galilea, nongonu sim mo'ikow simindogbií makow kon nion bo ḷumangag makow kon ḷangit? Ki Yesus inta inontong monimu nobingkat namonik in soroga tua im mamangoibií bui. Bo ko'oangoi-Nya bui notongkaibií naí inta inontong monimu tana'a."
12 Onda intua rasul mita tatua nobuidon kon Yerusalem si mosia nongkon buḷud in Zaitun. Buḷud tatua degaí tokilomai nometer ing koyayuknya nongkon Yerusalem.
13 Kon Yerusalem mosia minayak im baḷoi inta pinogutunan monia. Mosia namonik in ruangan inta pinonga'anan monia wakutu in Singgai Moḷoben Paskah. Na'a in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adií i Alpeus, ki Simon intau in Zelot bo ki Yudas adií i Yakobus.
14 Mosia umuran notobatuí kong gina moyosipun sim mosambayang. Mosia nosambayang takin tongonumai im bobay naí tai Maria inta ki inaí i Yesus bo ki utat mita i Yesus.
15 Kon singgai tobatuí wakutu im mosia noyosipun, degaí mogatutmai bodoyowa nopuḷuh in intau, daí ki Petrus sinimindog kon yuaí-yuaík monia tua bo nosingog, kainia,
16 "Utatku mita, onu inta pinais kom bonu im Buk Mosuci mustibií mobalií. Tungkuḷ intua Roho i Allah nomakeí ko'i Daud bo noguman muna kong ki Yudas im mobalií itoi mita in intau inta modomok ko'i Yesus tua.
17 Kolipod sia tua noyotakinbií nami bo poḷatpa doman noyotakin nami nogaid nana'a."
18 (Ki Yudas na'a aindon noko'ulií kom butaí pinoḷobongan ko'inia, butaí boli in oaíidnya inta mora'at. Sia noḷabuí no'itongkob bo siannya nobotak, sahingga bayongan bonu in siannya no'iḷuai komintan.
19 Bayongan intau kon Yerusalem nonota'au kom bayongan tua, tuamai butaí tatua sinangoian monia inta kom bonu bahasa monia tontanií 'Akeldama', mangalenya 'Butaí in duguí'.)
20 "Sing kom buk im Mazmur oyuíon pinais nana'a, 'Dona'ai makow sin lipuí monia tua in mo'ingongowbií; bo dona'aidon makow sin diaí bidon intau im mogutun kon tua.' Pomayakdon, 'Makow oaíidan inta pinokiaíid ko'inia gamaían in intau ibanea.'
21 Manangka intua musti oyuíon intau kotaki-takin nami im mobalií saksi kong ki Yesus tua in totu-totu'ubií bui nobiag nongkon kinopatoian-Nya. Intau tatua im musti intau inta umuran dinumudu-dudui makow ko'i naton ko wakutu ing ki Tuhan Yesus minaya-mayak makow, tuata in wakutu inta mulaidon pino baptisan i Yohanes nodapot kon singgai ki Yesus nobingkat namonik in soroga nonaḷaímai ko'i naton."
22 (1:21)
23 Daí intau mita kon tua noponu'ot doyowa in tangoi intau. Tangoi nayadua tua ing ki Yusup inta dinonoi ki Barsabas (sia dinonoi doman ki Yustus), tangoi induanya ki Matias.
24 Mosia komintan nosambayang nana'a, "Tuhan, Ikowbií inta nonota'au kom bonu ing gina im bayongan intau, tunduídon mongo ki ine ing ko'ibog-Mu kon sigad nayadua na'a, inta motarima kon oaíidan inta pinokiaíid-Mu ta'e inta ain sinaḷaíanmai i Yudas inta ain notarima kon hukuman pinodudui in oaíidnya."
25 (1:24)
26 Onda intua mosia nopogonik in undi, bo ki Matias ing kinopiliían. Daí sia im binalií rasul pinodugang kon rasul inta mopuḷuh bo mita tua.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA